Марына Міхайлаўна Елінская

Марына Міхайлаўна Елінская
Марына Міхайлаўна Елінская
Дата нараджэння	31 снежня 1957 (67 гадоў)
Месца нараджэння	Баранавічы, Брэсцкая вобласць, БССР, СССР;
Род дзейнасці	гісторык, архівістка, геральдыст
Месца працы	Цэнтральны дзяржаўны архіў Кастрычніцкай рэвалюцыі і сацыялістычнага будаўніцтва БССР; Інстытут філасофіі НАН Беларусі; Інстытут гісторыі НАНБ; Дэпартамент па архівах і справаводстве Міністэрства юстыцыі Рэспублікі Беларусь; гістарычны факультэт БДУ;
Навуковая ступень	кандыдат гістарычных навук
Навуковае званне	дацэнт;
Альма-матар	гістарычны факультэт БДУ;
Член у	Геральдычны савет пры Прэзідэнце Рэспублікі Беларусь;

Марына Міхайлаўна Елінская^[1] (нар. 31 снежня 1957, г. Баранавічы, Брэсцкая вобласць) — беларускі гісторык, архівістка. Кандыдат гістарычных навук (2005), дацэнт^[2].

Біяграфія

Нарадзілася 31 снежня 1957 года ў Баранавічах Брэсцкай вобласці. Скончыла ў 1975 годзе сярэднюю школа № 41 у Мінску, у 1983 годзе гістарычны факультэт БДУ імя У. І. Леніна. З 1976 года працавала архіварыусам Цэнтральнага дзяржаўнага архіва Кастрычніцкай рэвалюцыі і сацыялістычнага будаўніцтва БССР, з 1980 года — лабаранткай Інстытута філасофіі і права АН БССР, з 1983 года — старшай лабаранткай, малодшай навуковай супрацоўніцай Інстытута гісторыі АН БССР. З 1992 — настаўніца гісторыі, грамадазнаўства і сусветнай мастацкай культуры ў СШ № 71 г. Мінска^[2].

З 2000 года супрацоўніца аддзела геральдыкі і генеалогіі Дзяржаўнага камітэта па архівах і справаводстве пры Савеце Міністраў Рэспублікі Беларусь, аддзела навуковага выкарыстання дакументаў і інфармацыі Дэпартамента па архівах і справаводстве Міністэрства юстыцыі Рэспублікі Беларусь, з 2017 года — супрацоўніца аддзела арганізацыйнай работы, інфармацыі і выкарыстання дакументаў той жа ўстановы^[2].

З 2002 года сакратар Геральдычнай рады пры Прэзідэнце Рэспублікі Беларусь^[2].

У 2005 г. абараніла кандыдацкую дысертацыю «Крыніцы пра шляхецкія роды заходнееўрапейскага паходжання ў беларускіх губернях з канца XVIII — пачатак XX стст.» (навуковы кіраўнік В. Н. Рабцэвіч)^[2].

З 2006 года працуе на кафедры археалогіі і спецыяльных гістарычных дысцыплін гістарычнага факультэта БДУ, дацэнт^[2].

Крыніцы

↑ Марына Міхайлаўна Елінская на сайце анлайн-энцыклапедыі «Беларусь у асобах і падзеях»
↑ ^а ^б ^в ^г ^д ^е Супрацоўнікі БДУ (бел.) (нявызн.) ?. bsu.by. Праверана 1 студзеня 2025.

Спасылкі

Марына Міхайлаўна Елінская на сайце анлайн-энцыклапедыі «Беларусь у асобах і падзеях»

[1] Марына Міхайлаўна Елінская на сайце анлайн-энцыклапедыі «Беларусь у асобах і падзеях»

[:0-2] а ^б ^в ^г ^д ^е Супрацоўнікі БДУ (бел.) (нявызн.) ?. bsu.by. Праверана 1 студзеня 2025.

[1]

[2]