Музеі Ватыкана

З Вікіпедыі, свабоднай энцыклапедыі
Музеі Ватыкана
італ.: Musei Vaticani
Выява лагатыпа
Лагатып

Скульптуры над уваходам у музеі Ватыкана
Заснаваны 1506
Заснавальнік Юлій II
Адкрыты 1771
Месцазнаходжанне
Наведвальнікі 5,5 млн (2013)[1]
Адрас Viale Vaticano 6, I-00192 Roma
Дырэктар Антоніа Паалучы
museivaticani.va (італ.)(фр.)(англ.)(ісп.)(ням.)
Лагатып Вікісховішча Медыяфайлы на Вікісховішчы

Музеі Ватыкана  — сукупнасць музеяў, размешчаных на тэрыторыі дзяржавы Ватыкан. Калекцыі музеяў збіраліся рымскімі папамі на працягу гісторыі і ўтрымліваюць мастацкія работы класічных майстроў, уключаючы творы эпохі Адраджэння.

Музей быў заснаваны Папам Юліем II у пачатку XVI стагоддзя. У маршрут па музеях Ватыкана ўваходзяць Сіксцінская капэла са столевымі роспісамі Мікеланджэла і станцы Рафаэля. У 2013 годзе музеі Ватыкана наведала 5,5 млн турыстаў, дзякуючы чаму яны апынуліся на пятым месцы сярод самых наведвальных музеяў. Музеі налічваюць 54 галерэі, сярод якіх апошняй з’яўляецца Сіксцінская капэла.

Гісторыя[правіць | правіць зыходнік]

Гісторыя калекцыі музеяў Ватыкана пачынаецца з мармуровай скульптуры «Лаакоан і яго сыны», знойдзенай 14 студзеня 1506 года ў вінаградніках Эсквіліна. Папа Юлій II, даведаўшыся пра знаходку, адразу ж паслаў за ёй архітэктара Джуліяна да Сангала і скульптара Мікеланджэла Буанароці. Сангала пацвердзіў сапраўднасць працы, а Мікеланджэла рэкамендаваў набыць яе ва ўладальніка. Юлій II усталяваў скульптуру для публічнага доступу ў спецыяльнай нішы ў Ватыканскім Бельведэры роўна праз месяц.

Карцінныя галерэі[правіць | правіць зыходнік]

Ватыканская пінакатэка — збор твораў жывапісу. Да 1932 гады карціны размяшчаліся ў апартаментах Борджыя. Калекцыя ўключае ў сябе такія вядомыя творы, як трыпціх Джота дзі Бандонэ; «Мадона дзі Фаліньё», «Праабражэнне», «Каранацыя Марыі» Рафаэля; «Св. Еранім» Леанарда да Вінчы; «Палажэнне ў труну» Караваджа; «Мадона з дзіцем і святымі» і «Уваскрасенне» П’етра Перуджына; «Шлюб Маці Божай» Філіпа Ліпі. У 1973 годзе была адкрыта калекцыя сучаснага рэлігійнага мастацтва.

Гістарычны музей[правіць | правіць зыходнік]

Скульптуры выстаўлены для агляду ў музеях, якія акружаюць Бельведэрскі палац: Музей Пія-Клімента, Музей К’ярамонці, Этрускі і Егіпецкі музеі.

Музеі скульптур[правіць | правіць зыходнік]

У 1973 годзе быў адкрыты Гістарычны музей. У яго калекцыі сабраны транспартныя сродкі, прадметы ўжытку, фатаграфіі, дакументы і іншыя экспанаты, якія ілюструюць шматвекавую гісторыю Ватыкана і рымскіх папаў.

Заўвагі[правіць | правіць зыходнік]

  1. Top 100 Art Museum Attendance. The Art Newspaper. Праверана 13 ліпеня 2014.