Мучністарасяныя грыбы

З пляцоўкі Вікіпедыя
Jump to navigation Jump to search
Мучністарасяныя грыбы
KleistoMicroAlphi.jpg
Клейстатэцый Microsphaera alphitoides
Навуковая класіфікацыя
Міжнародная навуковая назва

Erysiphales Gwynne-Vaughan, 1922

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  612918
NCBI  34371
EOL  5624
MB  90471

Мучні́старася́ныя грыбы (Erysiphales) — парадак сумчатых грыбоў з групы пірэнаміцэтаў.

Апісанне[правіць | правіць зыходнік]

Міцэлій белы або шэры, прымацаваны да субстрату прысоскамі і гаўсторыямі, з дапамогай якіх пранікае ўнутр эпідэрмісу і паглынае пажыўныя рэчывы. У цыкле развіцця 2 стадыі: бясполая — канідыяльная (за вегетацыйны перыяд канідыі ўтвараюцца шматразова, распаўсюджваюцца ветрам, насякомымі і інш.) і палавая — сумчатая. Сумкі з аскаспорамі размяшчаюцца ў пладовых целах (клейстатэцыях), якія маюць шарападобны выгляд, ломкія, часта з прыдаткамі і без вусцейкаў. Сумкі па адной ці ў пучках з 2—3 аскаспорамі.

Роды і віды[правіць | правіць зыходнік]

Налічваецца больш за 250 відаў і форм, на Беларусі каля 100. Найбольш пашыраны віды з родаў: сфератэка (Sphaerotheca), эрызіфе (Erysiphe), левейлула (Leveillula), мікрасфера (Microsphaera), падасфера (Podosphaera), трыхакладыя (Trichocladia), філактынія (Phyllactinia).

Значэнне[правіць | правіць зыходнік]

Аблігатныя паразіты раслін, многія прыстасаваны да пэўнага віду. Узбуджальнікі мучністай расы. Утвараюць на лісці, зялёных парастках, кветках, пладах грыбніцу з органамі споранашэння накшталт мучністага налёту (адсюль назва).

Зноскі

Літаратура[правіць | правіць зыходнік]

Бельская С. Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн.: БелЭн, 2000. — 560 с.: іл. ISBN 985-11-0188-5 (т. 11), ISBN 985-11-0035-8.