Максім Міхайлавіч Пятруль

Максім Міхайлавіч Пятруль
Максім Міхайлавіч Пятруль
Дата нараджэння	16 снежня 1977 (48 гадоў)
Месца нараджэння	Мінск, Беларуская ССР, СССР;
Маці	Людміла Іванаўна Пятруль
Род дзейнасці	скульптар, дызайнер
Вучоба	Беларускі ліцэй мастацтваў (1993); Мінскі дзяржаўны мастацкі каледж імя А. К. Глебава (1997);
Вядомыя працы	«Разбіты агмень» — мемарыял у памяць Мінскага гета (2008) «Фантан Перамогі», Мінск; «Папараць-кветка», парк 900-годдзя Мінска; «Птушкі», экалагічны парк разьбярства Шысіхе, Шуаньян, Чаньчунь (Кітай); «Тай Цзы», Так Гуан парк, Куньмін (Кітай); Elephantus, Парк міжнароднай скульптуры, Фучжоу (Кітай);
Уплыў	Леанід Давідзенка; Уладзімір Жбанаў; Леанід Левін;
Член у	Беларускі саюз дызайнераў; Беларускі саюз мастакоў;
Узнагароды	Лаўрэат Спецыяльнага фонду Прэзідэнта Рэспублікі Беларусь маладым дзеячам культуры і мастацтва; Медаль Камісіі па культуры Міжнароднага алімпійскага камітэта (XXIX Алімпійскія гульні, Пекін, Кітай); Медаль і дыплом першай ступені Беларускага саюза архітэктараў (Міжнародны конкурс маладых архітэктараў «Леанарда-2005»);
	Медыяфайлы на Вікісховішчы

Максім Міхайлавіч Пятруль (16 снежня 1977, Мінск) — беларускі скульптар, дызайнер.

Біяграфія

У 1989—1993 гадах вучыўся ў Рэспубліканскім ліцэі выяўленчага мастацтва імя І. В. Ахрэмчыка (выкладчыкі Л. М. Паўлава, Л. Р. Давідзенка), у 1993—1997 — на аддзяленні скульптуры Мінскага дзяржаўнага мастацкага каледжа імя А. К. Глебава (выкладчык Уладзімір Жбанаў).

Член Беларускага саюза дызайнераў (2004), член Беларускага саюза мастакоў (2005).

Творчасць

Мастак сучаснага светапогляду, для якога творчае пераасэнсаванне і спазнанне свету — правакацыйная гульня, дыялог з гледачом. Выкарыстоўваючы выразныя алегарычныя прыёмы, скульптар ператварае мастацкі працэс у стварэнне і распрацоўку прынцыпова новага пластычнага аб’екта, новай формы. Аўтар імкнецца да семантычнай кадыроўкі твораў, што выяўляецца ў неардынарных рашэннях.^{[крыніца?]}

Прынцыпы канцэптуальнага мастацтва ў творчасці мастака трансфармуюцца ў пэўную скульптурную форму, якая нібы існуе паралельна рэальнасці. Па сутнасці, яго творы — гэта ўвасабленне паняццяў і катэгорый, якія для гледача — сэнсавы рэбус, загадка. Творы скульптара ўспрымаюцца і як фармальны знак, і як сюррэалістычны аб’ект, і як мастацкі сімвал.^{[крыніца?]}

З 1997 года актыўна ўдзельнічае ў рэспубліканскіх і міжнародных мастацкіх выстаўках, конкурсах, сімпозіумах, стварае візуальнае мастацтва для грамадскіх прастор, выступае з дакладамі на канферэнцыях і ў вышэйшых навучальных установах. Яго творы незвычайныя як формай, так і зместам, маюць асаблівы філасофскі сэнс і незвычайную метафарычнасць^{[крыніца?]}. Таксама актыўна ўдзельнічае ў развіцці міжнародных культурных адносін з Кітайскай Народнай Рэспублікай. Яго скульптурныя творы ўсталяваны ў кітайскіх гарадах Фучжоў, Куньмін, Чанчунь^[3].

