Максім Андрэевіч Лукашэвіч

З пляцоўкі Вікіпедыя
Jump to navigation Jump to search
Футбол
Максім Лукашэвіч
Поўнае імя Максім Андрэевіч Лукашэвіч
Нарадзіўся 28 сакавіка 1992(1992-03-28)[1] (29 гадоў)
Грамадзянства Flag of Belarus.svg Беларусь
Рост 180 см
Вага 79 кг
Пазіцыя паўабаронца
Інфармацыя пра клуб
Клуб Літва Няптунас
Клубная кар’ера[* 1]
2009—2012 Беларусь Мінск 2 (0)
2012   Беларусь Мінск-2 9 (0)
2013 Літва Таўрас (Таўраге) 24 (3)
2014 Беларусь Рэчыца-2014 10 (0)
2014 Літва Таўрас (Таўраге) 13 (10)
2015 Літва Шылуце 26 (21)
2016—2017 Літва Паланга 36 (24)
2017 Літва Каралас (Клайпеда) 16 (14)
2018—2019 Беларусь Нёман (Гродна) 18 (0)
2020 Славакія Свіднік 0 (0)
2020 Беларусь Смаргонь 12 (1)
2021 Беларусь Макслайн (Рагачоў)
2021— Літва Няптунас (Клайпеда)
Нацыянальная зборная[* 2]
2009 Беларусь Беларусь (да 17) 2 (0)
2012 Беларусь Беларусь (да 20) 3 (0)
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 22 чэрвеня 2021.
  2. Колькасць гульняў і галоў за нацыянальную зборную ў афіцыйных матчах, адкарэктавана станам на 21 красавіка 2018

Максім Лукашэвіч (нар. 28 сакавіка 1992, Дзяржынск) — беларускі футбаліст, паўабаронца літоўскага клуба «Няптунас» з Клайпеды.

Клубная кар’ера[правіць | правіць зыходнік]

Пачынаў займацца футболам у родным Дзяржынску, аднак ужо ў юнацкім узросце трапіў у футбольную школу «Змена» (пазней «Мінск»), з 2009 года выступаў за дубль клуба. У 2012 годзе стаў прыцягвацца да асноўнай каманды, дэбютаваў у Вышэйшай лізе 11 чэрвеня 2012 года ў матчы супраць гродзенскага «Нёмана», выйшаўшы на замену ў другім тайме пры ліку 4:1, аднак пасля гэтага сталічныя футбалісты прапусцілі тры галы, і матч скончыўся ўнічыю 4:4. Пазней згуляў яшчэ толькі адзін матч за аснову, у другой палове 2012 года гуляў за фарм-клуб «Мінск-2», пасля чаго пакінуў «Мінск».

У пачатку 2013 года перабраўся ў Літву, стаўшы іграком таўрагскага «Таўраса», які ўзначаліў беларускі спецыяліст Аляксандр Бразевіч. Па выніках сезона 2013 «Таўрас» стараціў месца ў A Лізе. У першай палове 2014 года гуляў за «Рэчыцу-2014» у беларускай Першай лізе пад кіраўніцтвам Бразевіча, пасля чаго вярнуўся ў «Таўрас», за які выступаў ужо ў Першай лізе Літвы.

У 2015—2017 працягваў выступаць у Першай лізе Літвы, гуляў за «Шылуце» і «Палангу». Па выніках сезона 2017 «Паланга» перамагла ў другім дывізіёне і выйшла ў A Лігу, аднак Максім у сярэдзіне сезона пакінуў каманду і стаў іграком клайпедскага «Караласа». За тры гады забіў у Першай лізе 59 галоў.

У студзені 2018 года прыбыў на прагляд у гродзенскі «Нёман» і ў лютым падпісаў з ім кантракт[2]. У першай палове сезона 2018 нярэдка выхадзіў у стартавым складзе, але пазней стаў радзей з’яўляцца на полі, выступаў за дубль. У лістападзе 2018 года падоўжыў кантракт з «Нёманам»[3]. У сезоне 2019 гуляў пераважна за дубліруючы склад, зрэдку з’яўляючыся ў асноўнай камандзе. У снежні 2019 года па заканчэнні кантракта пакінуў «Нёман»[4].

У пачатку 2020 года праходзіў прагляд у «Віцебску», але беспаспяхова. У сакавіку 2020 года стаў іграком славацкага клуба «Свіднік», аднак так і не згуляў за яго. У ліпені 2020 года вярнуўся ў Беларусь, папоўніўшы склад «Смаргоні»[5], дзе трывала з’яўляўся на полі.

У лютым 2021 года стаў іграком рагачоўскага «Дняпра»[6], а ў чэрвені таго ж года зноў апынуўся ў Літве, далучыўшыся да клайпедскага «Няптунаса»[7].

Міжнародная кар’ера[правіць | правіць зыходнік]

У сакавіку 2009 года гуляў за юнацкую зборную Беларусі ў элітным раўндзе чэмпіянату Еўропы. Улетку 2012 года выступаў за малодшую моладзевую зборную Беларусі (да 20 гадоў).

Зноскі

Спасылкі[правіць | правіць зыходнік]