Луі I Кандэ

Луі I дэ Бурбон-Кандэ
фр.: Louis Ier de Bourbon-Condé
Партрэт Людовіка I дэ Бурбон-Кандэ.
1-ы прынц Кандэ 1546 — 13 сакавіка 1569
Папярэднік	пасада заснавана
Пераемнік	Генрых I Кандэ
Нараджэнне	7 мая 1530 Вандом, Каралеўства Францыя
Смерць	13 сакавіка 1569 (38 гадоў) Жарнак, Каралеўства Францыя
Род	Бурбоны
Бацька	Карл, герцаг Вандомскі
Маці	Françoise d'Alençon[d]
Жонка	Элеанора дэ Руа, Франсуаза Арлеанская Лангвіль
Дзеці	Charles, Count of Soissons[d], Генрых I Кандэ, François de Bourbon[d] і Charles II de Bourbon-Vendôme[d]
Грамадзянства	Францыя
Званне	генерал
Медыяфайлы на Вікісховішчы

Луі I Кандэ (7 мая 1530, Вандом, Францыя — 13 сакавіка 1569, Жарнак, Францыя, поўнае імя — Луі I дэ Бурбон-Кандэ) — французскі арыстакрат, родапачынальнік роду Кандэ.

Біяграфія

Падчас разладаў паміж Гізамі і Бурбонамі, Кандэ, жанаты з пляменніцай Каліньі, стаў главой гугеноцкай змовы ў Амбуазе. Змова была раскрыта, Кандэ прысуджаны да смерці, але выратаваны Францыскам II (1560).

Камандуючы гугенотамі, Кандэ (1562) пачаў першую рэлігійную вайну, узяўшы гарады Арлеан, Руан і інш., але ў канцы гэтага года быў разбіты пры Дро; паранены і ўзяты ў палон, ён заключыў мір у Амбуазе (1563).

Пасля некалькіх гадоў бяздзейнасці Кандэ зноў узяўся за зброю і паспрабаваў захапіць караля Карла IX у Мо. Пасля бітвы пры Сен-Дэні прынц аблажыў і ўзяў Шартр (28 лютага — 15 сакавіка 1568), але 26 сакавіка 1568 года другі раз заключыў мір з дваром. Пазбегнуўшы замаху праціўнікаў, Кандэ пачаткаў новую вайну (1569) і ў бітве пры Жарнаку быў паранены, узяты ў палон і забіты баронам дэ Мантэск’ю па загадзе герцага Анжуйскага.

Шлюб і дзеці

22 чэрвеня 1551 года Людовік I дэ Бурбон-Кандэ пабраўся шлюбам з Элеанорай дэ Руа (24 лютага 1535 — 23 ліпеня 1564, Кандэ-ан-Бры). У гэтым шлюбе было народжана 8 дзяцей:

• Генрых I Кандэ, прынц Кандэ (1552—1588)
• Маргарыта дэ Бурбон (1556, памерла ў маленстве)
• Шарль дэ Бурбон (1557—1558), граф дэ Валеры
• Франсуа дэ Бурбон-Канці (19 жніўня 1558 — 3 жніўня 1614), прынц Канці, суверэнны князь Шато-Рэно
• Луі дэ Бурбон (1562—1563, памёр у маленстве)
• Карл II дэ Бурбон (19 жніўня 1562 — 30 ліпеня 1594), архібіскуп Руана з 1594
• Мадлен дэ Бурбон (1563—1563, памерла ў маленстве)
• Катрын дэ Бурбон (1564, памерла ў маленстве)

8 лістапада 1565 года Людовік узяў шлюб з Франсуазай Арлеанскай Лангвіль (5 красавіка 1549, Шатадзён — 11 чэрвеня 1601, Парыж) нарадзіліся:

• Карл дэ Бурбон-Суасон, граф Суасон і Дро (3 лістапада 1566 — 1 лістапада 1612)
• Луі дэ Бурбон-Кандэ (1567—1568, памёр у маленстве)
• Бенжамін дэ Бурбон-Кандэ (1569—1573, памёр у дзяцінстве)

Ад Ізабелы дэ ла Тур ён меў пазашлюбнага сына (нар. 1564)

Літаратура

• Чаркасаў Д. М. Кандэ // Беларуская энцыклапедыя / рэдкал.: Г. П. Пашкоў (гал. рэд.) і інш.. — Мінск: Беларуская энцыклапедыя, 1998. — Т. 7. — С. 582.

Спасылкі

• На Вікісховішчы ёсць медыяфайлы па тэме Луі I Кандэ
• Louis I de Bourbon, prince de Condé (англ.). — артыкул з Encyclopædia Britannica Online. Праверана 27 чэрвеня 2012.

Пры напісанні артыкула выкарыстаны матэрыял з Энцыклапедычнага слоўніка Бракгаўза і Эфрона (1890—1907).