Мова нанова

З Вікіпедыі, свабоднай энцыклапедыі
«Мова народа ёсць ягоны дух, і дух народа, ёсць ягоная мова» (с).

«Мо́ва нано́ва» — бясплатныя курсы беларускай мовы, якія адкрыліся ў Мінску 13 студзеня 2014 года ў галерэі «Ў».[1] Апроч Мінска, праводзяцца ў Баранавічах, Гародні, Бабруйску, Брэсце, Маладзечне, Магілёве, Віцебску, Астраўцы[2] , Гомелі, за мяжой адкрыліся ў Кракаве.[3]

На курсы прыходзяць розныя людзі і госці: беларускамоўныя лекары, праграмісты, архітэктары, спевакі, пісьменнікі, акцёры.

Курсы лічацца нефармальнымі, гэта неакадэмічнае вывучэнне мовы. Кожныя заняткі маюць тэму (мода, медыцына, сваякі і г. д.) ды некалькі ўмоўных рубрык — слоўнік, граматыка, цікавыя факты, прагляд розных фотаздымкаў і іншае.

Таксама пры падрымцы кампаніі «Velcom» курсы мелі сваю анлайн-трасляцыю[4].

23 ліпеня 2021 года Мінскі райвыканкам ліквідаваў сацыяльна-культурную ўстанову развіцця беларускай мовы і культуры «Мова Нанова».

Прэміі і ўзнагароды[правіць | правіць зыходнік]

25 чэрвеня 2014 года ў Мінску адбыўся пяты фестываль беларускамоўнай рэкламы і камунікацыі AD.NAK. Курсы Мова Нанова атрымалі Гран-пры фестывалю беларускамоўнай рэкламы і камунікацыі ў намінацыі «Грамадсказначныя праекты».[5]

Цікавыя факты і праекты курсаў[правіць | правіць зыходнік]

Мова Нанова стварыла службу бясплатных перакладаў «Хуткая моўная дапамога» [6][7]. Каманда з прафесійных філолагаў-валанцёраў гатовая аператыўна (за некалькі дзён) выканаць пераклад аб’ёмам да 5000 знакаў. Да перакладу прымаюцца публічныя выпадкі ўжывання мовы: сайты, шыльды, афішы, складнікі на таварах, цэтлікі ў крамах, меню ў рэстаранах, рэклама і г.д.

Таксама праводзяцца дабрачынныя спатканні «Мае сэнс» [8].

Адбываюцца экскурсіі ад турыстычнай кампаніі «Віапаль» па беларускіх мясцінах, якія праводзіць арганізатар курсаў Глеб Лабадзенка[9].

28 верасня 2014 года адбыўся першы нацыянальны спартыўны фестываль «Moвa Cup»[10], у якім таксама прыняла удзел каманда курсаў «Мова Нанова», якая заняла ў агульным заліку пятае месца[11].

5 кастрычніка 2014 года [12] ў галерэі сучаснага мастацтва «Ў» у Мінску адкрыліся курсы «Мова нанова дзеткам» для дашкольнікаў, малодшых школьнiкаў i iх бацькоў [13].

27 лістапада 2014 года курсы ўнесены ў Адзіны дзяржаўны рэгістр юрыдычных асоб і індывідуальных прадпрымальнікаў.[14]

5-6 снежня 2014 года ў Мінску прайшоў V Фестываль нефармальнай адукацыі. У намінацыі падзея года было выбрана пяць найболей заўважных падзей на думку журы. Курсы Мова Нанова таксама ўвайшлі у гэты спіс.[15]

3 студзеня 2015 года на тэлеканале Белсат TV выйшаў першы выпуск тэлеверсіі папулярных бясплатных курсаў беларускай мовы «Мова Нанова». Вядоўцы праграмы — Алеся Літвіноўская і Глеб Лабадзенка — кожную праграму будуць браць новую лексічную і граматычную тэму, а таксама запрашаць цікавага госця.[16]

11 мая 2015 года ў галерэі «Ў», прайшла прэзентацыя новага сайта курсаў www.movananova.by [17]

Мінск[правіць | правіць зыходнік]

Асноўны артыкул: Мова Нанова Мінск. Першы сезон

Першы сезон курсаў адкрыўся 13 студзеня 2014 года ў галерэі «Ў». У Мінску «Мову нанова» вядуць філолаг Алеся Літвіноўская і журналіст Глеб Лабадзенка. У першым навучальным годзе курсаў адбыліся 21 заняткі. Першы сезон скончыўся 9 чэрвеня 2014 года выпускным, на які прыйшлі ў госці гурт Handmade, Лявон Вольскі і Павал Аракелян.[18] Тэмамі заняткаў былі: «Віншаванні і зычэнні»[19] , «Рыцары і бітвы»[20], «Паганства»[21], «Медыцына»[22], «Лаянка»[23], «Сваякі», «Птушкі»[24], «Зоркі»[25], «Кіно», «Мода»[26], «Жарты», «Горад»[27], «Адукацыя»[28], «Вялікдзень»[29], «Тэатр», «Кампутары», «Чалавек і закон», «Раслінны свет», «Інваліднасць»[30], «Казкі»[31].

