Лізавета Саламонаўна Весніна

Лізавета Саламонаўна Весніна
Дата нараджэння	28 кастрычніка 1917(1917-10-28)
Месца нараджэння	Сухумі, Сухумская акруга[d], Расійская імперыя
Дата смерці	невядома
Муж	Яўген Максімавіч Палосін[d]
Прафесія	актрыса
Тэатр	Гомельскі абласны драматычны тэатр Брэсцкі акадэмічны тэатр драмы імя Ленінскага камсамола Беларусі Нацыянальны акадэмічны драматычны тэатр імя Максіма Горкага
Член у	БСТД
Узнагароды	Заслужаны артыст Беларускай ССР (1961)

Лізавета Саламонаўна Весніна́ (сапраўднае прозвішча Ядзіткіна-Весніна; нар. 28 кастрычніка 1917, Сухумі — ?) — беларуская актрыса. Заслужаны артыст Беларускай ССР (1961).

Біяграфія

Сцэнічную дзейнасць пачала ў Гомельскім абласным рускім драматычным тэатры з 1939 па 1941 і з 1945 па 1946 гады, у 1946—1948 гадах працавала ў Магілёве, куды быў пераведзены тэатр, у 1948—1949 гадах у Брэсцкім абласным драматычным тэатры, дзе выконвала галоўным чынам эпізадычныя ролі, у 1949—1977 у Дзяржаўным рускім драматычным тэатры ў Мінску.

Член Беларускага саюза тэатральных дзеячаў з 1947 года.

Творчасць

Выканаўца вострахарактарных роляў. Сярод лепшых: Мар’я («Галоўная стаўка» К. Губарэвіча), Каця («Варвары» М. Горкага), Лушка («Узнятая цаліна» паводле М. Шолахава), Святлана («Яе сябры» В. Розава), Паэма («Не называючы прозвішчаў» В. Мінко), Калугіна («Таварышы па працы» Э. Брагінскага і Э. Разанава).

Сям’я

У шлюбе з акцёрам Яўгенам Максімавічам Палосіным (1911—1981).

Літаратура

• Весніна Лізавета Саламонаўна // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 4: Варанецкі — Гальфстрым. — 480 с. — 10 000 экз. — ISBN 985-11-0090-0 (т. 4), ISBN 985-11-0035-8.