Лідзія Маркаўна Малініна

Лідзія Маркаўна Малініна
Род дзейнасці	мемуарыстка, архівістка, музейны супрацоўнік, рэдактар
Дата нараджэння	15 кастрычніка 1938(1938-10-15)
Месца нараджэння	Менск, Менская вобласць, Беларуская ССР, СССР
Дата смерці	27 красавіка 2024(2024-04-27) (85 гадоў)
Месца смерці	Мінск, Беларусь
Грамадзянства	Беларусь
Бацька	Марк Афанасьевіч Трохан[d]
Месца працы	Дзяржаўны літаратурны музей Янкі Купалы Навукова-даследчы інстытут педагогікі Міністэрства асветы БССР[d] Беларуская энцыклапедыя імя Петруся Броўкі Беларускі дзяржаўны ўніверсітэт замежных моў
Альма-матар	філалагічны факультэт БДУ БДПУ

Лідзія Маркаўна Малініна (у дзявоцтве Трохан, 15 кастрычніка 1938, Мінск — 27 красавіка 2024, Мінск) — беларуская мемуарыстка, архівістка, музейная работніца, рэдактарка. Пляменніца беларускага паэта Алеся Дудара, захавальніца ягонага архіва.

Сям’я

Нарадзілася ў сям’і агранома Яўгеніі Аляксандраўны Дайлідовіч, роднай сястры паэта Алеся Дайлідовіча (Алеся Дудара), і біёлага Марка Афанасьевіча Трохана. У дзяцінстве Ліду выхоўвалі маці і бабуля Вольга Іванаўна Дайлідовіч. Замужам за беларускім філолагам Аляксандрам Малініным.

Біяграфія

Скончыла філалагічны факультэт БДУ, аспірантуру па кафедры рускай літаратуры педагагічнага інстытута імя М. Горкага.

• 1961—1965 — малодшы навуковы супрацоўнік музея Янкі Купалы
• 1969—1971 — старшы навуковы супрацоўнік НДІ педагогікі
• 1971—1994 — рэдактар Беларускай савецкай энцыклапедыі
• 1994—2014 — супрацоўнік рэдакцыйна-выдавецкага аддзела МДЛУ

Унёсак у гісторыю беларускай літаратуры

• З’яўляецца аўтаркай шэрагу артыкулаў у энцыклапедычных выданнях БСЭ («Дзяржаўная прэмія БССР імя Янкі Купалы», «Алесь Дудар», «Ежы Жулаўскі», «Купаліяна», «Марыя Хайноўская» і шэрагу іншых для Энцыклапедычнага даведніка «Янка Купала» (Мн., БСЭ, 1986), «Купалаўскі мемарыыяльны запаведнік», «Альберт Паўловіч», «Янка Сіпакоў» і шэрагу іншых для энцыклапедыі «Янка Купала» (Мн., БСЭ, 2018);
• Пасля смерці бабулі і маці захоўвала асабісты архіў расстралянага Алеся Дудара, у якім утрымліваўся першы беларускі пераклад рамана А.Пушкіна «Еўгеній Анегін»;
• Сабрала калекцыю публікацый мемуараў і успамінаў аб ім у савецкай і беларускай прэсе;
• Захавала асабістую бібліятэку Алеся Дудара, зрабіла бібліяграфічнае апісанне збора;
• Удзельнічала ў падрыхтоўцы Выбраных твораў Алеся Дудара (2017, выдавецтва Лімарыус);
• Перадавала матэрыялы з асабістага архіва для працы выстаў, прысвечаных творчасці міжваенных паэтаў: «Покліч» (1998), «Страчаныя абліччы» (2019), «Адлюстраванні» (2019);
• Пакінула ўспаміны пра сям’ю Дайлідовічаў.

Літаратура

• Севярынец Ганна. Кнігазбор Алеся Дудара // Полымя, 2018, № 3. С.142-154.