МАЗ-365022

З пляцоўкі Вікіпедыя
(Пасля перасылкі з МАЗ-3650)
Перайсці да навігацыі Перайсці да пошуку
МАЗ-3650
Агульныя даныя
Тып(ы) кузавы: Цэльнаметалічны фургон
На рынку
Звязаныя: JAC Sunray
Падобныя мадэлі: МАЗ-281

МАЗ-3650 — беларускі малатанажны грузавы аўтамабіль (грузавы фургон). Ліцэнзійная версія кітайскай мадэлі JAC Sunray. Афіцыйны дэбют адбыўся ў маі 2019 года[1]. У чэрвені 2022 года на рынак выпусцілі аблегчаную машыну (дапушчальная маса — 3,5 тоны)[2].

Вытворчасць[правіць | правіць зыходнік]

Зборка ажыццяўляецца на Брэсцкім машынабудаўнічым заводзе (уваходзіць у холдынг «БелаўтаМАЗ») з машынакамплектаў кампаніі JAC Motors. Зборка мікрааўтобусаў і фургонаў буйнавузлавая, вядзецца паставым метадам: кузаў падымаецца на адмысловым пад’ёмніку, пасля ўсталёўваецца сілавы агрэгат, мацуюцца элементы трансмісіі, падвескі, масты, колы.

Станам на верасень 2021 года з канвеера сышлі 80 грузавых і 13 грузапасажырскіх аўтамабіляў[3].

Агляд[правіць | правіць зыходнік]

Кузаў — паўкапотнай кампаноўкі, суцэльнаметалічны з інтэграванай рамай. Колькасць месцаў для сядзення — 3. Заднія дзверы — двухстворкавыя, бакавыя — ссоўныя. Габарытныя памеры: даўжыня — 6000 мм; шырыня — 2100 мм; вышыня — 2800 мм. Колавая база — 3570 мм. Аб’ём грузавога адсека — 12,2 куб.м. Аб’ём паліўнага бака — 80 л.

У базавую камплектацыю ўваходзяць кандыцыянер, круіз кантроль, задні парктронік, электрычныя шклопад’ёмнікі, электрапрывад люстэркаў, цэнтральны замок, МР3-магнітола.

Рухавік[правіць | правіць зыходнік]

Аўтамабіль абсталёўваецца радным чатырохцыліндравым дызельным рухавіком JAC HFC4DE1-1D з турбанаддзіманнем. Рабочы аб’ём цыліндраў — 2746 куб.см; магутнасць — 149,5 к.с. пры 3200 аб/хв; максімальны круцільны момант — 355,0 Нм пры 1800-2600 аб/хв. Сістэма сілкавання — упырск паліва пад ціскам (Bosch). Нагнятальнік — Holset HE200. Экалагічны клас — Еўра-5. Сістэма выпуску — з адным глушыцелем і сістэмай нейтралізацыі адпрацаваных газаў SCR. Рухавік размешчаны спераду падоўжна.

Трансмісія[правіць | правіць зыходнік]

Каробка перадач — механічная, 6-ступеньчатая, JAC LC6T32 або ZOMAX/ZM6T82. Колавая формула — 4х2. Прывад — задні.

Шасі[правіць | правіць зыходнік]

Пярэдняя падвеска — незалежная спружынная, з папярочнымі рычагамі, амартызатарамі і стабілізатарам папярочнай устойлівасці; задняя — залежная рысорная, з амартызатарамі і стабілізатарам папярочнай устойлівасці.

Рулявое кіраванне — з гідраўзмацняльнікам.

Працоўная тармазная сістэма двухконтурная, з гідраўлічным прывадам і падзелам на контуры пярэдняй і задняй восяў, з ABS і сістэмай размеркавання тармазнога высілка (EBD). Тармазныя механізмы: спераду — дыскавыя; ззаду — барабанныя. Шыны — 185/75 R16C.

Мадыфікацыя з максімальнай дапушчальнай масай 3,5 тоны мае аднаскатныя заднія колы на шынах 215/75R16C або 215/75R16LT і дыскавыя тормазы і спераду, і ззаду. Дадаткова абсталявана сістэмай курсавой устойлівасці.

Мадыфікацыі[правіць | правіць зыходнік]

  • МАЗ-365022-520-000 — базавы фургон узору 2019 года з двухскатнымі заднімі коламі. Падрыхтаваная маса — 2620 кг. Дапушчальная маса аўтамабіля — 4050 кг (нагрузка на пярэднюю вось — 1600 кг; на заднюю — 2450 кг). Грузападымальнасць — 1430 кг[4].
  • МАЗ-365022-520-020 — базавы фургон узору 2022 года з аднаскатнымі заднімі коламі. Дапушчальная маса аўтамабіля зніжана да 3490 кг. Падрыхтаваная маса — 2730 кг. Пашпартная грузападымальнасць — 760 кг[5].
  • Брэстмаш-343001 — 9-месцавы грузапасажырскі мікрааўтобус, распрацаваны на Брэсцкім машынабудаўнічым заводзе ў 2020 годзе[6];
Брэстмаш-343004
  • Брэстмаш-343004 — грузапасажырскі мікрааўтобус для перавозкі 7 чалавек і 650 кг груза. Распрацаваны на Брэсцкім машынабудаўнічым заводзе. Паказаны ў 2021 годзе[7];
  • Купава-373100 — ізатэрмічны фургон для перавозкі ахалоджаных і замарожаных прадуктаў. Створаны прадпрыемствам «МАЗ-Купава» у 2020 годзе[8].

Гл. таксама[правіць | правіць зыходнік]

Зноскі

  1. ↑ Фургон МАЗ-365022 впервые выставлен на всеобщее обозрение. Можно оценить и прицениться.(руск.) . abw.by (30 мая 2019). Праверана 29 студзеня 2022.
  2. ↑ МАЗ выводит на рынок России обновленные микроавтобусы. Но конкурировать им придется с JAC Sunray(руск.) . abw.by (22 чэрвеня 2022). Праверана 22 чэрвеня 2022.
  3. ↑ ОАО «Брестмаш» с Днем машиностроителя!(руск.) . «Вечерний Брест» // vb.by (26 верасня 2021). Праверана 29 студзеня 2022.
  4. ↑ МАЗ-365022-520-000. Апісанне МАЗ-365022 на афіцыйным сайце вытворцы(руск.) . maz.by.
  5. ↑ МАЗ-365022-520-020. Апісанне МАЗ-365022 на афіцыйным сайце вытворцы(руск.) . maz.by.
  6. ↑ Брест выпустил первый собственный автомобиль – "Брестмаш-343001"(руск.) . abw.by (30 чэрвеня 2020). Праверана 29 студзеня 2022.
  7. ↑ Автомобильные новинки на "Белагро-2021": рассматриваем, изучаем, оцениваем(руск.) . abw.by (3 чэрвеня 2021). Праверана 29 студзеня 2022.
  8. ↑ Завод "МАЗ-Купава" создал изотермическую модификацию фургона МАЗ-365022. На заводе подтвердили приход односкатки(руск.) . abw.by (24 верасня 2020). Праверана 29 студзеня 2022.

Спасылкі[правіць | правіць зыходнік]

Узята з "https://be.wikipedia.org/w/index.php?title=МАЗ-365022&oldid=4148717"