Лютэранская кірха (Магілёў)

Кірха
Евангельска-аўгсбургская кірха ў Магілёве
Лютэранская кірха ў Магілёве
53°54′03,21″ пн. ш. 30°20′19,92″ у. д.
Краіна	Беларусь
Горад	Магілёў
Канфесія	лютэранства
Епархія	Магілёўская суперінтэндацыя
Тып будынка	кірха
Дата заснавання	1780
Будаўніцтва	1775—1780 гады
Стан	знішчана

Лютэранская кірха — колішні лютэранскі храм у Магілёве, заснаваны 1780 р., разбураны ў 1930-х.

Гісторыя

У 1775 годзе ў Полацку і Магілёве ўзніклі лютэранскія грамады немцаў, пры гэтым былі заснаваны лютэранскія кірхі. Дазвол на збудаванне кірхі ў Магілёве дала Расійская імператрыца Кацярына II, якая пры наведванні горада ў 1780 г. ахвяравала на будаўніцтва кірхі 500 рублёў. Указам Кацярыны II для будаўніцтва храма Георгій Каніскі перадаў ацалелыя элементы праваслаўнай Спаскай царквы. Прыхадская кірха знаходзілася насупраць мужчынскай гімназіі. Драўляная, невялікіх памераў кірха была па-нямецку акуратна дагледжана, увітая плюшчом, яна асабліва маляўніча выглядала летам.

Кірха без перапынку працавала да самай Кастрычніцкай рэвалюцыі. Да пачатку 1930-х гадоў кірха стаяла зачыненай, пакуль улады БССР, верагодна ў сувязі з магчымым пераносам сталіцы ў Магілёў, не вырашылі знішчыць кірху. Напачатку 1930-х кірха была знішчана.

Гл. таксама

• Немцы ў Беларусі
• Немцы Магілёва
• Лютэранская кірха ў Мінску
• Лютэранская кірха ў Гродне
• Лютэранская кірха ў Полацку

Спасылкі

• Магілёў. Кірха