У госці на заняткі прыходзілі шмат знакамітасцяў і музыкаў: гурт HandmadE[32], сябры клуба «Гівойт» Юрась Усціновіч і Уладзімір Лічко, Уладзімір Арлоў[33], Віталь Гуркоў, Алега Хаменка[34], гурт Sumarok[35], гурт Rahis[36], Аляксандр Вінчэўскі, гурт «Босае сонца»[37], Алесь Камоцкі, Віктар Шалкевіч[38], Ганна Хітрык, гурт «Вурай»[39], Саша Варламаў[40], Андрэй Хадановіч[41], Лявон Вольскі[42], гурт Shuma[43], Вячаслаў Ракіцкі[44], Мікалай Пінігін[45], Зміцер Вайцюшкевіч[46], Кася Камоцкая[47].

Асноўны артыкул: Мова Нанова Мінск. Другі сезон

Другі сезон курсаў распачаўся 8 верасня 2014 года [48] ў галерэі «Ў». У другім навучальным сезоне адбыліся 35 заняткаў. Апошнія заняткі прайшлі 1 чэрвеня 2015 года.[49] Тэмамі заняткаў былі: «Войска»[48], «Гатэль»[50], «Мастацтва»[51], «Эканоміка»[52], «Рэклама»[53], «Жывёльны свет»[54], «Народны строй»[55], «Мова»[56], «Музей»[57], «Якуб Колас»[58], «У краме»[59], «Экалогія»[60], «Дзеткі»[61], «Паэзія»[62] , «Здаровае Харчаванне»[63], «Каляды»[64], «Зіма»[65], «Бізнес»[66], «Трасянка»[67], «Кавярня»[68], «Адам Міцкевіч»[69], «Масленіца»[70], «Рыгору Барадуліну — 80»[71]., «Журналістыка»[72], «Жаночая драбяза»[73], «Грошы»[74], «Вясна»[75], «Археалогія»[76], «Спадчына»[77], «Цырульня»[78] , «Васіль Быкаў»[79], «Тэлебачанне»[80], «Матацыклы»[81], «Гендар».[82]

У госці на заняткі прыходзілі шмат знакамітасцяў і музыкаў: Уладзімір Арлоў[83], «Стары Ольса»[84], Алег Рудакоў[85], Пятро Клюеў[86], Сяргей Харэўскі[87], гурт «Рэха»[88], Аляксандр Куль[89], гурт У нескладовае[90], Сяржук Доўгушаў[91], гурт Akute[92], ТрыА Алеся Лася[93], гурт KRIWI[94], гурт ZnaROCK[95], Паліна Рэспубліка[96], «Людзі на балоце»[97], гурт Navi[98], гурт «Мутнаевока»[99], Сяргей Башлыкевіч (Leibonik)[100], гурт «Мутнаевока»[101], Зміцер Вайцюшкевіч[102], Віктар Шалкевіч [103], гурт Trubetskoy[104], Алег Трусаў[105], гурт J:МОРС[106], гурт Haina[107], гурт GUDA[108], гурт Нагуаль, гурт :B:N:[109], Руся і Shuma voices[110], гурт «Крама», Юрый Жыгамонт[111], Лявон Вольскі, гурт Троіца[112]

Бабруйск[правіць | правіць зыходнік]

Мова нанова Бабруйск, 21 сакавіка 2014.

21 лютага 2014 года [113], у Дзень беларускай мовы, Алеся Літвіноўская і Глеб Лабадзенка перадалі эстафету моўных курсаў аднадумцам у Бабруйску: філолагу Вользе Рудай і журналістцы Алесе Лацінскай. Заняткі адбываліся па пятніцах а 18.00

Першыя заняткі правялі арганізатары мінскай «Мовы нановы» Алеся Літвіноўская і Глеб Лабадзенка. Студэнтаў прыйшло 20 чалавек. Размаўлялі пра беларускія вітанні і звароты, спрадвечныя формы беларуских імёнаў, прадставілі слоўнік «Сваякі», пачыталі артыкулы з «Нашай Нівы» пачатку ХХ стагоддзя. Студэнты выканалі творчае заданне: прыдумаць свой працяг да вядомых прыказак і прымавак. Мерапрыемства адбылося пры падтрымцы кампаніі «Будзьма беларусамі». Прысутныя атрымалі памятныя прызы ад «Будзьмы», а таксама кнігі ад Саюза беларускіх пісьменнікаў.

