Марш Радэцкага

З пляцоўкі Вікіпедыя
Jump to navigation Jump to search
Граф Радэцкі

«Марш Радэцкага» (аp. 228) — марш, напісаны Іаганам Штраусам-старэйшым у гонар фельдмаршала графа Радэцкага ў 1848 годзе. Адзін з самых знакамітых твораў Штрауса.

Марш Радэцкага складаецца з трох асноўных частак.

Гісторыя[правіць | правіць зыходнік]

Марш Радэцкага быў напісаны Іаганам Штраусам-старэйшым у якасці прывітання войскам фельдмаршала Іагана Ёзэфа Венцэля Радэцкага, які вяртаўся пасля прыгнечання паўстання ў Італіі, і быў упершыню выкананы 31 жніўня 1848 года на вуліцах Вены перад войскамі, якія праходзілі па вуліцах.

Пазней ён стаў парадным маршам гусарскага палка Радэцкага[1].

У сярэдзіне XIX стагоддзя аўстрыец Шрам, стаўшы капельмайстрам Каралеўскага драгунскага гвардзейскага палка (англ.) Вялікабрытаніі, прадставіў «Марш Радэцкага» як вельмі прыдатны для англійскага кавалерыйскага палка. Марш атрымаў яшчэ мацнейшую сувязь з палком у 1896 годзе, калі аўстрыйскі імператар Франц Іосіф I стаў шэфам палка (англ.) і даў дазвол прыняць у якасці сцяга аўстрыйскага двухгаловага арла. Марш Радэцкага і сёння з'яўляецца хуткім маршам палка[1].

Сучаснае выкарыстанне[правіць | правіць зыходнік]

  • Маршам Радэцкага кожны раз заканчваецца Навагодні канцэрт Венскага філарманічнага аркестра. Паводле традыцыі, публіка суправаджае яго выкананне рытмічным папляскваннем у ладкі і прытупваць нагамі. (Гавораць, што гэта традыцыя бярэ пачатак з першага выканання марша, якое так моцна ўразіла аўстрыйскіх афіцэраў і іншых афіцыйных асоб, якія прысутнічалі на ім, што тыя сталі мімаволі прытупваць нагамі ў такт, насуперак сваёй звычайнай стрыманасці.)
  • Марш Радэцкага з'яўляецца парадным гімнам чылійскай Ваеннай акадэміі імя Бернарда О’Хігінса (англ.)[2].
  • На стадыёне дацкага футбольнага клуба Орхус Марш Радэцкага іграюць кожны раз, калі каманда гаспадароў забівае гол[3].

Зноскі

  1. 1,0 1,1 Music of the Regiment — 1st The Queen’s Dragoon Guards
  2. Gala Artística Musical — Ejército de Chile
  3. Bo Jensen. Totaloplevelse i NRGI Park // Tribune: Magasin for Århus Elite, # 30, 4.03.2008. (дацк.) 

Спасылкі[правіць | правіць зыходнік]