Марцін Гедройц

Марцін Гедройц
10-ы Ваявода мсціслаўскі 1617 — 1621
Папярэднік	Аляксандр Галоўчынскі
Пераемнік	Януш Тышкевіч
Нараджэнне	1545
Смерць	10 ліпеня 1621(1621-07-10) Відзенішкі, Відзянішкейская сянюнія[d], Маляцкі раён[d], Літва
Род	Гедройцы
Бацька	Матэвуш Гедройц
Маці	Ганна Крошынская
Жонка	Кацярына Рудаміна, Ганна Крывец
Дзеці	ад першага шлюбу: Маўрыцы Казімір, Ядвіга

Марцін Матушавіч Гедройц (? — 10 ліпеня 1621) — дзяржаўны дзеяч Вялікага Княства Літоўскага.

Біяграфія

Староста абельскі ў 1586—1607, вількамірскі з 1607, ваявода мсціслаўскі з 1617.

Вызначыўся ў Кірхгольмскай бітве 1605. У 1618 фундаваў у Відзінішках (Віленскі павет) кляштар аўгусцінцаў.

Сям’я

Сын Матэвуша Барталамеевіча Гедройца і Ганны Крошынскай, брат жамойцкага біскупа Мальхера Гедройца.

Быў жанаты з Кацярынай Рудамінай, меў сына Маўрыцыя Казіміра і дачку Ядвігу, якая вышла замуж за упіцкага земскага маршалка Крыштафа Белазора. Пасля смерці першай жонкі ажаніўся паўторна з Ганнай Крывец, з якой дзяцей не меў.

Літаратура

• Пазднякоў В. Гедройцы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 521. — 688 с. — ISBN 985-11-0314-4 (т. 1), ISBN 985-11-0315-2.