Лі Страсберг

Лі Страсберг
Lee Strasberg
Імя пры нараджэнні	Ізраэль Страсберг
Дата нараджэння	17 лістапада 1901(1901-11-17)[…]
Месца нараджэння	Budaniv[d], Тэрэбоўлянскі павет[d], Каралеўства Галіцыі і Ладамерыі, Цыслейтанія, Аўстра-Венгрыя
Дата смерці	17 лютага 1982(1982-02-17)[…] (80 гадоў)
Месца смерці	Нью-Ёрк, ЗША
Месца пахавання	Уэстчэстэр-Хілз[d]
Грамадзянства	ЗША
Жонка	Paula Strasberg[d] і Anna Strasberg[d]
Дзеці	Susan Strasberg[d] і John Strasberg[d]
Прафесія	акцёр, рэжысёр, настаўнік
Кар’ера	1937—1981
Узнагароды	зорка на галівудскай «Алеі славы»
IMDb	ID 0833448
methodactingstrasberg.com (англ.)
Медыяфайлы на Вікісховішчы

Лі Страсберг (англ.: Lee Strasberg; 17 лістапада 1901, Буданаў, Аўстра-Венгрыя — 17 лютага 1982, Нью-Ёрк) — амерыканскі тэатральны рэжысёр, кіраўнік акцёрскай студыі, акцёр, тэатральны педагог і прадзюсар.

Біяграфія

Нарадзіўся 17 лістапада 1901 года ў аўстра-венгерскім мястэчку Буданаў (цяпер у Церабаўлянскім раёне Цярнопальскай вобласці Украіны), у яўрэйскай сям'і Іды і Борух-Меер Страсберга. Разам з бацькамі эміграваў у ЗША ў 1908 годзе.

У 1931 годзе стаў адным з заснавальнікаў тэатральнага калектыву Group Theatre. У 1949 годзе пачаў працаваць у школе акцёрскага майстэрства Actors Studio ў Нью-Ёрку. У 1952 годзе стаў яе кіраўніком, навучанне вёў па сваёй методыцы на аснове сістэмы Станіслаўскага. Сярод выпускнікоў школы шмат вядомых акцёраў - Пол Ньюман, Аль Пачына, Мэрылін Манро, Джэйн Фонда, Дасцін Хофман, Роберт Дэ Ніра, Марлан Бранда, Мікі Рурк.

У 1966 годзе заснаваў Actors Studio West ў Лос-Анджэлесе. У 1969 годзе заснаваў Тэатральны інстытут Лі Страсберга. У 1974 годзе сыграў ролю другога плана ў фільме «Хросны бацька-2». За гэтую ролю Страсберг намінаваўся на кінапрэміі «Оскар» і «Залаты глобус».

Асабістае жыццё

Першая жонка — Нора (Nora Krecaun), 1926—1929 гады. У 1934—1966 гадах быў жанаты на актрысе Поле Страсберг. Іх дзеці — актрыса Сьюзан Страсберг і выкладчык акцёрскага мастацтва Джон Страсберг. Трэцяя жонка — Ганна Мізрахі. Дзеці — Давід і Адам. Быў блізкім сябрам сваёй вучаніцы Мэрылін Манро, якая адпісвала яму большую частку сваёй маёмасці.

Літаратура

• Стра́сберг Лі // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 199. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• Лі Страсберг на сайце «Internet Movie Database» (англ.)
• Афіцыйны сайт Архівавана 5 чэрвеня 2016. (англ.)
• Тэатральны інстытут Лі Страсберга Архівавана 18 студзеня 2009. (англ.)
• John Strasberg Studios (англ.)