Адкрыццё другога сезона курсаў адбылося 19 верасня 2014 года.[114] У першым занятку, прысвечаным спорту, прыняў удзел госць з Мінска — журналіст «Еўрарадыё», удзельнік рок-гурта «HandMadE», спартовец Яўген Валошын.

18 верасня 2015 года распачаўся трэці сезон курсаў.[115] Госцем першых заняткаў стаў Сяргей Доўгушаў, лідар гурта «Vuraj».

Гродна[правіць | правіць зыходнік]

Мова нанова Гродна, 14 сакавіка 2014.

Больш за сто чалавек прыйшло 14 сакавіка 2014 года[116] на прэзентацыю курса Мова Нанова, арганізаваную сябрамі ГА "Цэнтр «Трэці сектар». Ужо за 15 хвілін да пачатку прэзентацыі стала ясна, што офіс арганізацыі, у якім планавалася правесці сустрэчу, проста не змесціць усіх ахвотных. Давялося тэрмінова шукаць большае памяшканне і пераносіць пачатак сустрэчы на паўгадзіны пазней. У залі былі людзі самых розных узростаў: слухачы «Універсітэта Залатога Веку», студэнты, і людзі сярэдняга ўзросту. Большасць з іх ніколі раней не была заўважана на якіх-небудзь грамадскіх мерапрыемствах. Прэзентацыю вялі заснавальнікі Мовы Нанова — Глеб Лабадзенка і Алеся Літвіноўская.

Госці з Мінска расказалі пра канцэпцыю курса, прадэманстравалі прыклады асобных заняткаў. Потым было практыкаванне, у час якога ўдзельнікі прэзентацыі ў групах павінны былі дапісваць варыянты працягу беларускіх прымавак (падобных да «Дзеду міла…», «Любы дурань ведае…»). У канцы сустрэчы яе ўдзельнікам былі прадстаўлены гарадзенскія вядучыя курсаў Мова Нанова Ольга Астроўская і Ігар Кузьмініч.

29 верасня 2014 года распачаўся другі сезон курсаў.[117]

14 верасня 2015 года распачаўся трэці сезон курсаў.[118] Таксама ў той дзень адкрыліся асобныя заняткі для дзетак.

Баранавічы[правіць | правіць зыходнік]

Мова нанова Баранавічы, 15 сакавіка 2014.


У суботу, 15 сакавіка 2014 года[119], Мова Нанова стартавала ў Баранавічах. Заняткі будуць праходзіць у памяшканні грамадскай экалагічнай арганізацыі «Неруш» (Паўлава, 12).

Баранавіцкія курсы ініцыявала Юлія Траццяк, яна ж і будзе праводзіць заняткі.

Першыя заняткі правялі выкладчыкі мінскіх курсаў Алеся Літвіноўская і Глеб Лабадзенка. Слухачоў сабралася 30 чалавек. Заняткі прайшлі пры падтрымцы грамадскай культурніцкай кампаніі «Будзьма беларусамі!»

10 верасня 2014 года [120] адбыліся першыя заняткі другога сезону курсаў. Курсы наведалі 18 чалавек. Гасцямі былі Ігар Ліштван і Вадзім Урублеўскі. На занятках была складзена агульная схема радаводу, зробленаі тэатральная пастаноўка на імправізаванай сцэне казкі «Рэпка», былі вывучаны непажаданыя суфіксы дзеясловаў.

9 верасня 2015 года адбыліся першыя заняткі трэцяга сезону курсаў [121]

Нясвіж[правіць | правіць зыходнік]

Мова нанова Нясвіж, 22 сакавіка 2014.

Заняткі «Мова нанова» прайшлі ў Нясвіжы 22 сакавіка 2014 года [122]. Іх правялі выкладчыкі мінскіх курсаў Алеся Літвіноўская і Глеб Лабадзенка. Арганізавала сустрэчу мастачка Наталля Бордак.

Акрамя першых заняткаў курсы ў горадзе Нясвіжу пакуль не адбываліся.

Брэст[правіць | правіць зыходнік]

Мова нанова Брэст, 27 красакавіка 2014.

