Маншук Жыенгаліеўна Маметава

Маншук Жыенгаліеўна Маметава
каз.: Мәншүк Жиенғалиқызы Мәметова
Дата нараджэння	23 кастрычніка 1922(1922-10-23)
Месца нараджэння	Жыекум[d], Урдзінскі павет[d], Букееўская губерня[d], Кіргізская АССР[d], РСФСР
Дата смерці	15 кастрычніка 1943(1943-10-15) (20 гадоў)
Месца смерці	Невель, Невельскі раён, Калінінская вобласць, РСФСР, СССР
Грамадзянства	СССР
Прыналежнасць	СССР
Род войскаў	пяхота
Гады службы	1942—1943
Званне	старэйшы сяржант Старэйшы сяржант
Часць	100-я стралковая брыгада
Пасада	кулямётніца
Бітвы/войны	Вялікая Айчынная вайна
Узнагароды і званні
Медыяфайлы на Вікісховішчы

Маншук Жыенгаліеўна Маметава (каз.: Мәншүк Жиенғалиқызы Мәметова; 23 кастрычніка 1922, аул Жыекум, Кіргізская АССР — 15 кастрычніка 1943, пад Невелем) — кулямётніца 100-й асобнай стралковай брыгады Калінінскага фронту, гвардыі старшы сяржант. Першая казахская жанчына, якой было прысвоена званне Герой Савецкага Саюза.

Біяграфія

Нарадзілася 23 кастрычніка 1922 года ў ауле Жыекум Удынскага раёна Уральскай вобласці, цяпер Рэспубліка Казахстан. Казашка.

Бацькі Маншук рана памерлі, і пяцігадовую дзяўчынку ўдачарыла яе цётка Аміна Маметава. Дзіцячыя гады Маншук прайшлі ў Алма-Аце. Сапраўдным імем Маншук было Мансія, і ў дзяцінстве Аміна апай звала яе ласкальна «Маншаім», але паколькі Маншук была маленькай, то не магла вымавіць слова «Моншақ» і ў яе атрымвалася толькі «Манчук». З тых часоў яна стала падпісваць лісты Манчук.

Да вайны скончыла рабфак, два курсы медыцынскага інстытута. Працавала ў апараце Саўнаркама Казахскай ССР, сакратаром намесніка Старшыні Саўнаркама.

У Чырвонай арміі з верасня 1942 года, пісар штаба 100-й Казахскай асобнай стралковай брыгады (8 снежня 1943 года ператворана ў 1-ю стралковую дывізію. Пасля дывізія была ўзнагароджана ордэнам Чырвонага Сцяга, ёй была прысвоена ганаровая назва «Брэсцкая»), потым медсястра. На фронце скончыла курсы кулямётнікаў і была прызначана першым нумарам кулямётнага разліку ў страявую частку.

15 кастрычніка 1943 года ў цяжкіх баях за вызваленне горада Невеля (Невельская наступальная аперацыя) пры абароне панавальнай вышыні, застаўшыся адна з кулямётнага разліку, быўшы цяжка параненай аскепкам у галаву, знішчыла 70 салдатаў праціўніка і загінула смерцю адважных.

Літаратура

• Маметова Маншук Жиенгалиевна // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — С. 31. — 863 с. — 100 000 экз. — ISBN 5-203-00536-2.
• Чечеткина О. Батыр Маншук // Героини. Вып. I. (Очерки о женщинах — Героях Советского Союза). — М.: Политиздат, 1969.

Спасылкі

• Маншук Жыенгаліеўна Маметава на сайце «Героі краіны»
• Дом-музей Героя Советского Союза Маншук Маметовой Архівавана 30 снежня 2007..(г. Уральск).
• Разговор с Маншук.
• Классный час о Маншук Маметовой Архівавана 13 мая 2008..
• Маметова Маншук Жиенгалиевна(недаступная спасылка). // История отечества. Коми.
• Почтовая марка с изображением Маметовой Маншук.