Ліпан

Ліпан (Lépai-Ndé)
Агульная колькасць	1000 (2000 г.)
Рэгіёны пражывання	ЗША
Мова	ліпан
Рэлігія	анімізм, шаманізм, хрысціянства
Блізкія этнічныя групы	іншыя апачы, наваха

Ліпан (саманазва: Lépai-Ndé) — народ з групы апачы, карэнныя жыхары ЗША. Жывуць пераважна ў штатах Тэхас і Нью-Мексіка. Агульная колькасць (2000 г.) - каля 1 000 чал.

Ліпан з'яўляюцца нашчадкамі канфедэрацыі паўднёвых атабаскаў, што насялялі ў XVIII ст. тэрыторыю Тэхаса і Нью-Мексіка. Іх асноўным заняткам было коннае паляванне.

Канфедэрацыя распалася да сярэдзіны XIX ст. ў выніку паражэнняў ад каманчаў. Асобныя групы ліпан далучыліся да іншых апачы, каёва і кікапу, але захоўвалі родную мову і памяць пра адзінства. У канцы XIX ст. - першай палове XX ст. мова і звычаі ліпан вывучаліся амерыканскімі антраполагамі.

У нашы дні ліпан працягваюць падзяляцца на асобныя групы і жывуць сярод іншых індзейскіх народаў. На афіцыйным ўзроўні яны не прызнаюцца ўладамі ЗША ў якасці асобнай нацыі, фіксуюцца як апачы або чальцы пэўнай рэзервацыі. Аднак з канца XX ст. назіраецца імкненне ліпан да ўзаемнай культурнай інтэграцыі і адраджэння роднай мовы.

Спасылкі

• Lipan Apache
• Lipan Apache Tribe of Texas