Максім Алегавіч Лепушэнка
| Максім Алегавіч Лепушэнка | |
|---|---|
 | |
| Род дзейнасці | вікіпедыст |
| Дата нараджэння | 14 красавіка 1974[1] (51 год) |
| Месца нараджэння | |
| Грамадзянства | |
 Медыяфайлы на Вікісховішчы | |
Максім Алегавіч Лепушэнка (нар. 14 красавіка 1974[1], Мінск[2]) — беларускі вікіпедыст, адміністратар і бюракрат беларускамоўнага раздзела Вікіпедыі. Палітычны зняволены[3].
Біяграфія
[правіць | правіць зыходнік]У Вікіпедыі вядомы пад псеўданімам «Maksim L»[4]. Удзельнічаў у афлайн-сустрэчах, на якіх расказваў пра беларускую Вікіпедыю[5]. Пісаў пераважна пра старажытную гісторыю Беларусі, таксама сачыў за парадкам у раздзеле і мадэраваў спрэчкі ўдзельнікаў[6]. Аўтар артыкулаў пра культуру і літаратуру, а таксама біяграфій сучасных беларускіх літаратараў[7].
Пераслед
[правіць | правіць зыходнік]Быў затрыманы ў абед 15 мая 2025 года. Паводле СМІ, затрыманне Максіма стала часткай рэпрэсій, скіраваных супраць аўтараў і рэдактараў беларускай Вікіпедыі[6]. Максіма Лепушэнку абвінавачваюць паводле 342 артыкула крымінальнага кодэксу (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх). Падчас зняволення знаходзіўся ў СІЗА-1[8]. 17 чэрвеня 2025 года беларускімі праваабарончымі арганізацыямі быў прызнаны палітычным зняволеным[3]. 8 жніўня 2025 года асуджаны да «хатняй хіміі», пасля чаго быў унесены ў міліцэйскі спіс «экстрэмістаў» і выпушчаны з СІЗА[8][9].
Гл. таксама
[правіць | правіць зыходнік]Крыніцы
[правіць | правіць зыходнік]- ↑ а б https://t.me/extremistybelarus/5689
- ↑ а б https://dissidentby.com/prisoners/maksim-lepushenko
- ↑ а б Заява аб прызнанні чатырох чалавек палітычнымі зняволенымі . Вясна (17 чэрвеня 2025).
- ↑ Быкоўскі, Паўлюк. Белорусские Википедии: От конфликтов к сотрудничеству (руск.). Мир энциклопедий (17 лістапада 2010). Праверана 21 ліпеня 2025.
- ↑ В Минске прошла встреча с администратором белорусской Википедии (руск.). Мир энциклопедий (29 кастрычніка 2014). Праверана 21 ліпеня 2025.
- ↑ а б Затрымалі адміністратара беларускай Вікіпедыі Максіма Лепушэнку . Наша Ніва (17 мая 2025). Архівавана з першакрыніцы 2 чэрвеня 2025. Праверана 21 ліпеня 2025.
- ↑ Максім Лепушэнка . Беларускі ПЭН (22 чэрвеня 2025). Праверана 21 ліпеня 2025.
- ↑ а б Максім Лепушэнка . Вясна.
- ↑ Адміністратар беларускай Вікіпедыі Максім Лепушэнка выйшаў з СІЗА, атрымаўшы хатнюю хімію . Наша Ніва (29 жніўня 2025). Праверана 29 жніўня 2025.