Супрацоўніцтва з мінскім метрапалітэнам

Максім Пятруль — аўтар твораў візуальнага мастацтва, інтэграваных у грамадскую прастору станцый мінскага метрапалітэна Грушаўкі і Малінаўкі, спраектаваных архітэктарам Уладзімірам Целяпнёвым. Cамі станцыі набываюць экспазіцыйную функцыю, становяцца выставачнымі пляцоўкамі, альтэрнатыўнымі традыцыйным выставачным прасторам — музеям, галерэям і арт-цэнтрам. Асноўная задача твораў не столькі дэкаратыўная функцыя, як рэпрэзентатыўная — прадстаўленне саміх сябе як завершаных мастацкіх твораў «візуальнага мастацтва для грамадскіх прастор»^[4].

Узнагароды

Лаўрэат Спецыяльнага фонду Прэзідэнта Рэспублікі Беларусь маладым дзеячам культуры і мастацтва
Медаль Камісіі па культуры Міжнароднага алімпійскага камітэта (XXIX Алімпійскія гульні, Пекін, Кітай)
Медаль і дыплом першай ступені Беларускага саюза архітэктараў (Міжнародны конкурс маладых архітэктараў «Леанарда-2005»)
Медаль і дыплом першай ступені XIV Нацыянальнага конкурсу архітэктуры ў намінацыі «Манументальная скульптура ў гарадскім асяроддзі» за стварэнне мемарыяла — помніка ахвярам Мінскага гета (архітэктар Леанід Левін) па вуліцы Сухой у Мінску.

У майстэрні Макcіма Петруля 11.02.2015 года

Творы аўтара захоўваюцца ў прыватнай калекцыі Рэйнольда Вюрта Кунцельзау ў Германіі, Музеі алімпійскага мастацтва ў Пекіне, у Нацыянальным мастацкім музеі Беларусі, Музеі сучаснага выяўленчага мастацтва, у музеях, галерэях, прыватных калекцыях і грамадскіх прасторах Беларусі, Расіі, Літвы, Нідэрландаў, Германіі, Кітая і ЗША^[5].

Скульптурныя кампазіцыі ў Мінску

«Разбіты агмень» — мемарыял у памяць Мінскага гета, 2008 (архітэктар — Л. М. Левін)
«Фантан Перамогі»
«Папараць-кветка», парк 900-годдзя Мінска
«Дом Багдановіча»

Выстаўкі

2007 — «60&30» (сумесна з Л. І. Пятруль), Нацыянальны мастацкі музей Беларусі^[6]
05.12.2014 — 18.01.2015 — «Гісторыя адной гісторыі» (сумесна з Л. І. Пятруль), мастацкая галерэя полацкага гісторыка-культурнага музея-запаведніка

Галерэя

«Амерыка». 2004, h = 40 см, пластык, акрыл
«Taiji». 2004, h = 35 см, бронза, граніт (фрагмент)
«Паміж». 2004, l = 75 см, дрэва. Калекцыя Музея сучаснага выяўленчага мастацтва, Мінск
«А + Я», r = 36 см, 2004, кераміка
«Сотавая сувязь». 2005—2007, h = 21 см, дрэва, сталь
«Стварэнне». 1995—2007, h = 21 cm, гіпс (мадэль, частка скульптуры «Стварэнне», калекцыя Райнольда Вюрта)
«О». 2009, h = 175 cm, дрэва, сталь (фрагмент)
«Давыд». 2010—2011, h = 33 см, рэды-мэйд аб'ект (Прысвячаецца Цару Давыду і Дэвіду Бекхэму)
«Хатняя гравітацыя», 2012—2013, h=60 cm, свінец, дрэва, грунт (арт-аб'ект, з серыі «Хатняе…»)
«Counterbutterfly», 2014, h = 45 cм, бронза, сілумін, граніт