Медаль Партызана

Медаль Партызана
Дэвіз	I ступень: За Бацькаўшчыну
Краіна	Беларуская Народная Рэспубліка
Тып	медаль
Каму ўручаецца	ўдзельнікам беларускага пасляваеннага антысавецкага руху I ступень: камандзіры і начальнікі штабаў партызанскіх аддзелаў; за выдатныя баявыя заслугі — любы партызан
Кім уручаецца	Шэф Штаба беларускіх партызанаў
Падставы ўзнагароджання	змаганне за незалежнасць Беларусі і прапанова чалавека партызанскім штабам
Дата заснавання	1 верасня 1949 года
Статус	уручаецца
Чарговасць узнагарод
Старэйшая	Ордэн Пагоні

Медаль Партызана — узнагарода рады БНР для ўдзельнікаў беларускага пасляваеннага антысавецкага руху.

Гісторыя

Медаль зацверджаны 1 верасня 1949 года дэкрэтам прэзідэнта Рады БНР Міколы Абрамчыка. Спачатку ім узнагароджваліся «беларусы, якія змагаліся ў радох Беларускай Нацыянальнай Партызанкі за Незалежнасьць Беларусі супроць акупантаў: на прапанову партызанцкага штабу». Статут быў зацверджаны і пачаў дзейнічаць з 6 жніўня 1951 года. У 1952 годзе права ўзнагароджання Медалем Партызана атрымаў «начальнік штабу беларускіх партызанаў».

Аднак пакуль не вядома, ці была вырабленая гэтая ўзнагарода, ці яна засталася толькі праектам. У беларускай газеце «Бацькаўшчына», якая выдавалася ў Мюнхене, у нумары за 24 лютага 1952 года быў пададзены толькі малюнак медаля, а таксама статут. У гэтай публікацыі былі таксама і іншыя ўзнагароды БНР.

Апісанне

Мае дзве ступені, выконваецца адпаведна ў золаце (1-я ступень) і срэбры (2-я ступень). Стужка — чырвона-зямельна-зялёная. На стужцы I ступені дзве скрыжаваныя стрэльбы. На пярэднім боку медаля стрэльбы, а пад імі надпіс «Б.Н.Р.». На адваротным жа боку парадкавы нумар. Таксама на адваротным боку першай ступені быў выбіты спокліч: «За Бацькаўшчыну».

Медаль першай ступені маглі атрымаць камандзіры і начальнікі штабаў партызанскіх аддзелаў, а за «выдатныя баявыя заслугі» — кожны партызан.

Ступені

• Медаль Партызана 1-й ступені
• Медаль Партызана 2-й ступені

Спасылкі

• Значкі, жэтоны, мэдалі
• Мазырэц Ц. Узнагароды Беларусі
• Пра ўзнагароды