Могилёвская жизнь

«Могилёвская жизнь»
Тып	газета
Краіна	Расійская імперыя  Расійская рэспубліка
Заснавана	ліпень 1917
Спыненне публікацый	20 лістапада (3 снежня) 1917
Палітычная прыналежнасць	Магілёўскае губернскае земства[d]
Мова	руская
Галоўны офіс	Магілёў
Медыяфайлы на Вікісховішчы

Могилёвская жизнь — грамадска-палітычная штодзённая газета, орган Магілёўскага губернскага земства. Выдавалася ў Магілёве з ліпеня па лістапад 1917 года.

Публікавала матэрыялы, якія адлюстроўвалі палітычнае жыццё Магілёва і іншых гарадоў і мястэчкаў губерні ў перыяд падрыхтоўкі і правядзення Кастрычніцкай рэвалюцыі, дзейнасць палітычных партый, нацыянальных груп, органаў самакіравання, звесткі пра стаўленне іх да важных палітычных падзей таго перыяду. Змешчаны паведамленні пра перамогу Кастрычніцкага ўзброенага паўстання ў Петраградзе, пра пасяджэнне Петраградскага Савета 25 кастрычніка (7 лістапада) 1917 г. з выступленнямі У. І. Леніна, А. В. Луначарскага, Р. Я. Зіноўева, Л. Д. Троцкага. Падрабязна выкладзены матэрыялы пра 2-і Усерасійскі з’езд Саветаў, яго склад і ход працы, апублікаваны прамовы У. І. Леніна.

Пасля атрымання паведамлення пра перамогу Кастрычніцкага ўзброенага паўстання ў Петраградзе, нягледзячы на спробы афіцыйных улад горада замоўчаць гэту найважнейшую падзею, ужо раніцай 25 кастрычніка былі апублікаваны ўсе падрабязнасці. Асвятляла пасяджэнні палітычных і грамадскіх арганізацый горада, армейскага камітэта пры Стаўцы, выканкама Савета. Інфармавала пра з’езды Саветаў, вынікі выбараў ва Устаноўчы сход па Магілёўскай губерні.

Апошні вядомы нумар газеты ад 20 лістапада (3 снежня) 1917.

Літаратура

• «Могилёвская жизнь» // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.

Спасылкі

• На Вікісховішчы ёсць медыяфайлы па тэме Могилёвская жизнь