Лінаўскае гета
Лінаўскае гета — яўрэйскае гета ў Лінаве, створанае нацыстамі ў перыяд акупацыі Беларусі.
Вёска Лінава была акупавана ўлетку 1941 года і ўключаная ў склад абласной акругі Кобрын Рэйхскамісарыята Украіна. Тут размяшчаўся нямецкі камісар і аддзяленне ўкраінскай паліцыі, у якой служылі палякі, беларусы і ўласна ўкраінцы.
Яўрэі Лінава працавалі на вырубцы лесу вакол чыгуначных шляхоў у кірунку Тэўляў на дарозе Баранавічы — Брэст. Кіраўніком юдэнрата быў Абрам Цукерман.
За два тыдні да знішчэння гета ў Лінава прыбылі прадстаўнікі гестапа і перапісалі ўсіх яўрэяў, які пражывалі ў вёсцы, а таксама ў суседніх Аранчыцах. Яўрэям было забаронена пражываць побач з хрысціянамі, а таксама падрыхтавацца да перамяшчэння ў Кобрынскае гета. Тады ж некаторых прыгодных да працы майстроў забралі ў Кобрын.
Прыкладна ў пачатку ліпеня 1942 года ўсё яўрэйскае насельніцтва Лінава было расстраляна і пахавана ў яме прыкладна за 1,5 км ад вёскі. Здолелі ўратавацца толькі некалькі чалавек, якія перад гэтым пакінулі свае хаты.
Спасылкі[правіць | правіць зыходнік]
- The destruction of Lineve(недаступная спасылка) (англ.). Успаміны Берла Блюштайна
