Марына Уладзіміраўна Аўсяннікава
| Марына Уладзіміраўна Аўсяннікава | |
|---|---|
| руск.: Марина Владимировна Овсянникова | |
 | |
| Імя пры нараджэнні | руск.: Марина Владимировна Ткачук |
| Род дзейнасці | журналістка, рэдактар, тэлепрадзюсар, рэдактар, кінапрадзюсар |
| Дата нараджэння | 19 чэрвеня 1978[1] (45 гадоў) |
| Месца нараджэння | |
| Грамадзянства | |
| Месца працы | |
| Альма-матар | |
 Медыяфайлы на Вікісховішчы | |
Марына Уладзіміраўна Аўсяннікава, па нараджэнні Ткачук[9][10] (руск.: Марина Владимировна Овсянникова; нар. 1978, Адэса, УССР) — расійская тэлежурналістка, працавала рэдактарам на Першым канале[11].
Біяграфія[правіць | правіць зыходнік]
Нарадзілася ў 1978 годзе ў Адэсе[11]. Маці — руская, бацька — украінец[12].
Вучылася на журналісцкім факультэце Кубанскага дзяржаўнага ўніверсітэта, а таксама ў РАНГіДС[9][10].
Працавала вядучай навін на ДТРК «Кубань»[9][10].
14 сакавіка 2022 года ў час уварвання Расіі ва Украіну яна з’явілася з антываенным плакатам у эфіры навін «Першага канала» Расійскага тэлебачання[13][14]. Яна загадзя запісала відэазварот, у якім патлумачыла маральны матыў свайго ўчынку[15].
Марына Аўсяннікава была затрымана паліцыяй і дастаўлена ў аддзел паліцыі АМУС па Астанкінскаму раёну, дзе ў дачыненні да яе складзены пратакол аб адміністрацыйным парушэнні права ў адпаведнасці з артыкулам 20.3.3. КаАП «Публічныя дзеянні, скіраваныя на дыскрэдытацыю выкарыстання Узброеных Сіл Расійскай Федэрацыі з мэтай абароны інтарэсаў Расійскай Федэрацыі і яе грамадзян, падтрымання міжнароднага міру і бяспекі»[11][16][17]. 15 сакавіка 2022 года дастаўлена ў Астанкінскі раённы суд, дзе пачаўся разгляд справы па ч. 2 арт. 20.2 КаАП (арганізацыя няўзгодненага публічнага мерапрыемства)[18][19]. Яе адвакатам выступіў Антон Гашынскі[20]. Суддзя А. І. Бортнікава ў сваім рашэнні прызнала Марыну Аўсяннікаву «вінаватай у здзяйсненні парушэння права, прадугледжанага ч.2 арт.20.2 КаАП РФ, ёй прызначана пакаранне ў выглядзе адміністрацыйнага штрафу ў памеры 30 тыс. рублёў»[18][21].
Дзеянні Марыны Аўсяннікавай прывітаў Прэзідэнт Украіны Уладзімір Зяленскі і яго саветнік Міхаіл Падаляк[12][22]. Брытанская газета The Guardian змясціла стоп-кадр з эфіру на перадавіцу свайго выпуску за 15 сакавіка 2022 года[22]. Амерыканская газета The Washington Post звярнула ўвагу на тое, што «тысячы людзей неўзабаве апанавалі старонку Аўсяннікавай у Facebook каментарамі, шмат з якіх выказвалі падзяку і называлі яе мужнай»[22].
Следчы камітэт Расійскай Федэрацыі адразу пачаў праверку на наяўнасць у дзеяннях Марыны Аўсяннікавай складу злачынства па артыкуле 207.3 КК РФ (публічнае распаўсюджванне свядома лжывай інфармацыі пра выкарыстанне Узброеных сіл РФ)[23]. 15 ліпеня 2022 года Марына Аўсяннікава апублікавала ва ўласным публічным канале відэа і фота, на якіх дэманструе плакат з тэкстам аб дзеяннях ваеннаслужачых Узброеных сіл РФ. 10 жніўня 2022 года затрымана, 11 жніўня змешчана пад хатні арышт. Збегла з-пад хатняга арышту ў кастрычніку 2022 года, была аб’яўлена ў міжнародны вышук. У дачыненні да яе была завочна абрана мера стрымання ў выглядзе ўзяцця пад варту.
