Малізэ

Малізэ
Малізэ
	італ.: Molise
Герб	Сцяг[d]
Краіна	Італія
Уваходзіць у	Італія;
Адміністрацыйны цэнтр	Кампабаса
Кіраўнік	Даната Тома[d]
Насельніцтва (2008)	312 686
Плошча	4 438 км²
Вышыня; над узроўнем мора	631 м
Часавы пояс	UTC+1 і UTC+2
Код ISO 3166-2	IT-67
Афіцыйны сайт
	Медыяфайлы на Вікісховішчы

Малізэ (італ.: Molise, неап.: Mulise) — адміністрацыйны рэгіён у Італіі. Мяжуе з рэгіёнамі Абруца, Лацыа, Кампанія і Апулія, мае выхад да Адрыятычнага мора. Складаецца з 2 правінцый, Кампабаса і Ізернія, са сталіцай у горадзе Кампабаса.

Геаграфія

Найбольш гарыстая тэрыторыя ў глыбіні рэгіёна, на мяжы з Лацыа і Абруца. Найбольш буйнымі горнымі масівамі з’яўляюцца горы Кампа, Капрара і Мэта (гара). Гарыстасць мясцовасці спадае па кірунку да ўзбярэжжа Адрыятыкі. Патокі вады сфарміравалі ў гарах даліны, праз якія працякаюць тры галоўныя ракі рэгіёна — Трыньё, Біферна і Фарторэ. Асноўныя пароды — асадкавыя вапняковыя, што прыводзіць да ўзнікнення апоўзняў і селяў. Лясных масіваў няшмат. Увосень выпадаюць багатыя дажджы, зімы звычайна суровыя. Малізэ з’яўляецца адным з самых халодных рэгіёнаў паўднёвай Італіі. Разам з тым на ўзбярэжжы клімат цёплы і залежыць ад марскіх брызаў.