Мужчынская зборная Даніі па гандболе

Спартыўныя ўзнагароды
Чэмпіянаты свету
Срэбра	Швецыя 1967	Зборная
Бронза	Германія 2007	Зборная
Срэбра	Швецыя 2011	Зборная
Срэбра	Іспанія 2013	Зборная
Чэмпіянаты Еўропы
Золата	Нарвегія 2008	Зборная
Золата	Сербія 2012	Зборная
Бронза	Швецыя 2002	Зборная
Бронза	Славенія 2004	Зборная
Бронза	Швейцарыя 2006	Зборная

Збо́рная Да́ніі па гандбо́ле (дацк.: Danmarks håndboldlandshold) — мужчынская нацыянальная зборная Даніі, якая прадстаўляе дзяржаву на міжнародных спаборніцтвах па гандболе. Склад каманды вызначае Дацкая гандбольная федэрацыя. Гандбольная зборная Даніі — двухразовы чэмпіён Еўропы (2008, 2012) і лідар па колькасці медалёў чэмпіянатаў Еўропы (5).

Гісторыя

Гандбол — другі па папулярнасці від спорту ў Даніі пасля футбола. У 2003 Дацкая гандбольная федэрацыя мела больш за 146 000 членаў.

Чэмпіянат свету 2007 года

У 2007 Данія брала ўдзел у Чэмпіянаце свету ў Германіі, дзе яны трапілі ў групу E разам з Анголай, Венгрыяй і Нарвегіяй. Атрымаўшы перамогі ў матчах з Анголай і Нарвегіяй, Данія выйшла ў асноўны раўнд, дзе трапіла ў групу з Харватыяй, Чэхіяй, Расіяй, Венгрыяй і дзейным чэмпіёнам — Іспаніяй.

Пачаўшы з паражэнні ад Харватыі, Данія перамагла ва ўсіх астатніх матчах. У чвэрцьфінале датчане перамаглі Ісландыю з мінімальнай розніцай 42:41, аднак у паўфінале саступілі Польшчы 36:33. У матчы за 3-е месца каманда перамагла Францыю 34:27 і заваявала бронзу.

Лінейны датчан Мікаэль Вестэргард Кнудсен увайшоў у склад зборнай усіх зорак чэмпіянату.

Чэмпіянат Еўропы 2008 года

Тры разы запар заняўшы трэція месцы чэмпіянатаў Еўропы, зборная Даніі нарэшце ў 2008 года ў Нарвегіі заваявала золата. Толькі аднойчы каманда саступіла зборнай гаспадароў у зацятым дэрбі. У фінале Данія перамагла Харватыю 24:20. Варатар Каспер Віт і крайні Ларс Крысціянсен былі ўключаны ў зборную ўсіх зорак, а Ларс Крысціянсен яшчэ стаў і найлепшым бамбардзірам турніру.

Чэмпіянат Еўропы 2010 года

Дзейныя чэмпіёны былі фаварытамі і на гэтым чэмпіянаце. Аднак Данія не выйшла ў асноўны раўнд, саступіўшы Ісландыі і Харватыі і задаволіўшыся перамогай над Іспаніяй 34:27 у матчы за 5-е месца.

Чэмпіянат свету 2011 года

У 2011 года ў Германіі, атрымаўшы 9 перамог запар, Данія ўпершыню за 44 гады выйшла ў фінал Чэмпіянату свету. У апошнім матчы датчане саступілі Францыі 35:37 у авертайме. Такім чынам, на той час Францыя валодала ўсімі трыма тытуламі: чэмпіёнаў Еўропы, Алімпійскіх гульняў і свету.

Чэмпіянат Еўропы 2012 года

На Чэмпіянаце Еўропы зборная Даніі зноў была адной з фаварытак як віцэ-чэмпіён свету. Аднак у групе яна саступіла Сербіі і Польшчы, прайшоўшы ў асноўны раўнд без заробленых пунктаў і павінна была не толькі перамагаць ва ўсіх матчах, але і спадзявацца на спрыяльныя вынікі іншых зборных. У апошнім туры толькі перамога Польшчы над Германіяй магла ўратаваць Данію, і Польшча атрымала цяжкую перамогу 33:32. Даніі заставалася проста перамагчы Швецыю, і з гэтай перамогай (31:24) Данія стала першай зборнай у гісторыі чэмпіянатаў Еўропы, якая здолела выйсці ў паўфінал, маючы 0 пунктаў пасля групавога раўнду.

У паўфінале зборная Даніі зноў сустрэлася з іспанцамі, як гэта здарылася на мінулагоднім чэмпіянаце свету-2011. Данія зноў была мацнейшаю (25:24), а ў фінале ў малавыніковым матчы перамагла Сербію 21:19. Гэта зрабіла Данію першай гандбольнай зборнай, якая стала чэмпіёнам Еўропы пасля таго, як выйшла ў асноўны раўнд з 0 пунктаў.

Чэмпіянат свету 2013 года

Дзейны чэмпіён Еўропы трапіў у групу B з Расіяй, Ісландыяй, Македоніяй, Катарам і Чылі. Датчане перамаглі ва ўсіх матчах, у 1/8 без праблем адолеўшы Туніс 30:23. Першая палова чвэрцьфінальнага матча супраць Венгрыі скончылася з камфортным лікам 18:11, аднак у другой палове завязалася напружаная барацьба; тым не менш Данія здолела атрымаць перамогу 28:26. Другі раз запар зборная Даніі выйшла ў паўфінал спаборніцтва, дзе сустрэлася з Харватыяй, якая выбіла з розыгрышу дзейных чэмпіёнаў, французаў. Нягледзячы на гэта, Данія правяла найлепшы свой матч на чэмпіянаце, перамогшы 30:24 і другі раз запар дасягнуўшы фіналу.

