Ляшчына дрэвападабная

Ляшчына дрэвападабная
Лісце і арэшкі
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Букакветныя Сямейства:  Бярозавыя Падсямейства:  Ляшчынавыя Род:  Ляшчына Від:  Ляшчына дрэвападабная
Міжнародная навуковая назва
Corylus colurna L., 1753
Сінонімы
Corylus iberica Wittm. ex Bobrov
Ахоўны статус
Выклікаюць найменшыя асцярогі IUCN 3.1 Least Concern : / 194668
Сістэматыка на Віківідах Выявы на Вікісховішчы ITIS   506808 NCBI   101193 EOL   1147596 GRIN   t:11645 IPNI   295453-1 TPL   kew-47866

Ляшчына дрэвападабная (Corylus colurna) — від дрэў сямейства бярозавыя (Betulaceae).

Апісанне

Дрэва вышынёй да 25 м з густой шырокапірамідальнай кронай. Ствол добра сфарміраваны, пакрыты светла-шэрай пласціністай карой. Пупышкі да 6 мм даўжынёй, даўгавата-яйцападобныя, чырвона-бурыя, апушаныя, часам голыя. Лісце буйное, авальнае, цёмна-зялёнае, з падвойна-зубчастым краем, на доўгіх, залозіста-апушаных хвосціках. Плод — арэх з лямцавай абгорткай, якая цалкам пакрывае арэх і рассечана на доўгія, пакручаныя або выгнутыя долі, у разы даўжэйшыя за арэх. Арэхі з тоўстай трывалай шкарлупінай, сціснутыя па баках, сабраны ў пучкі па 3-7.

Будова кроны

Распаўсюджанне

Паходзіць з Балкан, Каўказа, Паўночнага Ірана, Гімалаяў. У Прыкарпацці і Закарпацці яна добра акліматызавалася, перспектыўная не толькі ў зялёнай гаспадарцы, але і ў лясных пасадках, добра расце ў зацішных месцах у багатых тыпах умоў месцапражывання.

Практычнае выкарыстанне

Драўніна прыгожага ружовага адцення, высока цэніцца пры вытворчасці мэблі, з-за чаго ў многіх месцах натуральнага распаўсюджання яна была амаль цалкам высечана. У СССР была занесена ў Чырвоную кнігу як знікаючы рэліктавы від.

У дэкаратыўных пасадках рэкамендуецца высаджваць алеямі, рэдкімі групамі і салітэрамі.

Арэшкі ядомыя і смачныя, але іх прамысловая каштоўнасць невысокая з-за вельмі тоўстай і цвёрдай шкарлупіны.

Паколькі расліна не дае каранёвых атожылкаў, а расце аднаствольным дрэвам, яе зручна выкарыстоўваць як прышчэпу для культурных сартоў лясных арэхаў.