Ліберале да Верона

Ліберале да Верона
Дата нараджэння	1441
Месца нараджэння	Верона, правінцыя Верона, Венета, Італія
Дата смерці	1529
Месца смерці	Верона, правінцыя Верона, Венета, Італія
Грамадзянства	Венецыянская рэспубліка
Род дзейнасці	мастак, ілюмінатар рукапісаў
Мастацкі кірунак	Veronese school[d]
Уплыў	Vincenzo di Stefano da Verona[d]
Медыяфайлы на Вікісховішчы

Ліберале да Верона (італ.: Liberale da Verona; каля 1445, Верона — 1529, Верона) — італьянскі мініяцюрыст і жывапісец.

Нарадзіўся ў Вероне. Ён быў вучнем мастака Вінчэнца дзі Стэфана. Таксама на яго аказалі моцны ўплыў Андрэа Мантэнья і Якапа Беліні. З ранняга ўзросту займаўся мініяцюрай, у 1465 годзе стварыў свае першыя працы для веронскай царквы Санта-Марыя ін Аргане, пазней з’ехаў у Таскану, дзе паміж 1467—1469 гадамі працаваў у манастыры Монтэ Алівета Маджорэ. Атрымаў шырокае прызнанне пасля мініяцюр для зборнікаў царкоўных песнапенняў, створаных у 1470—1476 гады для бібліятэкі Пікаламіні ў Сіене. У 1482 годзе вярнуўся ў Верону, у 1489 годзе наведаў Венецыю, дзе стварыў алтарны абраз «Мадонна на троне з чатырма святымі» (музей Бодэ, Берлін). Ліберале да Верона атрыбутуецца панэль «Шахматысты», створаная каля 1475 года на касоне, на невядомы літаратурны сюжэт. У 1490 годзе працаваў у веронскай царкве Санта Анастасія, дзе напісаў шэраг фрэсак і алтарных вобразаў, якія з’яўляюцца яго найбольш значнымі творамі. Сярод яго вучняў былі Джавані Франчэска Карота, Франчэска Торбіда і Паола Маранда.