27 красавіка 2014 года ў Брэсце [123] адбыліся першыя заняткі, якія сабралі больш за 90 чалавек. Заняткі правялі выкладчыкі мінскіх курсаў Алеся Літвіноўская і Глеб Лабадзенка. Слухачы вывучылі беларускія адпаведнікі сваіх імёнаў, выканалі творчае заданне, патрэніраваліся на хуткамоўках, паслухалі галасы выбітных беларускіх паэтаў. «Мова Нанова» стане традыцыйнай у Брэсце: кожную сераду можна будзе бясплатна і з задавальненнем адчуць і пачуць беларускае слова. Эстафету выкладання курсаў у Брэсце падхапілі Інга Воран і Яўген Скрабец. Арганізатары і выкладчыкі курсаў абяцаюць нясумныя заняткі.

6 верасня 2014 года стартаваў другі сезон курсаў.[124]

5 кастрычніка 2015 года распачаўся трэці сезон курсаў.[125] Госцем праграмы першых заняткаў стаў вядомы акцёр і вядоўца перадачы «Падарожжы дылетанта» Юрый Жыгамонт.

У 2015 годзе стартаваў дзiцячы праект (выкладчыца Аляксандра Грынь).

Маладзечна[правіць | правіць зыходнік]

Мова нанова Маладзечна, 7 мая 2014.

Першыя заняткі «Мова Нанова» ў Маладзечне 7 мая 2014 года[126] сабралі пад 60 чалавек. Правялі іх выкладчыкі мінскіх курсаў Алеся Літвіноўская і Глеб Лабадзенка. Сустрэча доўжылася больш за дзве гадзіны. Слухачы даведаліся пра спрадвечна беларускія формы імёнаў, навучыліся вышукваць ілжэсяброў перакладчыка, папрактыкаваліся ў прыгожым маўленні і пачулі галасы Якуба Коласа і Янкі Купалы. Далей выкладаць на курсах будуць маладзечанская журналістка Настасся Роўда і культурніцкі дзеяч з Мінска Алесь Мазанік.

15 верасня 2014 года[127] распачаліся першыя заняткі другога сезона курсаў.[128]

15 верасня 2015 года[129] Галоўнай тэмай стала лета, якое скончылася. Курсанты расказвалі аб сваім адпачынку, дзяліліся ўражаннямі: хто пабываў за мяжой, хто на лецішчы ці ў вёсцы.

Магілёў[правіць | правіць зыходнік]

Мова нанова Магілёў, 11 мая 2014.

11 мая 2014 года Магілёў [130] стаў дзявятым горадам, дзе распачаліся заняткі «Мова нанова», якія па традыцыі правялі заснавальнікі курсаў Алеся Літвіноўская і Глеб Лабадзенка. На ўрок у грамадскі цэнтр «Кола» прыйшло пад 50 чалавек — аўдыторыя для падобнага роду імпрэзаў не малая для Магілёва. На заняткі нават прыехалі са сваёй выкладчыцай дзеткі з Оршы. Глеб Лабадзенка ды Алеся Літвіноўская распавялі магілёўскай грамадзе пра беларускі імяннік, традыцыйныя назвы сваякоў, згадалі беларускія хуткамоўкі, прыказкі ды прымаўкі. Усе веды былі замацаваныя на практыцы. У далейшым курсы будуць збірацца ў горадзе штосераду, а іх вядоўцам стане мясцовы выкладчык Юрась Каласоўскі.

9 верасня 2014 года адбыліся першыя заняткі другога сезона курсаў.

8 верасня 2015 года адбыліся першыя заняткі трэцяга сезона курсаў.

Віцебск[правіць | правіць зыходнік]

Мова нанова Віцебск, 25 мая 2014.

Прэзентацыя бясплатных публічных курсаў беларускай мовы адбылася ў нядзелю, 25 мая 2014 года[131], у выставачнай зале культурна-гістарычнага комплексу Залатое кола горада Віцебска «Дзвіна». Віцебск стаў дзясятым горадам дзе адкрыліся курсы. На першыя заняткі курсаў сабралі больш за 50 чалавек.

Уводны занятак правялі стваральнікі мінскіх курсаў — журналіст Глеб Лабадзенка і філолаг Алеся Літвіноўская. На першай сустрэчы слухачы даведаліся пра спрадвечна беларускую форму свайго імя. Слухачы навучыліся лепш карыстацца сінонімамі. Выкладчыкі расказалі як правільна называць сваякоў. Папрактыкаваліся студэнты і ў прыгожым маўленні хуткагаворак, паспаборнічалі ў моўных вынаходствах.

