Мурэа

З пляцоўкі Вікіпедыя
Jump to navigation Jump to search
Мурэа
фр. Moorea, таіц. Moʻorea
Moorea - Vue avion (1).JPG
Выгляд з паветра
Характарыстыкі
Плошча134 км²
Найвышэйшы пункт1 207 м
Насельніцтва16 191 чал. (2007)
Шчыльнасць насельніцтва120,83 чал./км²
Размяшчэнне
17°32′ пд. ш. 149°50′ з. д.HGЯO
АрхіпелагАстравы Таварыства
АкваторыяЦіхі акіян
Краіна
Мурэа (Ціхі акіян)
Мурэа
Мурэа
Лагатып Вікісховішча Аўдыё, фота і відэа на Вікісховішчы


Мурэа (франц. Moorea, таіц.: Moʻorea, літаральна "жоўтая яшчарка") — востраў у Французскай Палінезіі. Уваходзіць у групу Наветраных астравоў Таварыства. Плошча - 134 км². Насельніцтва - 16191 чал. (2007 г.)

Геаграфія[правіць | правіць зыходнік]

Востраў размешчаны не далёка ад Таіці. Мае вулканічнае паходжанне. Даволі ўзгорысты. Найвышэйшы пункт - гара Тахіэа (1 207 м). Уздоўж часткі ўзбярэжжа цягнецца каралавы рыф, які фарміруе 3 невялікія астраўкі моту.

Клімат трапічны мусонны. Сезон дажджоў працягваецца са снежня да красавіка. У зімовыя месяцы (чэрвень - верасень) з паўднёвага ўсходу дзьме прахалодны вецер Марааму. Сярэднегадавая тэмпература 24 - 28° C.

Гісторыя[правіць | правіць зыходнік]

Мурэа быў населены палінезійцамі ў канцы 1 тысячагоддзя н. э. Да прыбыцця еўрапейцаў ён з'яўляўся важным духоўным цэнтрам Палінезіі. Да нашага часу захавалася некалькі палінезійскіх стадолаў марае. Найбольш старажытны - Афарэату, усталяваны ў IX ст.

Адкрыты ў 1767 г. брытанцам Сэмюэлем Уолісам. На востраве таксама пабывалі Дж. Кук, Ч. Дарвін, О. Кацэбу.

У канцы XVIII ст. быў далучаны да Таіцянскай дзяржавы. У XIX ст. быў абвешчаны калоніяй Францыі.

У 2010 г. група палінезійцаў у пратэст супраць змен у традыцыйным ладзе жыцця абвясціла на Мурэа дзяржаву Хау Пакумоту.

Эканоміка і інфраструктура[правіць | правіць зыходнік]

Мурэа - другі па значэнню востраў Французскай Палінезіі, дзе інтэнсіўна развіваецца турызм. Мясцовыя жыхары займаюцца земляробствам (вырошчваюць ваніль, цытрусавыя, ананасы, бананы і г. д.) і ловам рыбы. Частка тубыльцаў стала працуе на суседнім Таіці.

Востраў звязаны з Таіці і некалькімі іншымі астравамі Таварыства паромнай пераправай. Дзейнічае аэрапорт. Галоўная шаша цягнецца вакол усяго ўзбярэжжа Мурэа.

Спасылкі[правіць | правіць зыходнік]

Wikivoyage-Logo-v3-icon.svg Moorea даведнік на сайце Wikivoyage