Модульнае арыгамі

З пляцоўкі Вікіпедыя
Jump to navigation Jump to search
Розныя мадэлі, зробленыя ў тэхніцы модульнага арыгамі

Модульнае арыгамі — тэхніка складання арыгамі, якая, у адрозненні ад класічнага арыгамі, выкарыстоўвае ў працэсе складання некалькі аркушаў паперы. Кожны асобны аркуш складваецца ў модуль па правілах класічнага арыгамі, а затым модулі злучаюцца шляхам укладвання іх адзін у адзін. Сіла трэння, якая з'яўляецца пры гэтым, не дай канструкцыі распасціся. Зняцце абмежавання на колькасць аркушаў дазваляе з большай лёгкасцю ствараць буйныя мадэлі са складанай структурай.

Асаблівасці[правіць | правіць зыходнік]

Модульнае арыгамі заключаецца ў складанні фігурак з многіх аднолькавых модуляў (апошнія, праўда могуць быць розных тыпаў). Гэта адрознівае модульнае арыгамі ад больш агульнага выпадку шматаркушнага арыгамі, дзе ідэнтычнасць модуляў не істотна. У складаных вырабах аб'ёмнага модульнага арыгамі (напрыклад, большасць кусудамаў) без выкарыстання клею і іншых сродкаў злучэння не абыйсціся. Толькі ў простых выпадках (кубік Санобэ, цэлы шэраг плоскіх вырабаў і т.п.) модулі дастаткова трывала трымаюцца адзін за аднаго толькі за кошт сілы трэння. Аднак і пры складанні плоскіх пано-арыгамі з многіх сотняў, а часам і тысяч модуляў, нярэдка выкарыстоўваецца клей.

У залежнасці ад спосабу злучэння модуляў паміж сабой можна атрымаць тую ці іншую канструкцыю. Мадэлі модульнага арыгамі могуць быць плоскімі і трохмернымі. Першыя звычайна прадстаўлены многавугольнікамі (іх звычайна называюць падстаўкамі), зоркамі, круцёлкамі і кольцамі, другія ж - правільнымі шматграннікамі або іх кампазіцыямі.

Прыклады модульнага арыгамі[правіць | правіць зыходнік]

Кусудама[правіць | правіць зыходнік]

Адным з найбольш часта сустракаемых аб'ектаў з'яўляецца кусудама — аб'ёмнае цела шарападобнай формы, сабранае з папяровых кветак. У старажытнасці японцы выкарыстоўвалі складзеныя з паперы кусудамы для лячэння хворых. Яна складалі ўнутр лячэбныя зёлкі і падвешвалі кусудаму над ложкам хворага. Асновай кусудамы, як правіла, з'яўляецца правільны шматграннік (часцей за ўсё куб, дадэкаэдр або ікасаэдр). Некалькі радзей (у сілу большай складанасці і працаёмкасці вырабу) за аснову бярэцца паўправільны шматграннік. Складовыя часткі кусудамы не ўбудоўваюцца адна ў адну, а часцяком склейваюцца ці нават проста сшываюцца разам ніткай. Цяпер кусудамай часам называюць любы аб'ект модульнага арыгамі шарападобнай формы.

Модуль Санобэ[правіць | правіць зыходнік]

Прыклад выкарыстовання модуля Санобэ

Міцунобу Санобэ распрацаваў сістэму модульнага арыгамі, якая дазваляе сканструяваць практычна любую трохмерную фігуру. Яе асновай служыць модуль Санобэ (ці яго разнавіднасці) - паралелаграм, які мае два кішэні для злучэння з іншымі паралелаграмамі.

Гісторыя[правіць | правіць зыходнік]

Упершыню модульнае арыгамі згадваецца ў японскай кнізе «Ranma Zushiki» Хаята Ахако ў 1734 годзе. Яна ўтрымлівае гравюру, якая паказвае групу традыцыйных мадэляў арыгамі, адна з якіх - модульны куб. Куб паказаны ў двух ракурсах, а ў тлумачэнні ён апісваецца як «таматэбако» або «куфар чароўнага скарба».

У кнізе Ісао Хонда «Свет Арыгамі»[1], апублікаванай у 1965 годзе, відаць, намаляваная тая ж мадэль, якую ён называе «кубічнай скрынкай». Шэсць патрэбных для канструявання модуляў былі створаны з традыцыйнай японскай фігуркі, вядомай як «мэнко». Кожны модуль фармуе адну грань сабранага куба.

Адной з традыцыйных формаў модульнага арыгамі з'яўляецца кусудама.

Таксама шэраг мадэляў модульнага арыгамі існуе ў кітайскай традыцыі папяровага складання, асабліва характэрныя лотас, зроблены з "паперы шчасця", а таксама пагада.

Нягледзячы на даўнюю гісторыю модульнага арыгамі, большасць традыцыйных фігурак усё ж складзены з аднаго аркуша паперы. Магчымасці, уласцівыя модульнаму арыгамі, не развіваліся аж да 1960-х, калі гэту тэхніку адкрылі зноў Роберт Нейл у ЗША і, пазней, Міцунобу Санобэ ў Японіі.

Вядомыя майстры модульнага арыгамі[правіць | правіць зыходнік]

Літаратура[правіць | правіць зыходнік]

  • Ник Робинсон Оригами для чайников. Как сделать оригами. Схемы и модели из бумаги для детей и взрослых = Origami Kit For Dummies. — М.: «Диалектика», 2010. — С. 256. — ISBN 978-5-8459-1688-4
  • Гончар В. В. Модульное оригами. — М.: Айрис, 2009. ISBN 978-5-8112-3465-3

Зноскі

  1. Japan Publications ISBN 0-87040-383-4

Спасылкі[правіць | правіць зыходнік]