Нелегальна пакінула Расію. Жыве ў Францыі.
4 кастрычніка 2023 года Басманны суд Масквы завочна прысудзіў Марыну Аўсяннікаву да 8,5 год пазбаўлення волі, прызнаўшы яе вінаватай у распаўсюджванні недакладнай інфармацыі аб Узброеных сілах РФ[24].
Зноскі[правіць | правіць зыходнік]
- ↑ https://sia.az/en/news/world/987894.html
- ↑ Женщине, ворвавшейся в студию программы «Время», грозит административное дело — ТАСС, 2022.
- ↑ Редактор Первого канала Марина Овсянникова ворвалась в прямой эфир с плакатом «Остановите войну, вам здесь врут» — 2022. Праверана 15 сакавіка 2022.
- ↑ Женщине, ворвавшейся в студию программы «Время», грозит административное дело — ТАСС, 2022.
- ↑ https://news.walla.co.il/item/3500134
- ↑ https://www.dw.com/ru/marina-ovsjannikova-pokinula-nemeckij-telekanal-welt/a-62343213
- ↑ а б Журналистка и выпускница КубГУ вышла с пацифистским плакатом во время прямого эфира новостей на Первом канале — 2022.
- ↑ а б «Все без исключения понимают, что врут» «Медуза» рассказывает историю Марины Овсянниковой, вышедшей с антивоенным плакатом в эфир Первого канала. Бонус: что на канале происходит из-за войны // Meduza — 2022.
- ↑ а б в Зырянов Н. Журналистка и выпускница КубГУ вышла с пацифистским плакатом во время прямого эфира новостей на Первом канале // Юга.ру, 14.03.2022
- ↑ а б в Адвокаты не могут найти редактора программы «Время», которая ворвалась в эфир в антивоенным плакатом // israelinfo.co.il, 15.03.2022
- ↑ а б в Женщине, ворвавшейся в студию программы «Время», грозит административное дело // ТАСС, 14.03.2022
- ↑ а б Sauer, Pjotr. ‘They’re lying to you’: Russian TV employee interrupts news broadcast (англ.). The Guardian (14 сакавіка 2022).
- ↑ Первый канал проводит проверку в связи с инцидентом с посторонней в кадре во время эфира // ТАСС, 14.03.2022
- ↑ Первый канал проводит проверку после инцидента в прямом эфире. Туда ворвалась женщина с пацифистским плакатом // Фонтанка.ру, 14.03.2022
- ↑ Девушкой с плакатом оказалась сотрудница «Первого канала».
- ↑ На сотрудницу «Первого канала», ворвавшуюся в прямой эфир с антивоенным плакатом, составлен протокол // Коммерсантъ, 14.03.2022
- ↑ Сотрудница Первого канала ворвалась в эфир программы «Время» с антивоенным плакатом // Международное французское радио, 14.03.2022
- ↑ а б Информация по делу № 05-1121/2022 // Официальный портал судов общей юрисдикции г. Москвы
- ↑ В Останкинском суде Москвы судят Марину Овсянникову // newsru.co.il, 15.02.2022
- ↑ Редактора Первого канала Марину Овсянникову судят по административному делу // RTVI, 15.03.2022
- ↑ Сотрудница «Первого канала» Овсянникова оштрафована на 30 тыс. рублей // Интерфакс, 15.03.2022
- ↑ а б в Ilyushina M., Knowles H. (14 March 2022). "Protester bursts onto live Russian state TV to decry war and 'propaganda'". The Washington Post [амерыканская англійская].
- ↑ СК начал доследственную проверку в отношении женщины, ворвавшейся в эфир программы «Время» // ТАСС, 15.03.2022
- ↑ tass.ru