Моцарткугель

Моцартавы кулькі ад розных вытворцаў

Моцарткугель (ням.: Mozartkugel, даслоўна Моцартава кулька) — кандытарскі выраб з шакаладу, фісташкавага гарэху, марцыпану і нугі. Быў створаны ў 1890 годзе зальцбургскім кандытарам Паўлем Фюрстам і названы ў гонар кампазітара Вольфганга Амадэя Моцарта. Першапачаткова называўся Mozart-Bonbon (ад фр.: Bonbon — цукерка).

Арыгінальныя Моцарткуглі дагэтуль вырабляюцца рукамі фірмай «Кандытарская Фюрста» ў Зальцбургу. Праз адсутнасць аўтарскіх правоў, цукеркі пад такой назвай вырабляе таксама цэлы шэраг фірмаў у Аўстрыі і Германіі.

Спасылкі

• Konditorei Fürst Salzburg
• Mirabell-Mozartkugeln(недаступная спасылка)
• Reber-Mozartkugeln