Масатосі Косіба

З пляцоўкі Вікіпедыя
Jump to navigation Jump to search
Масатосі Косіба
яп.: 小柴昌俊
Masatoshi Koshiba 2002.jpg
Дата нараджэння 19 верасня 1926(1926-09-19)[1] (92 гады)
Месца нараджэння
Грамадзянства
Род дзейнасці фізік, прафесар
Навуковая сфера фізіка
Месца працы
Альма-матар
Узнагароды і прэміі
Commons-logo.svg Масатосі Косіба на Вікісховішчы

Масатосі Косіба яп.: 小柴 昌俊, нар. 19 верасня 1926 г., горад Тоёхасі, прэфектура Айці) — японскі фізік, лаўрэат Нобелеўскай прэміі па фізіцы (2002) (палова прэміі сумесна з Раймандам Дэвісам «за стварэнне нейтрына астраноміі»).

Біяграфія[правіць | правіць зыходнік]

Косіба вучыўся ў Такійскім універсітэце. Пасля заканчэння ўніверсітэта ў 1951 годзе ён паступіў у аспірантуру і перайшоў у 1953 годзе ў Рочэстэрскі ўніверсітэт у ЗША. У 1955 году Косіба атрымлівае ступень доктара за працу па звышвысокаэнергетычных з'явах у касмічных промнях.

У сакавіку 1970 Косіба стаў прафесарам Такійскага ўніверсітэта.

Дасягненні[правіць | правіць зыходнік]

У 1950-х і 1960-х гадах Косіба займаўся высокаэнергетычным касмічным выпраменьваннем і звязанымі з ім з'явамі ў верхніх пластах атмасферы. Гэтыя заняткі прывялі яго ў 1970-х гадах да фізікі мюонаў і нейтрына, а таксама да фізікі элементарных часціц. Пасля ўдзелу ў JADE - сумесным нямецка-японскім праекце на паскаральніку DESY ў Гамбургу, ён сканструяваў дэтэктар Kamiokande для рэгістрацыі прадказанага тэорыяй распаду пратона. Па прычыне, што рэгістрацыя распаду пратона не атрымалася, ён перабудаваў дэтэктар ў дэтэктар нейтрына і змог зарэгістраваць касмічныя нейтрына: у працэсе выбуху звышновай 1987A атрымалася зарэгістраваць 12 нейтрына, 9 з якіх у першыя 2 секунды. Гэта было першым прамым эксперыментальным доказам тэорый аб працэсах, якія адбываюцца пры калапсе зоркі, у прыватнасці тэорыі нейтрыннага астуджэння.

У 2002 годзе, ён быў ганараваны Нобелеўскай прэміі па фізіцы. Сумесна з Раймандам Дэвісам ён атрымаў палову прэміі, другую палову атрымаў Рыкарда Джаконі.


  1. Koshiba Masatoshi // Encyclopædia Britannica Праверана 9 кастрычніка 2017.