Мб’я (гуарані)

З пляцоўкі Вікіпедыя
Мб'я
(mby’as)
Madre Guarani.JPG
Агульная колькасць 34300 (2021)
Рэгіёны пражывання Парагвай, Аргенціна, Бразілія
Мова мб'я гуарані
Рэлігія шаманізм, хрысціянства
Блізкія этнічныя групы іншыя гуарані

Мб’я (саманазва mby’as) — індзейскі народ у Паўднёвай Амерыцы. Жывуць у Парагваі, Аргенціне і Бразіліі. Агульная колькасць (2021 г.) — 34 300 чалавек[1].

Мб’я лічацца часткай гуарані, якая ў XVII — XVIII стст. не далучылася да жыцця ў езуіцкіх місіях або пакінула іх, каб працягваць традыцыйны лад жыцця. Назва паходзіць ад узвышша Мбаэвера на левым беразе ракі Парана. На ўсходзе насялялі раён вакол вадаспадаў Ігуасу. У XIX ст. тэрыторыі мб’я апынуліся падзеленымі паміж Парагваем, Бразіліяй і Аргенцінай.

Асноўнымі заняткамі мб’я з’яўляюцца сельская гаспадарка, дробнае рамяство і наёмная праца на буйных плантацыях і прамысловых прадпрыемствах. Мб’я пакутваюць ад недахопу зямлі. У Бразіліі і Парагваі актыўна ўдзельнічаюць у руху індзейцаў за свае правы.

Нягледзячы на тое, што ў нашы дні мб’я насяляюць тэрыторыі, якія падвяргаюцца актыўнай еўрапеізацыі, і многія з іх прынялі хрысціянства, яны захоўваюць многія дахрысціянскія традыцыі: інстытуты спадчынных правадыроў і шаманаў, шматлікія міфы і рытуалы. Апошнія дапамагаюць падтрымліваць асобную самасвядомасць і не змешвацца з навакольным еўрапейскім і крэольскім насельніцтвам.

Родная мова мб’я блізкая да парагвайскай гуарані. Падзяляецца на 2 дыялекты. Шаманы карыстаюцца патаемнай гаворкай.

Зноскі

Спасылкі[правіць | правіць зыходнік]