Макар Валынкін
| Макар Валынкін | |
|---|---|
| Асабістыя звесткі | |
| Дата нараджэння | 2000 |
| Месца нараджэння | |
| Грамадзянства | |
| Прафесійная дзейнасць | |
Макар Валынкін (нар. 2000, Мінск) — беларускі літаратурны блогер і пісьменнік.
Біяграфія
[правіць | правіць зыходнік]Нарадзіўся ў 2000 годзе ў Мінску. Вучыўся ў мінскай школе № 41 з мастацкім ухілам, з дзяцінства займаўся жывапісам і выстаўляўся ў галерэях. Сярод захапленняў — хакей, бег (удзельнік паўмарафонаў) і культура кавы.[1]
Вучыўся ў Беларускім дзяржаўным універсітэце культуры і мастацтваў. У 2017 годзе паехаў на вучобу ў Варшаву, але ў 2018 годзе вярнуўся ў Беларусь. Працаваў у Мінску ў рэкламным бізнесе. У 2019 годзе заняў 3-е месца на чэмпіянаце Coffee Fest Belarus EXPO. У канцы 2019 года прынцыпова вырашыў перайсці на беларускую мову, за паўгода ўдасканаліў яе чытаннем сучаснай літаратуры.[1]
У сакавіку 2022 года эміграваў у Польшчу, жыве ў Варшаве, працуе ў сферы рэкламы і маркетынгу[1].
З вясны 2022 года вядзе відэаблог у Instagram і сацыяльныя сеткі, у тым ліку TikTok, прысвечаныя навінкам беларускага кніжнага рынку і літаратурнай крытыцы, папулярызуе сучасную беларускую літаратуру. У аглядах распавядае пра папяровыя выданні і аўдыякнігі, акцэнтуе ўвагу на візуальных і зместавых складніках сучасных кніг.[1]
Творчасць
[правіць | правіць зыходнік]Дэбютная кніга «Апошняе пакаленне» выйшла ў 2024 годзе ў выдавецтве «Янушкевіч»[2][3], аповесць пра мінскую моладзь у рэаліях пасля 2020 года, якая спрабуе зразумець, як жыць і што для яе значыць будучыня, падзеі адбываюцца ў 2024 годзе ў Мінску[2][4][5].
Другая кніга — «Ніці» — выдадзена ў кастрычніку 2025 годзе выдавецтвам «Янушкевіч»[6], аповесць, містычны дэтэктыў, дзе традыцыі і мясцовы фальклор пераплятаюцца з сучаснасцю, адзін з цэнтральных матываў твора — абрад «Ніці», пасля якога загадкава знікаюць нябожчыкі[7][8]. Аповесць натхнёна спектаклем «Шэпт» паводле кнігі Сяргея Лескеця[9].
Актыўна выкарыстоўвае прафесійны досвед у маркетынгу для папулярызацыі ўласных твораў[9][2][3]. Макар Валынкін адным з першых у беларускай літаратуры зняў паўнавартасныя відэаролікі да сваіх кніг[2][3]. У трэйлеры да «Апошняга пакалення» зняўся тыктокер Мікіта Бялевіч[2][3], а ў ролі шаптухі ў відэа да кнігі «Ніці» — Народная артыстка Беларусі Зоя Белахвосцік[6][9]. Мастачка і спявачка Анастасія Рыдлеўская стварыла саўндтрэк «Oj Da Nočy» да аповесці «Ніці»[6][9][7]. Аўтар ладзіць сустрэчы з чытачамі ў розных гарадах[9].
Прызнанне
[правіць | правіць зыходнік]- Кніга «Апошняе пакаленне» ў 2025 годзе трапіла ў лонг-ліст Прэміі Ежы Гедройця.[9]
- Рукапіс кнігі «Ніці» перамог у чытацкім галасаванні конкурсу «Шуфлядка».[9]
Крыніцы
[правіць | правіць зыходнік]- ↑ а б в г Свабода, Радыё. «Пагартаць, памацаць і нават панюхаць». Гутарка з аўтарам кніжнага відэаблогу Макарам Валынкіным . Радыё Свабода (20 снежня 2024). Праверана 19 студзеня 2026.
- ↑ а б в г д Свабода, Радыё. Відэаблогер Макар Валынкін выдаў кнігу пра беларускую моладзь пасьля 2020 году . Радыё Свабода (3 лютага 2025). Праверана 19 студзеня 2026.
- ↑ а б в г Выйшла кніга пра беларускую моладзь пасля 2020 года . Наша Ніва (3 лютага 2025). Праверана 19 студзеня 2026.
- ↑ Апошняе пакаленне. Макар | Беларускія кнігі (англ.). Gutenberg Publisher. Праверана 19 студзеня 2026.
- ↑ Пакуль неяк так: выйшла кніга пра жыццё моладзі Мінска ў 2023-м . Наша Ніва (29 сакавіка 2025). Праверана 19 студзеня 2026.
- ↑ а б в Буктрэйлер да кнігі Макара «Ніці». budzma.org. Праверана 19 студзеня 2026.
- ↑ а б Выйшаў гіпнатычны саўндтрэк да новага рамана Макара «Ніці». budzma.org. Праверана 19 студзеня 2026.
- ↑ Издательство «Янушкевіч» выпустило новую книгу Макара Волынкина «Ніці» (руск.). Наша Ніва (19 кастрычніка 2025). Праверана 19 студзеня 2026.
- ↑ а б в г д е ё Свабода, Радыё. «Неабходна шукаць, чым прывабіць патэнцыйнага чытача» 25-гадовы пісьменьнік Макар выдаў кнігу пра беларускую вёску . Радыё Свабода (25 кастрычніка 2025). Праверана 19 студзеня 2026.
Фота, відэа і аўдыё | |
|---|---|
| Нарматыўны кантроль |