Заняткі будуць весці мясцовыя выкладчыкі. Адным з іх стане філолаг Сяргей Маркаў.

Другі сезон курсаў пачаўся 7 верасня 2015 года[132].

Трэці сезон курсаў пачаўся 23 верасня 2016 года[133].

Чацвёрты сезон курсаў пачаўся 27 верасня 2017 года ў арт-пабе «Торвальд» (вул. Тастога, 1). Беларускай мове, культуры, літаратуры і гісторыі віцяблян чацвёрты год навучаюць тэлевядучы Сяргей Маркаў і філолаг Таццяна Дубоўская.

Астравец[правіць | правіць зыходнік]

Мова Нанова Астравец, 4 лютага 2015.

Першыя заняткі прайшлі 4 лютага 2015 года[134], іх правялі вядоўцы менскіх курсаў Алеся Літвіноўская і Глеб Лабадзенка. У далейшым весці курсы будуць настаўніца Вольга Лябецкая і журналістка Алёна Гануліч. Гімназія, дзе будуць праходзіць курсы, зусім новая — яна адкрылася 12 студзеня. Кабінеты і памяшканні абсталяваныя тэхнікай. На першых занятках прысутнічалі жыхары Астраўца і навакольных вёсак. Гасцей прывітала дырэктар гімназіі Алена Чаславаўна Севасцьян. На занятках слухачы даведаліся пра беларускія формы сваіх імёнаў, абмеркавалі безэквівалентную беларускую лексіку, патрэніраваліся ў чытанні хуткамовак, успомнілі беларускія назвы сваякоў. У канцы ўсіх чакаў музычны госць — выступ саліста Беларускай дзяржаўнай філармоніі Сержука Доўгушава.

Другі сезон распачаўся 14 кастрычніка 2015 года.[135]

Гомель[правіць | правіць зыходнік]

Мова Нанова Гомель, 15 лютага 2015.

15 лютага 2015 года[136] Гомель стаў 10-м горадам, дзе запрацавалі курсы. Першыя заняткі правялі выкладчыкі мінскіх курсаў Алеся Літвіноўская і Глеб Лабадзенка. На курсы ў філіял Веткаўскага музея ў гарадскім парку сабралася каля 60 чалавек. Наведнікі даведаліся пра лексіку па тэме «Крама», а таксама пра безэквівалентную лексіку ў беларускай мове. Перад грамадой выступіў саліст Белдзяржфілармоніі, лідар гурта Vuraj Сяржук Доўгушаў.

6 верасня 2015 года распачаўся другі сезон.

