Мбошы

З пляцоўкі Вікіпедыя
Jump to navigation Jump to search
Мбошы
M'Boshi
Агульная колькасць 167 000
Рэгіёны пражывання Flag of the Republic of the Congo.svg Рэспубліка Конга 
Мова лімбошы
Рэлігія анімізм, татэмізм, каталіцызм
Блізкія этнічныя групы сукума, ганда
Металічныя бранзалеты мбошы

Мбошы — народ групы банту ў Рэспубліцы Конга. Жывуць у сярэднім цячэнні ракі Конга і далінах яе прытокаў Ліквала і Аліма. Агульная колькасць (2016 г.) - 167 000 чалавек[1].

Лігвісты сцвярджаюць, што мбошы паходзяць з рэгіёна Вялікіх азёр[2] і мігрыравалі ў сучаснае месца рассялення да сярэдзіны XIX ст.

Падзяляюцца на субэтнічныя групы: мбошы, мбока, аква, ангарэ, квала, куба. Адносяцца да негрскай расы вялікай негроіднай расы. Гавораць на мове лімбошы. Большасць мбошы — каталікі, частка прытрымліваецца традыцыйных вераванняў.

Традыцыйныя заняткі — трапічнае, ручное падсечна-агнявое земляробства (маніёк, ямс, батат, бананы), якім пераважжна займаюцца жанчыны. У забалочаных нізінах выкарыстоўваюць насыпныя грады, выкарыстоўваюць зялёныя ўгнаенні; збіральніцтва; ручное рыбалоўства; працуюць на лесанарыхтоўках. Распаўсюджана міграцыя ў г.Бразавіль.

У мінулым пераважалі раскіданыя паселішчы, цяпер узрасла колькасць кампактных вёсак, заснаваных вакол рэк і дарог, чатырохвугольнай планіроўкі, дамы будуюць фасадам да цэнтральнай плошчы; у паселішчах ёсць мужчынскія дамы. Жытло — прамавугольнае ў планіроўцы, з каркаснымі, аплеценымі пруццем сценамі і высокім дахам з лісця пальмы рафіі.

Традыцыйныя стравы — кашы, цестападобныя пасты з маніёка, бананаў, з садавінавымі і гароднінавымі прыправамі, рыба. Традыцыйнае адзенне не захавалася. Распаўсюджаны складаныя прычоскі. Асноўная сацыяльная ячэйка — вялікасямейная абшчына. Лік радства матрылінейны, развіта палігінія.

Зноскі

Літаратура[правіць | правіць зыходнік]

  • Народы мира, «Советская энциклопедия», М., 1988 // С.295