Марыён (востраў)

З пляцоўкі Вікіпедыя
Jump to navigation Jump to search
Марыён
афрык. Marion
Marion Island, South Africa, EO-1 ALI satellite image, 5 May 2009.jpg
Выгляд з космасу
Характарыстыкі
Плошча290 км²
Насельніцтва
  • 50 чал.
Размяшчэнне
46°56′41,40″ пд. ш. 37°49′39,20″ у. д.HGЯO
АкваторыяІндыйскі акіян
Краіна
Марыён (востраў) (Індыйскі акіян)
Марыён
Марыён

Марыён (афр.: Marion) — найбуйнейшы востраў архіпелага Прынс-Эдвард на паўднёвым захадзе Індыйскага акіяна. Агульная плошча — 290 км². Сталага насельніцтва няма.

Геаграфія[правіць | правіць зыходнік]

Востраў Марыён знаходзіцца за 2490 км на паўднёвы ўсход ад Прэторыі, сталіцы ПАР, за 2277 км ад узбярэжжа Антарктыды. Даўжыня з захаду на ўсход — 23,3 км. Шырыня з поўдню на поўнач — 16,62 км.

Узнік у выніку вулканічных вывяржэнняў, якія пачаліся каля 450 тысяч гадоў таму і працягваюцца да нашых дзён. Востраў месціцца на падводнай платформе каля 3000 м. Углыбіні яна злучана з платформай суседняга вострава Прынс-Эдвард. Паверхня сфарміравана дзвюма шчытавымі вулканамі, якія ўзвышаюцца на 1230 м і 1185 м. Усяго налічваецца 150 вулканічных конусаў. Апошняе істотнае вывяржэнне зафіксавана ў 1980 г.

Паверхня вострава Марыён складаецца з базальтаў, туфаў і іншых лававых парод. Толькі на ўзбярэжжы сустракаюцца тарфяныя нізіны. Глебы вострава ўтрымоўваюць нізкі працэнт азота.

Клімат субантарктычны вільготны. Найбольш цёплы месяц — люты, калі сярэдняя тэмпература вагаецца ад 5,3°C да 10,9°C. У жніўні слупок тэрмометра трымаецца каля 1,2°C—6,3°C. Сярэднегадавая колькасць ападкаў — 2399 мм.

Прырода[правіць | правіць зыходнік]

З-за аддаленасці ад кантынентаў і вывяржэнняў вулканаў, а таксама прахалоднага клімату флора вострава даволі бедная. Пераважаюць зараснікі траў, імхі і папараці. На пляжах спыняюцца цюлені і марскія сланы. На востраве Марыён гняздуе некалькі мільёнаў птушак, у тым ліку 1,4 млн пінгвінаў.

У 1949 г. на востраў з карабля выпадкова трапіла 2 каты. Яны здолелі выжыць і пачалі размножвацца. У выніку ў 1975 г. колькасць катоў дасягнула болей за 2000. Каты наносілі значную шкоду птушкам. Таму ў 1977 - 1982 гг. было вылаўлена і вывезена 4208 катоў. Лічыцца, што апошнія каты былі злоўлены ў 1991 г.

Марыён з'яўляецца часткай марскога запаведніка.

Гісторыя[правіць | правіць зыходнік]

Адкрыты ў 1663 г. галандскімі маракамі. У 1772 г. нанава адкрыты французскай экспедыцыяй на чале Марка Жазэфа Марыёна-Дуфрэна (17241772). Ад яго імя востраў атрымаў сучасную назву. У 1833 - 1930 гг. кейптаўнскія лаўцы цюленяў трымалі на ўсходзе Марыёна сезонную базу. 4 студзеня 1948 г. далучаны да тэрыторыі ПАР. З 1959 г. на востраве вядуцца навуковыя даследаванні. Дзейнічае метэаралагічная станцыя.

Спасылкі[правіць | правіць зыходнік]