Марыс Бон

З пляцоўкі Вікіпедыя
Jump to navigation Jump to search
Марыс Бон
Дата нараджэння 10 лютага 1920(1920-02-10)
Месца нараджэння
Дата смерці 13 кастрычніка 1943(1943-10-13) (23 гады)
Месца смерці
Месца пахавання
Прыналежнасць

Марыс Бон (фр.: Maurice Bon; 10 лютага 1920 — 17 кастрычніка 1943) — ваенны лётчык французскага злучэння «Нармандыя-Нёман», кавалер ордэна Айчыннай вайны 2 ступені, ваеннага Крыжа 1939—1945 (Францыя).

Біяграфія[правіць | правіць зыходнік]

Нарадзіўся ў сям’і Ренэ Бона і Мары-Жанны Пелетэр у камуне Эльян дэпартамента Фіністэр, акруга Кемпер, кантон Канкарно ў Францыі. Быў найлепшым вучнем у школе і актыўным скаўтам. У 1937 годзе каля Кемпера з’явіўся аэраклуб, і Мaрыс запісаўся туды першым. У снежні 1938 года атрымаў пасведчанне лётчыка-аматара і меў правы на кіраванне лёгкімі пасажырскімі самалётамі.

У лютым 1939 года добраахвотна паступіў на службу ў ваенную авіяцыю. 1 верасня 1939 года прыбыў на авіяцыйную базу ў Шатару, дзе 1 лістапада 1939 года яму было прысвоена званне сяржанта. Пасля паражэння Францыі ў чэрвені 1940 года быў дэмабілізаваны. Але 8 мая 1941 года быў зноў прызваны на службу ў войска. Служыў у авіяцыйных часцях на акупаванай тэрыторыі Францыі — у Сенегале і на Мадагаскары. Прыйшлося ваяваць з англічанамі і нават збіць некалькі іх самалётаў.

У баях у складзе «Нармандыя — Нёман»[правіць | правіць зыходнік]

Пасля акупацыі вострава Мадагаскар англічанамі 18 студзеня 1943 года Марыс вырашыў, што памыляўся і трэба змагацца з фашыстамі. Ён падаў заяву аб уступленні ва ўзброеныя сілы Нацыянальнага камітэта «Свабодная Францыя». Запісаўшыся добраахвотнікам, 15 мая 1943 года прыбыў у размяшчэнне эскадрыллі «Нармандыя — Нёман» у СССР. У чэрвені 1943 года ўдзельнічаў у бітве за Арол, а 19 ліпеня збіў свой першы «Юнкерс». Да кастрычніка 1943 года, усяго за тры месяцы баёў, на яго рахунку было ўжо 73 баявыя вылеты, два збітыя асабіста, чатыры збітыя ў групе і два непацверджаныя збітыя самалёты праціўніка. 13 кастрычніка 1943 года падчас паветранага бою з нямецкімі знішчальнікамі яго самалёт быў падбіты і ўпаў у раёне в. Леніна Горацкага раёна. Пры ўдары самалёта аб зямлю матор сышоў на глыбіню аж трох метраў. Цела француза было пахавана каля вёскі Стэфанава Горацкага раёна Магілёўскай вобласці. Лётчыку было ўсяго 23 гады.

Узгнагароды[правіць | правіць зыходнік]

  • ордэн Айчыннай вайны 2 ступені
  • ордэн Ваеннага Крыжа 1939—1945 (Францыя)
  • іншыя французскія ўзнагароды

Памяць[правіць | правіць зыходнік]

  • На месцы пахавання лётчыка ў в. Сцяфанава Горацкага раёна ўсталявана гранітная пліта.
  • Імя Марыса Бона напісана на мемарыяльнай дошцы, усталяванай на доме № 29 па вул. Крапоткінская г. Масквы, дзе ў час вайны знаходзілася французская ваенная міссія.
  • Імем Марыса Бона 20 верасня 1953 года ў Францыі названы аэрадром у Кемперы, дзе ўзведзены помнік (гранітная стэла) з надпісам: «Этот аэропорт назван в честь Мориса Бона из эскадрильи „Нормандия-Неман“, погибшего в небе России 13 октября 1943 года».
  • У Францыі быў выпушчаны латэрэйны білет з выявай Марыса Бона.
  • Кожнае 13 кастрычніка ў памяць аб Марысе Боне адбываюцца мерапрыемства, у якім прымаюць удзел грамадскія і ваенныя таварыствы.
  • У яго родным горадзе імя Марыса Бона носіць адна з вуліц.

Літаратура[правіць | правіць зыходнік]

  • Дыбов, Сергей. Подлинная история авиаполка «Нормандия-Неман» — М.:2017.

Спасылкі[правіць | правіць зыходнік]

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.