Маскоўскі авіяцыйны інстытут

Маскоўскі авіяцыйны інстытут (нацыянальны даследчы ўніверсітэт) (МАІ)
Міжнародная назва	Moscow Aviation Institute (National Research University)
Заснаваны	1930
Год рэарганізацыі	2015
Студэнты	22 000
Краіна	Расія
Размяшчэнне	Расія: Масква
Узнагароды
Сайт	mai.ru
Медыяфайлы на Вікісховішчы

Маскоўскі авіяцыйны інстытут (нацыянальны даследчы ўніверсітэт) — расійскі нацыянальны даследчы ўніверсітэт у горадзе Масква.

Гісторыя

У канцы 1920-х гадоў, у сувязі з шырокім разваротам работ па індустрыялізацыі СССР і, у прыватнасці, стварэнню савецкай авіяцыі, паўстала пытанне аб неабходнасці значнага пашырэння падрыхтоўкі інжынерных кадраў. У сувязі з гэтым 20 сакавіка 1930 года было прынята рашэнне аб падзеле Маскоўскага вышэйшага тэхнічнага вучылішча на пяць спецыялізаваных інжынерных ВНУ, у ліку якіх было і Вышэйшае аэрамеханічнае вучылішча. 20 жніўня 1930 года Вышэйшае аэрамеханічнае вучылішча было пераназвана ў Маскоўскі авіяцыйны інстытут.

Пасля пачатку Вялікай Айчыннай вайны Савет народных камісараў СССР прыняў рашэнне аб эвакуацыі інстытута з Масквы ў Алма-Ату. Эвакуацыя пачалася ў кастрычніку 1941 года. Аднак ужо ў лютым 1942 года, пасля паражэння немцаў пад Масквой, інстытут вярнуўся ў Маскву.

У 2009 годзе інстытуту быў прысвоены статус нацыянальнага даследчага інстытута.

19 мая 2011 года навучальная ўстанова была перайменавана ў «Маскоўскі авіяцыйны інстытут (нацыянальны даследчы універсітэт)».

31 сакавіка 2015 года была праведзена рэарганізацыя Маскоўскага авіяцыйнага інстытута шляхам далучэння да яго Расійскага дзяржаўнага тэхналагічнага ўніверсітэта імя Цыялкоўскага.

Вядомыя асобы

• Алена Алегаўна Сярова — Касманаўтка, палітык
• Алег Клімаў — беларускі музычны журналіст і крытык, тэлевядучы.

Спасылкі

• Афіцыйны сайт МАІ