Малая Мікіцкая вуліца
| Малая Мікіцкая вуліца Прэсненскі раён | |
|---|---|
 | |
| Агульная інфармацыя | |
| Краіна | |
| Горад | |
| Працягласць |
|
 Медыяфайлы на Вікісховішчы | |
Малая Мікіцкая вуліца (руск.: Ма́лая Ники́тская у́лица; у 1948—1993 гадах — вуліца Качалава) — вуліца ў Прэсненскім раёне Цэнтральнай адміністрацыйнай акругі горада Масквы.
Вуліца праходзіць ад плошчы Мікіцкія Вароты да Садовай-Кудрынскай вуліцы паралельна Вялікай Мікіцкай вуліцы. Нумарацыя дамоў вядзецца ад Мікіцкіх варот. Па ходзе руху ад Мікіцкіх Варот справа далучаюцца вул. Спірыдонаўка і Успольны завулак. Злева далучаюцца Вазнясенскі праезд і Скарацінскі завулак.
Паходжанне назвы
[правіць | правіць зыходнік]Назва XIX стагоддзя дадзена ад суседняй Вялікай Мікіцкай вуліцы, якая атрымала назву ад Мікіцкага жаночага манастыра, які размяшчаўся на месцы цяперашняга сквера перад падстанцыяй метрапалітэна (дом 7/10 па В. Мікіцкай, рог Вялікага Кіслоўскага завулка).
Гісторыя
[правіць | правіць зыходнік]Вуліца сфармавалася ў XVII стагоддзі. Тады яна ўпіралася ва Упольны завулак, дзе стаяў храм святога велікамучаніка Георгія, што на Усполлі (пабудаваны ў 1779 годзе, знесены ў 1932 годзе), і называлася Георгіеўскай або Ягор’еўскай вуліцай. У пачатку XIX стагоддзя вуліца выходзіла на Садовае кальцо, ператварылася ў дублёра Мікіцкай вуліцы. Яе пачалі называць Малой Мікіцкай вуліцай.
У 1948 годзе вуліца была перайменавана ў вуліцу Качалава ў памяць пра тэатральнага акцёра В. І. Качалава, які жыў на ёй у 1914—1919 гадах. У 1993 годзе вуліцы была вярнулі гістарычную назву.
У 2015 годзе падчас рэалізацыі праграмы «Мая вуліца» Малая Мікіцкая была рэканструявана: адрамантавалі фасады дамоў, абнавілі падсветку, добраўпарадкавалі прылеглыя да вуліцы двары і скверы.