Максімільян Юр’евіч Якубовіч

Максімільян Юр’евіч Якубовіч
Дата нараджэння	1784
Дата смерці	1853
Месца смерці	Жытомір, Жытомірскі павет, Валынская губерня, Расійская імперыя
Грамадзянства	Расійская імперыя
Род дзейнасці	філосаф
Месца працы	МДУ Імператарскі ўніверсітэт Святога Уладзіміра
Навуковая ступень	доктар філасофіі () (1839)
Альма-матар	Імператарскі Віленскі ўніверсітэт ()
Узнагароды

Максімільян Юр’евіч Якубовіч (1784 — 1853, Жытомір) — расійскі філолаг, філосаф, педагог.

Біяграфія

Паходзіў з Валыні. Вучыўся ў Віленскім універсітэце, пасля заканчэння якога i атрымання ступені магістра філасофіі (1811) працаваў настаўнікам у Луцку, а ў 1812 — у Паставах, дзе выкладаў у мясцоёым вучылішчы. 3 1813 года выкладаў польскую, грэчаскую i лацінскую мовы ў Свіслацкай гімназіі. У 1818 выкладчык лацінскай мовы i старажытнай літаратуры ў Варшаўскім ліцэі. 3 1819 настаўнік лацінскай славеснасці Гродзенскай гімназіі. У 1824 пераведзены на тую ж пасаду ў Валынскі ліцэй. Падрыхтаваў падручнікі па польскай i лацінскай мовах. У 1834 годзе зацверджаны ардынарным прафесарам рымскай славеснасці ў Кіеўскім універсітэце. 3 1835 дэкан 1-га аддзялення філасофскага факультэта, адначасова выкладчык грэчаскай мовы i славеснасці. У 1839 годзе пераведзены на пасаду ардынарнага прафесара ў Маскоўскі ўніверсітэт, выкладаў лацінскую мову i гісторыю рымскай літаратуры, нумізматыку. Пасля выхаду ў адстаўку вярнуўся ў Вільню.

Паводле сваіх поглядаў Максімільян Якубовіч быў прадстаўніком філасофіі каталіцызму, выступаў супраць атэізму i язычніцтва. Аўтар працы «Хрысціянская філасофія жыцця ў параўнанні з пантэістычнай філасофіяй нашага веку» (ч. 1—3. Вільня, 1853).

Апошнія гады правёў у Жытоміры, дзе займаўся даследаваннем праблем маральнай філасофіі, аднак апрацаваць i выдаць гэтыя творы не паспеў.

Літаратура

• Якубовіч Максімільян Юр'евіч // Мысліцелі і асветнікі Беларусі : энцыклапедычны даведнік / Б. І. Сачанка (гал. рэд.) і інш.; Маст. Э. Э. Жакевіч.. — Мн.: БелЭн, 1995. — 671 с. — ISBN 985-11-0016-1.

Спасылкі

• Якубовіч Максімільян Юр'евіч на сайце анлайн-энцыклапедыі «Беларусь у асобах і падзеях»