Зноскі

  1. ↑ «Мова нанова»: У «Галерэі Ў» стартавалі новыя моўныя курсы. Архівавана 9 красавіка 2014. — артыкул на сайце budzma.by
  2. ↑ Прайшоў першы занятак курсаў «Мова нанова» ў Астраўцы — артыкул на сайце ostrovets.by
  3. ↑ Суполка ў фэйсбуку
  4. ↑ Курсы «Мова нанова» цяпер маюць анлайн-трансляцыю — артыкул на сайце racyja.com
  5. ↑ Пераможцы AD.NAK!: беларускаарыентаваны рэкламны і камунікацыйны праект, грамадсказначныя праекты Архівавана 26 ліпеня 2014. — артыкул на сайце http://adnak.by
  6. ↑ «Мова Нанова» стварыла службу бясплатных перакладаў на беларускую мову Архівавана 29 лістапада 2014. — артыкул на сайце gazetanm.eu
  7. ↑ Хуткая моўная дапамога
  8. ↑ Дабрачынны аукцыён Архівавана 2 снежня 2014.
  9. ↑ Глеб Лабадзенка: «На аўтарскіх экскурсіях спадзяюцца пачуць што-небудзь адметнае» Архівавана 4 сакавіка 2016. — артыкул на сайце belarus.tio.by
  10. ↑ Cпартова-моўны фэстываль «Мова Cup» — артыкул на сайце svaboda.mobi
  11. ↑ Падведзены вынікі спартыўнага фестывалю «Мова Cup» Архівавана 29 лістапада 2014. — артыкул на сайце mst.by
  12. ↑ «Мова нанова» — цяпер і для дзетак — артыкул на сайце svaboda.org
  13. ↑ Першыя заняткі «Мова Нанова Дзеткам» сабралі прыблізна 60 дзяцей — артыкул на сайце novychas.info
  14. ↑ Курсы «Мова Нанова» атрымалі дзяржаўную рэгістрацыю Архівавана 24 снежня 2014. — артыкул на сайце budzma.by
  15. ↑ Вынікі конкурса «Падзея года» — артыкул на сайце adukatar.net
  16. ↑ Мова Нанова — тэлеверсія папулярных бясплатных курсаў  — артыкул на сайце belsat.eu
  17. ↑ «Мова Нанова» запусціла новы суперсайт Архівавана 4 сакавіка 2016. — артыкул на сайце budzma.by
  18. ↑ Выпускны на занятках «Мова Нанова» (фотарэпартаж) — артыкул на сайце budzma.by
  19. ↑ «Мова нанова»: фотарэпартаж з першага занятку — артыкул на сайце generation.by
  20. ↑ На другой «Мове нанова» Уладзімір Арлоў нечакана дастаў шаблю — артыкул на сайце budzma.by
  21. ↑ ВІДЭА Выступ эксперта Святланы Сігаевай
  22. ↑ Мова нанова № 4 — Медыцына(недаступная спасылка) — артыкул на сайце budzma.by
  23. ↑ Фотарэпартаж з пятых заняткаў курсаў «Мова Нанова» — артыкул на сайце budzma.by
  24. ↑ "Спевы Барадуліна, птушкі ды караоке — чарговая «Мова нанова» прайшла 24 лютага — артыкул на сайце websmi.by
  25. ↑ Мова нанова № 9 — Зоркі (фота) — артыкул на сайце budzma.by
  26. ↑ Мова нанова № 11 — Мода — артыкул на сайце budzma.by
  27. ↑ Заняткі курсаў «Мова нанова» былі прысвечаныя гораду — артыкул на сайце budzma.by
  28. ↑ Мова Нанова № 14 — Адукацыя — артыкул на сайце budzma.by
  29. ↑ Мова Нанова № 15 — Вялікдзень — артыкул на сайце budzma.by
  30. ↑ «Мова нанова» пра людзей з інваліднасцю: галоўнае не слова, а паняцце артыкул на сайце http://disright.org
  31. ↑ Апошнія сур’ёзныя заняткі ў гэтым сезоне Архівавана 28 жніўня 2014.
  32. ↑ Поўны выступ гурта HandmadE movananova.by
  33. ↑ Выступ Уладзіміра Арлова movananova.by
  34. ↑ Выступ Алега Хаменкі movananova.by
  35. ↑ Выступ Ігара Палынскага (гурт Sumarok) movananova.by
  36. ↑ Выступ гурта Rahis + групавое караоке movananova.by
  37. ↑ Выступ гурта BosaeSonca movananova.by
  38. ↑ Выступ Віктара Шалкевіча movananova.by
  39. ↑ Гурт Вурай і народны хор «Мова нанова» movananova.by
  40. ↑ Выступ Сашы Варламава movananova.by
  41. ↑ Выступ Андрэя Хадановіча + «Дон Жуан» movananova.by
  42. ↑ Выступ Лявона Вольскага movananova.by
  43. ↑ Выступ гурта Shuma з хорам «Мова Нанова» movananova.by