У фінале іх чакала зборная гаспадароў — Іспанія. Гэты матч стаў кашмарам зборнай Даніі, якая саступіла з непрыстойнай розніцай у 16 галоў, двойчы запар аступіўшыся ў фіналах чэмпіянатаў свету.

Храналогія выступаў

Чэмпіянат свету

Рок	Раўнд	Пазіцыя	Г	В	Н*	П	ЗМ	ПМ
1938	Паўфінал	4	3	0	0	3	6	20
1954	5 месца	5	3	1	0	2	44	45
1958	Паўфінал	4	4	4	0	2	121	86
1961	5 месца	5	6	4	0	2	92	78
1964	7 месца	7	6	3	0	3	105	96
1967	Фінал	2	6	4	0	2	107	78
1970	Паўфінал	4	6	3	0	3	103	116
1974	Другі раўнд	8	6	2	0	3	63	78
1978	Паўфінал	4	6	4	1	1	114	101
1982	Паўфінал	4	7	4	1	2	150	143
1986	Другі раўнд	8	7	3	0	4	152	160
1990	Не кваліфікаваліся	-	-	-	-	-	-	-
1993	Другі раўнд	9	7	2	2	3	145	156
1995	Папярэдні раўнд	19	5	2	0	3	126	117
1997	Не кваліфікаваліся	-	-	-	-	-	-	-
1999	1/8 фіналу	9	6	4	0	2	141	140
2001	Не кваліфікаваліся	-	-	-	-	-	-	-
2003	Другі раўнд	9	7	4	0	3	201	193
2005	Папярэдні раўнд	13	5	3	0	2	174	117
2007	Паўфінал	3	10	7	0	3	316	283
2009	Паўфінал	4	10	7	0	3	298	258
2011	Фінал	2	10	9	0	1	334	256
2013	Фінал	2	9	8	0	1	291	244
2015		-	-	-	-	-	-	-
Агулам	21/24	0 тытулаў	129	78	*4	49	3083	2765

*Сюды ўключаныя і матчы плэй-оф, якія скончыліся серыяй пенальці.

Чэмпіянат Еўропы

Рок	Раўнд	Пазіцыя	Г	В	Н*	П	ЗМ	ПМ
1994	4 месца	4	7	3	1	3	150	152
1996	11—12 месца	12	6	0	0	6	132	158
1998	Не кваліфікаваліся
2000	9—10 месца	10	6	2	0	4	143	153
2002	3 месца	3	8	6	1	1	212	190
2004	3 месца	3	8	6	0	2	240	206
2006	3 месца	3	8	5	1	2	249	231
2008	Чэмпіён	1	8	7	0	1	233	193
2010	5—6 месца	5	7	5	0	2	198	184
2012	Чэмпіён	1	8	6	0	2	216	201
2014	Асноўны раўнд
Агулам	10/11	2 тытулы	58	34	3	21	1773	1668

*Сюды ўключаныя і матчы плэй-оф, якія скончыліся серыяй пенальці.

**Залаты фон — каманда перамагла ў спаборніцтве. Чырвоны прамавугольнік — чэмпіянат праводзіўся на радзіме.

Алімпійскія гульні

1. 1972 — 13-е месца
2. 1976 — 8-е месца
3. 1980 — 9-е месца
4. 1984 — 4-е месца
5. 1988 — Не выступалі
6. 1992 — Не выступалі
7. 1996 — Не выступалі
8. 2000 — Не выступалі
9. 2004 — Не выступалі
10. 2008 — 7-е месца
11. 2012 — 6-е месца

Актуальны склад

Склад на Чэмпіянаце Еўропы 2014 года.

Галоўны трэнер: Ульрык Вільбек

Нумар	Імя	Каманда	Гульні	Галы
Брамнікі
1	Ніклас Якабсен	Райн-Некар Лёвен	92	1
16	Янік Крэйберг	Б'ерынга-Сількебарг	31	0
Палявыя ігракі
2	Томас Могенсен	Фленсбург-Гандэвіт	95	234
3	Мадс Крысціянсен	Б'ерынга-Сількебарг	56	110
4	Клаус Томсэн	Тым Твіс Хольстэбро	4	0
5	Мадс Ларсен	Ольбарг	23	55
6	Каспер Мортэнсен	Б'ерынга-Сількебарг	25	73
7	Андэрс Эгерт	Фленсбург-Гандэвіт	116	444
13	Бо Шпэлерберг	Кольдынг	215	298
14	Мікаэль Вестэргард Кнудсен	Фленсбург-Гандэвіт	231	772
15	Еспер Нодэсбо	Барселона	153	328
17	Ласэ Хансан	Фленсбург-Гандэвіт	107	201
18	Ганс Ліндберг	Гамбург	176	501
19	Рэнэ Хансан	Кіль	72	117
21	Генрык Мельгаард	Ск’ерн	42	85
22	Каспер Сёндэргаард	Ск’ерн	131	290
24	Мікель Хансан	ПСЖ	103	486

Спасылкі

• На Вікісховішчы ёсць медыяфайлы па тэме Мужчынская зборная Даніі па гандболе
• Афіцыйная старонка (дацк.) Дацкай гандбольнай федэрацыі