Мацавічы (Валожынскі раён)

З пляцоўкі Вікіпедыя
Jump to navigation Jump to search
Вёска
Мацавічы
Macavičy, Valožyn District (1).jpg
Краіна
Вобласць
Раён
Сельсавет
Каардынаты
Насельніцтва
16 чалавек (2008)
Часавы пояс
Тэлефонны код
+375 1772
Аўтамабільны код
5
СААТА
6220857106
Мацавічы на карце Беларусі ±
Мацавічы (Валожынскі раён) (Беларусь)
Мацавічы (Валожынскі раён)
Мацавічы (Валожынскі раён) (Мінская вобласць)
Мацавічы (Валожынскі раён)

Ма́цавічы[1] (трансліт.: Macavičy, руск.: Мацевичи) — вёска ў Валожынскім раёне Мінскай вобласці. Уваходзіць у склад Ракаўскага сельсавета. Знаходзіцца за 50 км на ўсход ад Валожына, за 12 км ад чыгуначнай станцыі Радашковічы на лініі Мінск — Маладзечна, за 59 км ад Мінска. 12 гаспадарак, 16 жыхароў (2008).

Геаграфія[правіць | правіць зыходнік]

Гара Маяк з боку в. Мацавічы

Рэльеф раўнінна-ўзгорысты, на паўночным усходзе мяжуе з лесам. Непадалёк знаходзіцца гара Маяк (335 м) — найвышэйшы пункт Валожынскага раёна.

Транспартныя сувязі па мясцовай дарозе праз вёскі Ракаў, Кучкуны і далей па шашы М7/E28 Мінск — Вільнюс.

Планіровачна складаецца з прамалінейнай вуліцы шыротнай арыентацыі, забудаванай двухбакова, няшчыльна, драўлянымі дамамі сядзібнага тыпу.

Гісторыя[правіць | правіць зыходнік]

Вядома ў Вялікім Княстве Літоўскім з XVIII стагоддзя. У 1779 годзе сяло, 19 двароў, у Менскім ваяводстве. З 1793 года ў Расійскай імперыі. У 1794 годзе 126 жыхароў, карчма, уладанне М. К. Агінскага. У 1858 годзе 45 жыхароў мужчынскага полу, у Стараракаўскім сельскім таварыстве Мінскага павета, уласнасць княгіні Друцкай-Любецкай. Паводле перапісу 1897 года 22 двары, 153 жыхары, у Заслаўскай воласці таго ж павета. У 1908 годзе 25 двароў. З 1921 года пад уладай Польшчы. У 1921 годзе 24 двары. З лістапада 1939 года ў БССР. З 12 кастрычніка 1940 года ў Гіравіцкім сельсавеце Радашковіцкага раёна Вілейскай вобласці. У Вялікую Айчынную вайну з 25 чэрвеня 1941 года да 4 ліпеня 1944 года акупіравана нацыстамі. На франтах загінулі 8 вяскоўцаў. З 20 верасня 1944 года ў Радашковіцкім раёне Маладзечанскай вобласці. 18 студзеня 1949 года арганізаваны калгас імя Шверніка, які абслугоўвала Залеская МТС. З 20 студзеня 1960 года ў Валожынскім раёне Мінскай вобласці. З 26 жніўня 1961 года ў Ракаўскім сельсавеце. З 1963 года ў складзе саўгаса «Залескі» (цэнтр — в. Новы Двор). У 1994 годзе 20 гаспадарак.

Насельніцтва[правіць | правіць зыходнік]

  • 1897 — 153 чал.
  • 1908 — 159 чал.
  • 1921 — 168 чал.
  • 1959 — 133 чал.
  • 1994 — 29 чал.
  • 2008 — 16 чал.

Зноскі

  1. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)

Літаратура[правіць | правіць зыходнік]

Спасылкі[правіць | правіць зыходнік]