Літоўка (Навагрудскі раён)

Вёска Літоўка Краіна Беларусь Вобласць Гродзенская Раён Навагрудскі Сельсавет Ладзеніцкі Каардынаты 53°38′15″ пн. ш. 25°49′17″ у. д. Насельніцтва ▼12 чал. (2019) Часавы пояс UTC+3 Тэлефонны код +375 1597 Паштовыя індэксы 231244 Аўтамабільны код 4 СААТА 4243827054 Літоўка Літоўка

Літоўка на Вікісховішчы

Літо́ўка (трансліт.: Litoŭka, руск.: Литовка) — вёска ў Навагрудскім раёне Гродзенскай вобласці, на беразе аднайменнага возера. Уваходзіць у склад Ладзеніцкага сельсавета.

Да 2017 года ўваходзіла ў склад Брольніцкага сельсавета.

У літаратуры

У паэме «Гражына» Адам Міцкевіч у рамантычным сэнсе растлумачыў назву «Літоўка». Паводле сюжэту, навагрудскі князь Літавор схіляўся да ганебнага саюзу з ворагамі Наваградка — тэўтонскімі рыцарамі. Князь не прыслухаўся да ўгавораў сябра, рыцара Рымвіда, і жонкі — княгіні Гражыны. Тады ўпотай ад яго Гражына, у шлеме і даспехах вывела войска да возера насустрач тэўтонцам. Князь Літавор кінуўся ў бітву на дапамогу невядомаму рыцару, і навагрудчане атрымалі перамогу. Гражына ж была смяротна паранена і загінула. А Літавор, адкрыўшы забрала бясстрашнага рыцара, быў здзіўлены і забіты горам, калі даведаўся, што гэта была яго любімая жонка. У гонар подзвігу Гражыны, нібыта, і назвалі возера «Літоўка».

Славутасці

• Вялікі камень Літоўскі са знакамі — геалагічны помнік прыроды рэспубліканскага значэння
• Аграсядзіба ў стылі «фэнтэзі», з мноствам скульптур на фантастычныя і акультныя сюжэты, і іншых дзівосных артэфактаў, створаная навагрудскім прадпрымальнікам і мастаком-самавукам Сяргеем Ковалем у 2015—2018 гадах. Штуршком для стварэння сядзібы быў сюжэт паэмы «Гражына», спачатку па матывах паэмы быў перароблены мясцовы аўтобусны прыпынак, затым набыты дом былога старшыні калгасу, дзе падчас здымкаў мастацкага фільма «Сыновья уходят в бой» (рэжысёр Віктар Тураў, 1969) жыў спявак Уладзімір Высоцкі з жонкай Марынай Уладзі.

Спасылкі

• На Вікісховішчы ёсць медыяфайлы па тэме Літоўка (Навагрудскі раён)