Музей Фіцуільяма

З пляцоўкі Вікіпедыя
Jump to navigation Jump to search
Музей Фіцуільяма
FitzwilliamMuseum.jpg
Заснаваны 1816
Адкрыты 1816
Месцазнаходжанне
Наведвальнікі
  • 364 269 чал.
Адрас Trumpington Street, Cambridge CB2 1RB
Тэлефон +44-1223-332900
fitzmuseum.cam.ac.uk
Commons-logo.svg Музей Фіцуільяма на Вікісховішчы

Музей Фіцуільяма (англ.: Fitzwilliam Museum) — музей мастацтваў і гісторыі пры Кембрыджскім універсітэце ў горадзе Кембрыдж (Вялікабрытанія).

Агульныя звесткі[правіць | правіць зыходнік]

Музей быў утвораны ў 1816 годзе са спадчыны Рычарда Фіцуільяма, якая складалася са збору рэдкіх кніг і твораў мастацтва і якую ён завяшчаў універсітэту, а таксама 100 тысяч фунтаў стэрлінгаў. Будынак музея пабудаваны ў 1848 годзе архітэктарам Чарльзам Кокерэлам. Штогод музей Фіцуільяма наведвае да 300 тысяч чалавек. Уваход у музей бясплатны.

Збор[правіць | правіць зыходнік]

Збор музея падзелены на пяць аддзяленняў:

  • Старажытнае мастацтва
  • Прыкладное мастацтва
  • Манеты і медалі
  • Рукапісы і кнігі
  • Жывапіс і графіка

У аддзяленні Старажытнага мастацтва можна ўбачыць экспанаты са Старажытнага Егіпта, Старажытнай Грэцыі і Рыма, з краін Блізкага Усходу і Кіпра архаічнай і эліністычнай эпох. У аддзяленні Прыкладнога мастацтва можна бачыць англійскія і еўрапейскія прадметы побыту: посуд і крышталь, мэблю, гадзіннікі, зброю Сярэднявечча і Новага часу, а таксама асобнікі мастацтва з Кітая, Японіі і Карэі. Калекцыя манет і медалёў налічвае больш за 190 тысяч прадметаў захоўвання з усяго свету і ад пачатку чаканкі манет аж да нашых дзён. Аднак асобнага манетнага кабінета ў музеі няма, медалі і манеты дэманструюцца ў залах іншых аддзяленняў. У калекцыю ўваходзяць таксама гістарычныя і мастацкія медалі, ваенныя і грамадзянскія ўзнагароды, збор гем і камей. У аддзяленні рукапісаў і кніг сабраны старажытныя і сярэднявечныя манускрыпты, рэдкія друкаваныя кнігі, рукапісы і ноты, у тым ліку Вірджынальная кніга Фіцуільяма, адна з галоўных крыніц інструментальнай музыкі елізавецінскага перыяду (захавальнік музычнай калекцыі — буйны брытанскі музыказнавец Іэн Фенлан). У карціннай галерэі захоўваюцца палотны і графіка еўрапейскіх майстроў XIII—XX стагоддзяў, у тым ліку працы такіх майстроў, як Джамбатыста Пітані, Тыцыяна, Веранезэ, Рубенс, Ван Дэйк, Дэга, Манэ, Сезан, Рэнуар, Пікаса і іншых.

Зноскі