Губерні Фінляндыі

Да 1 студзеня 2010 года Фінляндыя падзялялася на 6 губерняў (ляні, фінск.: lääni, шведск.: län). Губерні кіраваліся ўрадам, на чале якога знаходзіўся губернатар, прызначаны прэзідэнтам краіны. Максімальны срок, на працягу якога губернатар мог займаць свой пост, — 8 гадоў. У 2010 былі цалкам ліквідаваны.

Губерня	Сталіца
1	бел.: Паўднёвая Фінляндыя фінск.: Etelä-Suomen lääntei шведск.: Södra Finlands länd	бел.: Хяменліна фінск.: Hämeenlinna шведск.: Tavastehus
2	бел.: Заходняя Фінляндыя фінск.: Länsi-Suomi läänti (Läansi-Suomi) шведск.: Västra Finlands län	бел.: Турку фінск.: Turku шведск.: Äbo
3	бел.: Усходняя Фінляндыя фінск.: Itä-Suomen läänti шведск.: Östra Finlands län	бел.: Мікелі фінск.: Mikkeli шведск.: S:t Michel
4	бел.: Оўлу фінск.: Oulum lääni (Oulu) шведск.: Uleäborgs län	бел.: Оўлу фінск.: Oulu шведск.: Uleäborg
5	бел.: Лапландыя фінск.: Lapin läänti (Lappi) шведск.: Lapplands län	бел.: Рованіемі фінск.: Rovaniemi
6	бел.: Ахвенанмаа фінск.: Ahvenanmaan lääni (Ahvenanmaa) шведск.: Ålands län	бел.: Марыехамн шведск.: Mariehamn фінск.: Maarianhamina

Гісторыя

Да адміністрацыйнай рэформы 1997 года Фінляндыя падзялялася на 12 губерняў, якія захаваліся з часоў праведзенай Мікалаем I рэформы. Большая частка трынаццатай, Выбаргскай губерні была далучана да СССР пасля Зімняй і Другой сусветнай войн.

Пасля праведзенай у 1831 годзе Мікалаем I рэформы Вялікае княства Фінляндскае падзялялася на 8 губерняў:

Губерня	Губернскі горад	Плошча, тыс. кm²	Насельніцтва, тыс. чал., 1905
Аба-Б’ёрнеборгская губерня	Аба	22,9	470
Вазаская губерня	Ваза / Нікаластайт	38,3	479
Выбаргская губерня	Выбарг	31,5	458
Куопіоская губерня	Куопіа	35,6	319
Нюландская губерня	Гельсінгфорс	11,1	327
Санкт-Міхельская губерня	Санкт-Міхель	17,2	192
Тавастгуская губерня	Тавастгус	18,0	317
Улеаборгская губерня	Улеаборг	157,0	295

У 1918 годзе, неўзабаве пасля абвяшчэння незалежнасці Фінляндыі, Аландскія астравы былі выдзелены ў асобную губерню, якая атрымала аўтаномны статус у выніку аландскага крызіса ў 1921 годзе.

У 1921 годзе на набытай паводле Тартускага мірнага дагавора тэрыторыі была створана Печангская губерня, але ўжо 1 студзеня яна была ліквідавана і ўключана ў склад губерні Оўлу.

У 1938 годзе паўночная частка губерні Оўлу была выдзелена ў Лапландскую губерню. Пасля таго як большая частка Выбаргскай губерні, уключаючы губернскі горад, адышла да СССР пасля Зімняй і Другой сусветнай войн, на той частцы, што засталася ў Фінляндыі, была ў 1947 годзе створана губерня Кюмі.

У 1960 годзе былі створаны губерні Цэнтральная Фінляндыя (з частак Вазаскай, Міхельскай, Куапійскай губерняў і губерні Хяме) і Паўночная Карэлія (з часткі Куапійскай губерні).

У выніку рэформы 1997 года колькасць губерняў была скарочана да шасці: губерні Уўсімаа, Кюмі і паўднёвая частка губерні Хяме былі аб’яднаны ў губерню Паўднёвая Фінляндыя, губерні Ваза, Турку-Поры, Цэнтральная Фінляндыя і паўночная частка губерні Хяме ў губерню Заходняя Фінляндыя, а губерні Куопіа, Мікелі і Паўночная Карэлія ў губерню Усходняя Фінляндыя.

1 студзеня 2010 года ўсе губерні былі ліквідаваны. але было створана Агенцтва рэгіянальнага кіравання. Таксама захаваўся падзел Фінляндыі на вобласці.

Гл. таксама