Мар’ян Антонавіч Скрамблевіч

Мар’ян Антонавіч Скрамблевіч
Мар’ян Антонавіч Скрамблевіч
Дата нараджэння	25 сакавіка 1939 (85 гадоў)
Месца нараджэння	Адэльск, гміна Адэльск[d], Сакольскі павет, Беластоцкае ваяводства, Польская Рэспубліка;
Альма-матар	Маскоўскі дзяржаўны абласны ўніверсітэт[d] (1965); Вышэйшая прафсаюзная школа культуры[d] (1977);
Музычная дзейнасць
Прафесіі	музыкант, музычны педагог, стваральнік музычных інструментаў
Прэміі	Спецыяльная прэмія Прэзідэнта Рэспублікі Беларусь дзеячам культуры і мастацтва (29 снежня 2020)
Узнагароды	Чалавек года Гродзеншчыны[d] (2014) Ганаровы грамадзянін Гродзенскага раёна[d] (2016)

Мар’ян Антонавіч Скрамбле́віч (нар. 25 сакавіка 1939, г. п. Адэльск, цяпер Гродзенскі раён) — беларускі музыкант (баян, гармонік), музычны педагог, майстар народных музычных інструментаў.

Біяграфія[правіць | правіць зыходнік]

З сялянскай сям’і. Брат Баляслава Скрамблевіча. Скончыў Адэльскую СШ, служыў у 1960—1963 гадах у войску. У 1963—1970 гадах — настаўнік музыкі і спеваў Адэльскай СШ. З 1970 — загадчык клуба аўтобуснага парку № 1 г. Гродна.

Завочна скончыў у 1965 годзе аддзяленне тэорыі музыкі Універсітэта імя Крупскай у Маскве, курсы баяністаў пры Гродзенскім абласным Доме народнай творчасці. У 1972—1977 вучыўся ў Вышэйшай прафсаюзнай школе культуры ў Ленінградзе. Кіруе з 1970 года хорам аўтапарку № 1 у Гродне.

З 1992 вырабляе народныя музычныя інструменты (дуды, дудкі, ражкі, свісцёлкі, акарыны, гармонікі), якія дэманстраваў на рэспубліканскіх і міжнародных фестывалях.

Прызнанне[правіць | правіць зыходнік]

«Чалавек года Гродзеншчыны» (2014).
Ганаровы грамадзянін Гродзенскага раёна (2016)^[1].
Спецыяльная прэмія Прэзідэнта Рэспублікі Беларусь дзеячам культуры і мастацтва (2020) «за значны асабісты ўклад у адраджэнне традыцый вытворчасці музычных інструментаў»^[2].

Рэспубліканская экспертная камісія па народнай творчасці і рамёствах Міністэрства культуры Рэспублікі Беларусь у 2012 годзе прысвоіла М. А. Скрамблевічу званне народнага майстра па вырабе народных музычных інструментаў. Творчасць Мар’яна Скрамблевіча ў 2012 годзе занесена ў Дзяржаўны спіс гісторыка-культурных каштоўнасцей Рэспублікі Беларусь.

Зноскі

↑ Ганаровыя грамадзяне Архівавана 4 лістапада 2020.
↑ Указ Прэзідэнта Рэспублікі Беларусь ад 29 снежня 2020 года № 499 «Аб прысуджэнні спецыяльнай прэміі Прэзідэнта Рэспублікі Беларусь» Архівавана 11 студзеня 2021.

Літаратура[правіць | правіць зыходнік]

Скрамблевіч Мар’ян Антонавіч // Пяткевіч А. М. Людзі культуры з Гродзеншчыны: Даведнік.. — Гродна: ГрДУ, 2000. — 356 с.

[1] Ганаровыя грамадзяне Архівавана 4 лістапада 2020.

[2] Указ Прэзідэнта Рэспублікі Беларусь ад 29 снежня 2020 года № 499 «Аб прысуджэнні спецыяльнай прэміі Прэзідэнта Рэспублікі Беларусь» Архівавана 11 студзеня 2021.

[1]

[2]