  44. ↑ Выступ Вячаслава Ракіцкага movananova.by
  45. ↑ Выступ Мікалая Пінігіна movananova.by
  46. ↑ Выступ Змітра Вайцюшкевіча movananova.by
  47. ↑ Выступ Касі Камоцкай movananova.by
  48. ↑ а б Мова нанова: 500-годдзе Бітвы пад Воршай! артыкул на сайце budzma.by
  49. ↑ ВІДЭА Поўны запіс заняткаў Мова Нанова — ВЫПУСКНЫ
  50. ↑ Поўны запіс заняткаў 15.09.2014 у Менску
  51. ↑ ВІДЭА Поўны запіс заняткаў 22.09.2014 у Галерэі Ў у Менску
  52. ↑ Мова Нанова: Эканоміка (фота) артыкул на сайце budzma.by
  53. ↑ ВІДЭА Поўны запіс заняткаў «Рэклама»
  54. ↑ ВІДЭА Поўны запіс заняткаў «Жывёльны свет» (+ канцэрт AKUTE) артыкул на сайце budzma.by
  55. ↑ фота артыкул на сайце budzma.by
  56. ↑ ВІДЭА Поўны запіс заняткаў «Мова»
  57. ↑ ВІДЭА Поўны запіс заняткаў «Музей» movananova.by
  58. ↑ ВІДЭА Поўны запіс заняткаў, прысвечаных Якубу Коласу movananova.by
  59. ↑ ВІДЭА Поўны запіс заняткаў «У краме» movananova.by
  60. ↑ ВІДЭА Поўны запіс заняткаў «Экалогія» movananova.by
  61. ↑ ВІДЭА Поўны запіс заняткаў «Дзеці» (+ канцэрт Мутнае Вока) movananova.by
  62. ↑ ВІДЭА Поўны запіс заняткаў 8.12.2014 у Менску movananova.by
  63. ↑ ВІДЭА Поўны запіс заняткаў «Здаровае харчаванне» (+ выступ Сяргея Доўгушава) movananova.by
  64. ↑ ВІДЭА Поўны запіс заняткаў «Каляды» movananova.by
  65. ↑ ВІДЭА Поўны запіс заняткаў «Зіма» movananova.by
  66. ↑ ВІДЭА Поўны запіс заняткаў «Бізнес» movananova.by
  67. ↑ ВІДЭА Поўны запіс заняткаў «Трасянка» movananova.by
  68. ↑ ВІДЭА Поўны запіс заняткаў «Кавярня» movananova.by
  69. ↑ ВІДЭА Поўны запіс заняткаў «Адам Міцкевіч» movananova.by
  70. ↑ ВІДЭА Поўны запіс заняткаў «Масленіца» movananova.by
  71. ↑ ВІДЭА Поўны запіс заняткаў «80 год Рыгору Барадуліну» movananova.by
  72. ↑ ВІДЭА Поўны запіс заняткаў «Журналістыка» movananova.by
  73. ↑ ВІДЭА Поўны запіс заняткаў Мова Нанова — Жаночая драбяза movananova.by
  74. ↑ ВІДЭА Поўны запіс заняткаў Мова Нанова — Грошы movananova.by
  75. ↑ ВІДЭА Поўны запіс заняткаў Мова Нанова — Вясна movananova.by
  76. ↑ ВІДЭА Поўны запіс заняткаў Мова Нанова — Археалогія movananova.by
  77. ↑ ВІДЭА Поўны запіс заняткаў Мова Нанова — Спадчына movananova.by
  78. ↑ ВІДЭА Поўны запіс заняткаў Мова Нанова — Цырульня movananova.by
  79. ↑ ВІДЭА Поўны запіс заняткаў Мова Нанова — Васіль Быкаў movananova.by
  80. ↑ ВІДЭА Поўны запіс заняткаў Мова Нанова — Тэлебачанне movananova.by
  81. ↑ ВІДЭА Поўны запіс заняткаў Мова Нанова — Матацыклы movananova.by
  82. ↑ ВІДЭА Поўны запіс заняткаў Мова Нанова — Гендар movananova.by
  83. ↑ МОВА НАНОВА: Нашчадкі пераможцаў зьбіраюцца тут! артыкул на сайце svaboda.org
  84. ↑ ЦІКАВІНКІ Стары Ольса: Бітва пад Воршай (аўдыё) movananova.by
  85. ↑ Алег Рудакоў: Мова і нацыянальны строй — галоўныя чыньнікі ідэнтыфікацыі беларусаў артыкул на сайце charter97.org
  86. ↑ ГОСЦЬ Пятро Клюеў + ВІДЭА movananova.by
  87. ↑ Сяргей Харэўскі movananova.by
  88. ↑ ВІДЭА Выступ гурта RECHA movananova.by
  89. ↑ Аляксандр Куль + ВІДЭА movananova.by
  90. ↑ ВІДЭА Выступ гурта У нескладовае на Мова Нанова movananova.by
  91. ↑ ВІДЭА Спеўны сход на «Мове Нанове»! movananova.by
  92. ↑ ВІДЭА Выступ гурта Akute на Мове Нанове 13.10.2014 movananova.by
  93. ↑ ВІДЭА Выступ ТрыА Алеся Лася на Мова Нанова movananova.by
  94. ↑ ВІДЭА Гурт KRIWI на Мова Нанова! movananova.by
  95. ↑ ВІДЭА Гурт ZnaROCK на Мове Нанова! movananova.by
  96. ↑ ВІДЭА Паліна Рэспубліка на Мове Нанова 10.11.2014 movananova.by
