Медаль ордэна Пагоні

    Дадаць спасылкі
    З Вікіпедыі, свабоднай энцыклапедыі
    Медаль ордэна Пагоні
    Pahonia Medal BNR ribbon.png Апісанне ўзнагароды
    Краіна Flag of Belarus (1918, 1991–1995).svg БНР
    Тып медаль
    Кім уручаецца Рада БНР
    Дата заснавання 24 лістапада 2022
    Статус уручаецца
    Чарговасць узнагарод
    Старэйшая Ордэн Пагоні

    Медаль ордэна Пагоні — узнагарода Рады БНР. Заснавана паводле ўнесеных у Статут Ордэна Пагоні паправак ад 24 лістапада 2022. Вышэйшай па сваім статусе ўзнагародай з’яўляецца тытул кавалера ці дамы Ордэна[1].

    Статут[правіць | правіць зыходнік]

    Медаль уручаецца беларускім грамадзянам і замежнікам беззаганнага характару, якія маюць асаблівыя заслугі перад беларускім народам[1]:

    • Асобам, якія адзначыліся на ніве змагання за волю і незалежнасць Беларусі;
    • Выбітным грамадскім і культурніцкім дзеячам у Беларусі і сярод беларускага замежжа;
    • Замежнікам, якія спрычыніліся да даследаванняў і папулярызацыі Беларусі ў свеце, а таксама іншым чынам спрыялі нацыянальным інтарэсам Беларусі.

    Медаль уручаецца адмысловым дэкрэтам Старшыні Рады БНР. Дэкрэт мусіць змяшчаць заслугі, за якія ўручаецца медаль[1].

    Медаль можа быць пасмяротнай узнагародай, але надавацца на працягу не больш як дзесяці гадоў пасля смерці. Пры рашэнні аб пасмяротным узнагароджанні імя ўносіцца ў спіс спачылых узнагароджаных медалём, блізкім сваякам уручаецца медаль і выдаецца Дыплом аб узнагароджанні кіраўніцтвам Капітула Ордэна або органа, які дзейнічае ў яго якасці[1].

    Спіс кандыдатаў на ўзнагароджанне складаецца і зацвярджаецца ў адпаведнасці са Статутам Камісіі па ўзнагароджаннях пры Радзе БНР. Камісія па ўзнагароджаннях пры Радзе БНР таксама павінна атрымаць меркаванне Капітулы Ордэна (пры яе наяўнасці) датычна кандыдатаў на ўзнагароджанне[1].

    Асобам, узнагароджаным медалём, выдаецца дыплом[1].

    Асобы, узнагароджаныя раней медалём Пагоні, паўторна гэтым медалём не ўзнагароджваюцца, а могуць атрымліваць тытул кавалера або дамы Ордэна Пагоні[1].

    Пазбаўленне медалю[правіць | правіць зыходнік]

    Перастае быць узнагароджаным медалём тыя, каго Капітул або арган, які дзейнічае ў яго якасці, выключыць з ліку ўзнагароджаных, пры ўхваленні гэтага рашэння Прэзідыумам Рады БНР, праз[1]:

    • Неганаровы ўчынак, у тым ліку карыслівае злачынства з элементам ашуканства;
    • Адкрыццё новых фактаў, што касуюць праўдзівасць ці важнасць падстаў рашэння аб узнагароджанні;
    • Здраду ідэалам Беларускай Народнай Рэспублікі.

    Капітул або орган, які дзейнічае ў яе якасці, можа, з увагі на абставіны выключэння з ліку ўзнагароджаных, абвясціць аб забароне публічнага нашэння такой асобай медаля раней ці замест выключэння[1].

    Апісанне[правіць | правіць зыходнік]

    Медаль увесь з жоўтага металу, круглай формы, на пярэднім баку выява Крыжа Ордэна Пагоні, на адваротным баку выбіты надпіс: «Не разьбіць, Не спыніць, Не стрымаць» і змешчаны нумар[1].

    Стужка медаля складаецца з вертыкальных палос: дзвюх тонкіх чырвоных па краях, шырокіх белых і шырокай чырвонай па цэнтры[1].

    Адзнакі[правіць | правіць зыходнік]

    Характар заслуг, за якія адбылася ўзнагарода медалём, можа быць абазначаныя на стужцы і планцы медаля адпаведнымі адзнакамі[1]:

    • За вайсковыя ці аналагічныя вайсковым заслугі або заслугі ў баявых ці аналагічных баявым абставінах — сімвал скрыжаваных шабляў залатога колеру;
    • За праяву надзвычайнай адвагі ў любых абставінах — знак ліста дуба залатога колеру;
    • За дасягненні ў сферы адукацыі, навукі, культуры — знак расчыненай кнігі і паходні залатога колеру.

    Гэтыя дадатковыя адзнакі могуць надавацца і насіцца адначасова. Узнагароджанне асоб, раней узнагароджаных адзнакамі ордэна ці медалём, правам нашэння гэтых адзнак можа адбывацца дадаткова. Права на нашэнне гэтых адзнак усталёўваецца ў Дэкрэце аб узнагароджанні, зазначаецца ў дыпломе медаля[1].

    Планка[правіць | правіць зыходнік]

    Планка адзнак медаля Пагоні складаецца з адпаведнай стужкі медаля прастакутнай формы або круглай формы (разеткі). На іх дадаюцца асаблівыя адзнакі. Могуць насіцца мініяцюрныя выявы адпаведнай адзнакі медаля Пагоні[1].

    Вядомыя ўзнагароджаныя[правіць | правіць зыходнік]

    2022[правіць | правіць зыходнік]

    Першае ўзнагароджанне адбылося з нагоды Дня Слуцкага збройнага чыну ў лістападзе 2022 г.

    Беларускія актывісты і пратэстоўцы, загінулыя ў 2020—2021 гадах[2]
    Беларускія ваяры, загінулыя ва Украіне ў 2022 годзе[2]
    Беларускія добраахвотнікі і ваяры, загінулыя падчас Рэвалюцыі годнасці і вайны ва Украіне з 2014 года[2]

    2023[правіць | правіць зыходнік]

    Узнагароджанне ў 2023 годзе было прымеркавана да Дня Волі. Узнагароджаныя[3]:

    Пасмяротныя ўзнагароджанні

    Зноскі

    1. ↑ а б в г д е ё ж з і к л м н Статут Ордэна Пагоні (версія з папраўкамі ад 24.11.2022)
    2. ↑ а б в Дэкрэт Старшыні Рады Беларускай Народнай Рэспублікі пра абнаўленьне Статуту Ордэну Пагоні і ўзнагароджаньне Мэдалём Ордэну Пагоні
    3. ↑ Новыя ўзнагароджаньні Мэдалём Ордэну Пагоні 25.3.2023

    Спасылкі[правіць | правіць зыходнік]

    Узята з "https://be.wikipedia.org/w/index.php?title=Медаль_ордэна_Пагоні&oldid=4482068"