Медаль «У памяць 300-годдзя царавання дома Раманавых»

З пляцоўкі Вікіпедыя
Jump to navigation Jump to search
Медаль «У памяць 300-годдзя царавання дома Раманавых»
RUS Imperial White-Yellow-Black ribbon.svg
Краіна
Тып медаль
Дата заснавання 21 лютага (6 сакавіка) 1913
Commons-logo.svg Медаль «У памяць 300-годдзя царавання дома Раманавых» на Вікісховішчы

Медаль «У памяць 300-годдзя царавання дома Раманавых» — узнагарода Расійскай імперыі ў гонар 300-годдзя царавання Дома Раманавых.

Гісторыя[правіць | правіць зыходнік]

Медаль «У памяць 300-годдзя царавання Дома Раманавых» быў заснаваны 21 лютага 1913 года па загадзе імператара Мікалая II (у той дзень у 1613 года Вялікі Земскі Сабор абраў на валадаранне Міхаіла Фёдаравіча Раманава).

Усе чыны арміі, флоту, асобнага корпуса паліцыі, якія знаходзіліся да 21 лютага 1913 года на службе, а таксама прадстаўнікі сельскага насельніцтва, што прымалі ўдзел ва ўрачыстасцях у прысутнасці імператара, медаль атрымлівалі бясплатна. Астатнім узнагароджаным выдавалі спецыяльныя пасведчанні на права нашэння медалёў, а саму ўзнагароду трэба было набываць за плату.

Апісанне[правіць | правіць зыходнік]

Круглы бронзавы медаль дыяметрам 28 мм трэба было насіць на бела-жоўта-чырвонай стужцы.

На адным баку ўзнагароды змешчаны два пагрудных партрэты: імператар Мікалай II у ваеннай форме і заснавальнік дынастыі — цар Міхаіл Фёдаравіч у шапцы Манамаха і бармах (шырокім каўняры).

На адваротным баку зроблены гарызантальны надпіс у пяць радкоў: «въ памяць // ЗОО-лљтія // царствованія // ДОМА РОМАНОВЫХЪ // 1613—1913».

Некаторыя ўзнагароды выпускаліся з надпісам на рэверсе ў 6 радкоў. У асобных выпадках медалі выраблялі з пазалочанага срэбра і вельмі рэдка з золата.

З 1913 года па 1914 год на Санкт-Пецярбургскім манетным двары было выраблена больш за 1,5 мільёны экзэмпляраў[1].

Зноскі