  97. ↑ ВІДЭА Выступ гурта Людзі на балоце movananova.by
  98. ↑ ВІДЭА Запіс выступу гурта NAVI movananova.by
  99. ↑ ВІДЭА Гурт Мутнаевока на Мова Нанова! movananova.by
  100. ↑ Выступ Сяргея Башлыкевіча(Гурт Liebonik) movananova.by
  101. ↑ ВІДЭА Выступ Сяргея Башлыкевіча(Гурт Liebonik) на Мова Нанова movananova.by
  102. ↑ ВІДЭА Зміцер Вайцюшкевіч movananova.by
  103. ↑ Выступ Віктара Шалкевіча movananova.by
  104. ↑ Trubetskoy прэзентаваў новую песню на верш Максіма Багдановіча budzma.by
  105. ↑ ВІДЭА Алег Трусаў movananova.by
  106. ↑ J:морс праспяваў «Асфальт» па-беларуску артыкул на сайце nashaniva.by
  107. ↑ Выступ гурта HAINA movananova.by
  108. ↑ Выступ гурта GUDA movananova.by
  109. ↑ Выступ гурта :B:N: movananova.by
  110. ↑ Выступ гурта Shuma voices movananova.by
  111. ↑ Падарожжы дылетанта Юрыя Жыгамонта movananova.by
  112. ↑ ВЫПУСКНЫ
  113. ↑ В Бобруйске открылись курсы «Мова нанова» — артыкул на сайце euroradio.fm
  114. ↑ 19 верасня ў Бабруйску стартаваў новы сезон «Мова нанова» — артыкул на сайце babruysk.by
  115. ↑ Бабруйск — новы сезон — артыкул на сайце babruysk.by
  116. ↑ На першы занятак «Мова нанова» ў Гродне прыйшло больш за 100 чалавек Архівавана 18 сакавіка 2014. — артыкул на сайце tut.by
  117. ↑ Новы сезон курсаў беларускай мовы «Мова нанова» пачынаецца ў Гродна  — артыкул на сайце grodno.in
  118. ↑ Новы сезон курсаў беларускай мовы «Мова нанова» пачынаецца ў Гродна Архівавана 20 студзеня 2019. — артыкул на сайце t-styl.info
  119. ↑ У Баранавічах стартавалі бясплатныя інтэрактыўныя курсы беларускай мовы «Мова нанова» Архівавана 19 сакавіка 2014. — артыкул на сайце intex-press.by
  120. ↑ Мова нанова. Другi сезон ў тваім горадзе!(недаступная спасылка) — артыкул на сайце барановичи.net/news
  121. ↑ Мова нанова. Трэці сезон ў тваім горадзе! Архівавана 5 сакавіка 2016. — артыкул на сайце intex-press.by
  122. ↑ «Мова нанова» прайшла ў Нясвіжы — артыкул на сайце movananova.by
  123. ↑ Жыве мова! — артыкул на сайце racyja.com
  124. ↑ На берасцейскіх курсах «МОВА НАНОВА» адпачывала 50 чалавек  — артыкул на сайце virtual.brest.by
  125. ↑ Новы сезон «Мовы нанова» ў Брэсце — артыкул на сайце nashaniva.by
  126. ↑ Першыя заняткі «Мовы Нанова» ў Маладзечне Архівавана 11 мая 2014. — артыкул на сайце rh.by
  127. ↑ «Мова Нанова» вяртаецца і ў Маладзечна — артыкул на сайце nashaniva.by
  128. ↑ Першы занятак другога сезона. «Адукацыя» — фота на сайце facebook.com
  129. ↑ новы сезон бясплатных курсаў беларускай мовы «Мова нанова»  — артыкул на сайце kraj.by
  130. ↑ 11 мая Магілёў стаў дзявятым горадам, дзе распачаліся моўныя заняткі. — артыкул на сайце svaboda.org
  131. ↑ Як у Віцебску прайшоў першы занятак «Мовы Нанова». Архівавана 9 чэрвеня 2014. — артыкул на сайце tut.by
  132. ↑ У Віцебску адкрываецца другі сезон курсаў «Мова нанова» — артыкул на сайце hnews.vitebsk.cc
  133. ↑ адкрыццё новага сезона «Мова нанова» ў Віцебску прыедзе Юрый Жыгамонт(недаступная спасылка) — артыкул на сайце tut.by
  134. ↑ Мова Нанова стартавала ў Астраўцы (ФОТА, ВІДЭА) — артыкул на сайце movananova.by
  135. ↑ Мова Нанова стартавала ў Астраўцы (ФОТА, ВІДЭА) — артыкул на сайце movananova.by
  136. ↑ У Гомель прыйшла «Мова Нанова» — артыкул на сайце svaboda.org

Спасылкі[правіць | правіць зыходнік]

«Мова нанова» ў Сеціве[правіць | правіць зыходнік]

Пра «Мова нанова» у СМІ[правіць | правіць зыходнік]

Узята з "https://be.wikipedia.org/w/index.php?title=Мова_нанова&oldid=4260862"