Мбому

Мбому
фр. Mbomou
Характарыстыка
Даўжыня	800 км
Басейн	120 000 км²
Вадацёк
Выток
• Каардынаты	5°01′49″ пн. ш. 27°26′28″ у. д.
Вусце
• Каардынаты	4°07′44″ пн. ш. 22°26′10″ у. д.
Размяшчэнне
Водная сістэма	Рака Убангі
Краіна	Паўднёвы Судан  Цэнтральна-Афрыканская Рэспубліка  Дэмакратычная Рэспубліка Конга
— выток, — вусце
Аўдыё, фота і відэа на Вікісховішчы

Мбому або Бому (фр. Mbomou, Bomu) — рака ў Цэнтральнай Афрыцы.

Агульныя звесткі

Даўжыня ракі Мбому — 800 кіламетраў. Плошча басейна ракі — 120 тысяч км². Носіць назву «Мбому» ў Цэнтральна-Афрыканскай Рэспубліцы, і назву «Бому» — у Дэмакратычнай Рэспубліцы Конга.

Геаграфія

Рака Мбому на большай частцы свайго цячэння з’яўляецца дзяржаўнай мяжой паміж Цэнтральна-Афрыканскай рэспублікай і Дэмакратычнай Рэспублікай Конга. Яе вытокі знаходзяцца на тэрыторыі Судана, у яго паўднёвым рэгіёне (Экватарыяльная правінцыя), недалёка ад мяжы з Конга. Працягласць Мбому ў Судане складае каля 60 кіламетраў.

Правымі прытокамі Мбому, з боку ЦАР, з’яўляюцца рэкі Шынка, Уара, Кере, Мбоку. Левым прытокам, з боку Конга — рака Аса. Пры зліцці Мбому ў раёне горада Камба з ракой Уэле ўтвараецца рака Убангі, адзін з найбуйнейшых прытокаў ракі Конга. Па назве ракі названы 2 правінцыі ЦАР — Мбому і Верхняя Мбому. На кангалезскім боку ракі да яе прымыкаюць 2 шырокіх прыродаахоўных рэзервата Заходняя Бому і Усходняя Бому.