Перайсці да зместу

Ліпа (рака)

З Вікіпедыі, свабоднай энцыклапедыі
Ліпа
Характарыстыка
Даўжыня 62 км
Басейн 577 км²
Расход вады 2,4 м³/с
Вадацёк
Выток  
 • Месцазнаходжанне за 1 км ад вёскі Вуглы
 • Каардынаты 52°52′30″ пн. ш. 30°23′34″ у. д.HGЯO
Вусце Сож
 • Месцазнаходжанне за 3,5 км ад пасёлка Ераполле
 • Вышыня 119,5[1] м
 • Каардынаты 52°42′48,50″ пн. ш. 30°57′53″ у. д.HGЯO
Размяшчэнне
Водная сістэма Сож → Дняпро

Краіна
Рэгіён Гомельская вобласць
Раён Буда-Кашалёўскі раён
physical
Ліпа (рака)
Ліпа (рака)
physical
выток
выток
вусце
вусце
— выток, — вусце

Ліпа — рака ў Буда-Кашалёўскім раёне Гомельскай вобласці Беларусі, правы прыток ракі Сож (басейн Дняпра).

Даўжыня ракі 62 км. Плошча вадазбору 577 км². Сярэдні расход вады ў вусці 2,4 м³/с. Сярэдні ўхіл воднай паверхні 0,4 ‰. Цячэ па Чачэрскай раўніне.

Пачынаецца за 1 км у напрамку на паўднёвы ўсход ад вёскі Вуглы Рагачоўскага раёна, упадае ў Сож прыкладна за 3,5 км у напрамку на ўсход ад пасёлка Ераполле. Даліна Ліпы пераважна трапецападобнай формы, шырынёй 1—3,5 км. Пойма ракі перарывістая ў вярхоўі, у сярэднім і ніжнім цячэнні двухбаковая, шырынёй да 3 км. Берагі ўмерана стромкія, невысокія, пад хмызняком. Схілы ў асноўным вышынёй 6–10 м, адкрытыя, пад раллёй.

Рака прымае сцёк з сеткі меліярацыйных каналаў. Асноўныя прытокі — Гліна, Прудоўка.

На перыяд вясенняга разводдзя прыходзіцца 68 % гадавога сцёку. Рэжым ракі вывучаўся ў 1928–1934 гг. і 1949–1963 гг.

  1. ↑ Ліст карты N-36-110. Выданне 1977 г. (руск.)
  • Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9). — С. 271.
  • Республика Беларусь. Атлас охотника и рыболова: Гомельская область / Редактор Г. Г. Науменко. — Мн.: РУП «Белкартография», 2011. — С. 18. — 68 с. — 10 000 экз. — ISBN 978-985-508-107-5. (руск.)