Марыс Бланшо

Марыс Бланшо
фр.: Maurice Blanchot
Асабістыя звесткі
Дата нараджэння	22 верасня 1907(1907-09-22)[…]
Месца нараджэння	Дэўруз[d], Сен-Жэрмен-дзю-Буа[d], Луан[d], дэпартамент Сона і Луара, рэгіён Бургундыя, Метраполія Францыі, Францыя
Дата смерці	20 лютага 2003(2003-02-20)[…] (95 гадоў)
Месца смерці	Парыж, рэгіён Іль-дэ-Франс, Метраполія Францыі, Францыя
Пахаванне	Le Mesnil-Saint-Denis[d]
Грамадзянства	Францыя
Альма-матар	Страсбурскі ўніверсітэт
Прафесійная дзейнасць
Род дзейнасці	філосаф, пісьменнік, журналіст, літаратурны крытык, літаратурны тэарэтык
Мова твораў	французская
Грамадская дзейнасць
Член у	Нацыянальная акадэмія дэі Лінчэі comité de lecture des éditions Gallimard[d] La jeune France[d] (сакавік 1942)

Мары́с Бланшо́ (фр.: Maurice Blanchot, 22 верасня 1907, Кэн, дэпартамент Сона і Луара, Францыя — 20 лютага 2003, Ле Меніль Сен-Дэні, дэпартамент Івелін, Францыя) — французскі пісьменнік, мысляр-эсэіст.

Біяграфія

Нарадзіўся 22 верасня 1907 года ў вёсцы Куэйн (фр.: Quain) у дэпартаменце Сона і Луара.

Бланшо вывучаў філасофію ў Страсбургскім універсітэце, дзе стаў блізкім сябрам французска-яўрэйскага фенаменолага літоўскага паходжання Эмануэля Левінаса. Затым пачаў кар’еру палітычнага журналіста ў Парыжы. З 1932 па 1940 год быў рэдактарам асноўнай кансерватыўнай штодзённай газеты «Journal des débats». У 1930 годзе атрымаў ступень DES (дыплом вышэйшага ўзроўню), прыкладна эквівалентную ступені магістра ў Парыжскім універсітэце, з дысертацыяй пад назвай «Канцэпцыя дагматызму ў старажытных скептыкаў паводле Секста Эмпірыка» (фр.: «La Conception du Dogmatisme chez les Sceptiques anciens d'après Sextus Empiricus»).

У перыяд паміж дзвюма войнамі актыўна супрацоўнічаў з шэрагам экстрэмісцкіх выданняў правага кшталту, друкаваў артыкулы літаратурнага, палітычнага, філасофскага характару, у якіх выказваў антыдэмакратычныя погляды ў духу французскага літаратурнага нацыяналізму, не цураючыся антысемітызму.

У сярэдзіне 1940-х гадоў канчаткова адышоў ад палітыкі і прысвяціў сябе літаратуры: ужо ў канцы вайны ён выпусціў два раманы і дзве літаратуразнаўчыя працы.

У 1947 годзе Бланшо з’ехаў з Парыжа ў адасобленую вёсачку Эз (дэп. Прыморскія Альпы) на поўдні Францыі, дзе правёў наступныя гады свайго жыцця.

Памёр у лютым 2003 года ва ўзросце 95 год. Будучы сусветна вядомым мысляром, не пакінуў ні завяшчання, ні якога-небудзь іншага распараджэння адносна сваёй творчай спадчыны.