Мантуя (італ.: Provincia di Mantova, ламб.: Pruvincia de Mantua) — правінцыя ў Італіі, у рэгіёне Ламбардыя. Мяжа правінцыі праходзіць па некалькіх рэках. На захадзе рака Ольё аддзяляе яе ад правінцыі Крэмона. На поўдні — рака По, за якой знаходзяцца правінцыі Ферара, Модэна, Рэджа-Эмілія і Парма. На ўсходзе па рацэ Мінча праходзіць мяжа з правінцыямі Верона і Равіга. На паўночным захадзе Мантуя мяжуе з правінцыяй Брэшыа. Агульная плошча — 2340 км². Рака По з’яўляецца крыніцай паводак, па яе берагах уладкованыя водаахоўныя дамбы.