Максім Пятровіч Скавыш

З пляцоўкі Вікіпедыя
Jump to navigation Jump to search
Футбол
Максім Скавыш
Агульная інфармацыя
Поўнае імя Максім Пятровіч Скавыш
Нарадзіўся 13 лістапада 1989(1989-11-13)[1] (29 гадоў)
Грамадзянства Flag of Belarus.svg Беларусь
Рост 179 см
Вага 78 кг
Пазіцыя нападнік
Інфармацыя пра клуб
Клуб Беларусь БАТЭ
Нумар 15
Кар’ера
Клубная кар’ера*
2007 — 2013 Беларусь БАТЭ (Барысаў) 89 (24)
2012   Беларусь Белшына (Бабруйск) 30 (4)
2013   Расія Балтыка (Калінінград) 10 (3)
2013 — 2015 Расія Балтыка (Калінінград) 45 (4)
2015 — 2016 Беларусь Тарпеда-БелАЗ (Жодзіна) 26 (8)
2016 Ізраіль Хапаэль (Кфар-Сава) 8 (0)
2017 Беларусь Тарпеда-БелАЗ (Жодзіна) 30 (9)
2018 — Беларусь БАТЭ (Барысаў) 29 (11)
Нацыянальная зборная**
2008 — 2011 Беларусь Беларусь (да 21) 28 (5)
2011 — 2012 Беларусь Беларусь (алімпійская) 5 (0)
2013 — Беларусь Беларусь 17 (2)
Міжнародныя медалі
Дзяржаўныя і ведамасныя ўзнагароды
Нагрудны знак адрознення Майстар спорту Рэспублікі Беларусь міжнароднага класа.png

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 23 снежня 2018.

** Колькасць гульняў і галоў за нацыянальную зборную ў
афіцыйных матчах, адкарэктавана станам на 14 кастрычніка 2019.

Максім Скавыш (нар. 13 лістапада 1989, Мінск) — беларускі футбаліст, нападнік барысаўскага БАТЭ і нацыянальнай зборнай Беларусі.

Клубная кар’ера[правіць | правіць зыходнік]

Выхаванец футбольнай школы «Змена» (Мінск), з 2007 года гуляў за барысаўскі БАТЭ. У сакавіку 2012 года разам з Міхаілам Гардзейчуком быў аддадзены ў арэнду ў бабруйскую «Белшыну». Пасля года ў Бабруйску, у лютым 2013 года быў арандаваны калінінградскай «Балтыкай»[2], а ў маі таго ж года быў выкуплены прыбалтыйскім клубам[3].

У чэрвені 2015 года не стаў падаўжаць кантракт з «Балтыкай». Планавалася, што Максім стане іграком саратаўскага «Сокала», але ў апошні момант пераход сарваўся[4]. Пазней стаў трэніравацца разам з мінскім «Дынама», але ў выніку клуб не стаў падпісваць кантракт з нападнікам[5]. У ліпені 2015 года прыбыў у стан жодзінскага «Тарпеда-БелАЗ» і 22 ліпеня падпісаў кантракт з аўтазаводцамі[6]. У складзе жодзінцаў замацаваўся на пазіцыі цэнтральнага нападніка.

У студзені 2016 года падоўжыў пагадненне з «Тарпеда-БелАЗ»[7]. Добра правёў першую палову сезона 2016, стаўшы адным з лідараў жодзінцаў, дапамог камандзе выйграць Кубак Беларусі. У канцы чэрвеня 2016 года перайшоў у ізраільскі клуб «Хапаэль» з Кфар-Савы[8]. Аднак, замацавацца ў аснове не здолеў і ў студзені 2017 года пакінуў Ізраіль[9]. Неўзабаве пасля вяртання з Ізраіля зноў стаў іграком аўтазаводцаў[10]. У сезоне 2017 правёў за «Тарпеда-БелАЗ» усе 30 матчаў у чэмпіянаце Беларусі, забіў 9 галоў.

У снежні 2017 года вярнуўся ў БАТЭ[11]. У складзе барысаўскай каманды стаў пераважна выхадзіць на замену. У сезоне 2018 забіў 11 галоў у Вышэйшай лізе, з іх 8 пасля выхаду на замену.

У верасні 2019 года падоўжыў кантракт з барысаўчанамі[12].

Міжнародная кар’ера[правіць | правіць зыходнік]

Гуляў за моладзевую зборную Беларусі, з ёй выйграў бронзавы медаль чэмпіянату Еўропы 2011 у Даніі, на гэтым чэмпіянаце забіў мяч у вароты зборнай Ісландыі. З 2011 года гуляў за алімпійскую зборную Беларусі. На Алімпійскіх гульнях 2012 выйшаў на замену ў адным матчы.

3 чэрвеня 2013 года дэбютаваў у нацыянальнай зборнай Беларусі ў таварыскім матчы супраць Эстоніі. Пасля 2014 года доўгі час не выклікаўся ў зборную, але ў сакавіку 2017 года зноў трапіў у каманду пасля таго, як яе ўзначаліў галоўны трэнер «Тарпеда-БелАЗ» Ігар Крывушэнка.

Дасягненні[правіць | правіць зыходнік]

Статыстыка выступленняў[правіць | правіць зыходнік]

Сезон Дывізіён Клуб Краіна Матчы Галы
2007 Д1 БАТЭ Беларусь 1 0
2008 Д1 БАТЭ Беларусь 16 0
2009 Д1 БАТЭ Беларусь 25 12
2010 Д1 БАТЭ Беларусь 26 9
2011 Д1 БАТЭ Беларусь 21 3
2012 Д1 Белшына Беларусь 30 4
2012/13 (2) Д2 Балтыка Расія 11 3
2013/14 Д2 Балтыка Расія 31 3
2014/15 Д2 Балтыка Расія 15 1
2015 (2) Д1 Тарпеда-БелАЗ Беларусь 12 1
2016 (1) Д1 Тарпеда-БелАЗ Беларусь 14 7
2016/17 (1) Д1 Хапаэль (Кфар-Сава) Ізраіль 8 0
2017 Д1 Тарпеда-БелАЗ Беларусь 30 9
2018 Д1 БАТЭ Беларусь 29 11

Зноскі

Спасылкі[правіць | правіць зыходнік]