Лістаед аблямаваны

З пляцоўкі Вікіпедыя
Jump to navigation Jump to search
Лістаед аблямаваны
Chrysolina.limbata.-.calwer.44.03.jpg
Навуковая класіфікацыя
Міжнародная навуковая назва

Chrysolina limbata (Fabricius, 1775)

Сінонімы
  • Chrysomela besseri Krynicki, 1832[1]
  • Chrysomela limbata Fabricius, 1775[1]
  • Chrysomela limbifera Küster, 1846[1]
  • Chrysomela kavani Bechyné, 1950[2]
  • Craspeda limbata[3]
Падвіды
  • Chrysolina limbata discipennis (Faldermann, 1835)
  • Chrysolina limbata findeli (Suffrian, 1870)
  • Chrysolina limbata limbata (Fabricius, 1775)
  • Chrysolina limbata luigionii (Depoli, 1936)
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
EOL  3283202
FW  307691

Лістаед аблямаваны (Chrysolina limbata) — насякомае сямейства лістаеды (Chrysomelidae) атраду цвердакрылыя (Coleoptera).

Апісанне[правіць | правіць зыходнік]

Жукі сярэдняга памеру (6-10 мм) з падоўжна-авальным целам цёмнага, чорна-бурага, зялёна-чорнага, сіне-чорнага, радзей сіняга колеру. Бакавая баразёнка пярэдняспінкі пры аснове вельмі глыбокая са стромкай вонкавай сценкай. Па баках надкрылаў і па пярэднім іх краі да шчытка праходзіць цагельна-чырвоная аблямоўка. Эпіплеўры чырвоныя або цагельна-чырвоныя. Асновы вусікаў і часткова вяртлюгі ног жаўтаватыя.

Арэал[правіць | правіць зыходнік]

Еўразія. У Беларусі знойдзены адзінкавыя экземпляры ў некалькіх пунктах. На поўнач ад Мінска не адзначаны. Месцы пражывання: лугі, адкрытыя травяністыя ўчасткі на пералесках, узлесках, схілах узгоркаў, абочынах дарог, па берагах рэк. Мезаксерафільны від.

Асаблівасці біялогіі[правіць | правіць зыходнік]

Зімуе яйка або лічынка малодшага ўзросту ў подсціле або неглыбока ў глебе. Лічынкі развіваюцца ў красавіку-маі. Акукліваюцца ў глебе або ў подсціле ў другой палове мая або ў чэрвені. З канца чэрвеня да сярэдзіны ліпеня імага трапляюцца на раслінах, у другой палове ліпеня і ў жніўні жывуць ва ўкрыццях, пад камянямі, у подсціле, пад сухім гноем, неглыбока ў глебе і інш. Зноў на раслінах паяўляюцца ў канцы лета або ўвосень; пасля нядоўгага перыяду кармлення спароўваюцца і адкладваюць яйкі. Кармавыя расліны жукоў — розныя віды трыпутніку і палыну.

Зноскі

  1. 1,0 1,1 1,2 Дэталёвыя фатаграфіі, распаўсюджванне і сінонімамі віду Chrysolina limbata Fabricius, 1775 (англ.) . Wydział Nauk Biologicznych. Архівавана з першакрыніцы 14 красавіка 2012. Праверана 17 жніўня 2011.
  2. Andrzej O. Bieñkowski. A study on the genus Chrysolina MOTSCHULSKY, 1860, with a checklist of all the described subgenera, species, subspecies, and synonyms (Coleoptera: Chrysomelidae: Chrysomelinae) (англ.) . — Wrocław, Polska: 2001. — Т. 12 (2). — С. 105-235.
  3. Сістэматыка і сінанімія (англ.) . BioLib. Праверана 19 жніўня 2011.

Літаратура[правіць | правіць зыходнік]

  • Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. Мінск: Беларуская Энцыклапедыя, 1993. ISBN 5-85700-095-5